11. ติกวคฺโค
1. ราคสุตฺตวณฺณนา
[107] เอกาทสมสฺส ปฐเม อสุภาติ อสุภกมฺมฏฺฐานํฯ เมตฺตาติ เมตฺตากมฺมฏฺฐานํฯ ปญฺญาติ สหวิปสฺสนา มคฺคปญฺญาฯ
6. อสฺสาทสุตฺตวณฺณนา
[112] ฉฏฺเฐ อสฺสาททิฏฺฐีติ สสฺสตทิฏฺฐิฯ อตฺตานุทิฏฺฐีติ อตฺตานํ อนุคตา วีสติวตฺถุกา สกฺกายทิฏฺฐิฯ มิจฺฉาทิฏฺฐีติ ทฺวาสฏฺฐิวิธาปิ ทิฏฺฐิฯ สมฺมาทิฏฺฐีติ มคฺคสมฺมาทิฏฺฐิ, นตฺถิ ทินฺนนฺติอาทิกา วา มิจฺฉาทิฏฺฐิ, กมฺมสฺสกตญาณํ สมฺมาทิฏฺฐิฯ
7. อรติสุตฺตวณฺณนา
[113] สตฺตเม อธมฺมจริยาติ ทส อกุสลกมฺมปถาฯ
10. อุทฺธจฺจสุตฺตวณฺณนา
[116] ทสเม อสํวโรติ อนธิวาสกภาโวฯ เสสํ สพฺพตฺถ อุตฺตานเมวาติฯ
ติกวคฺโค เอกาทสโมฯ