เมนู

13. ตติยโมรนิวาปสุตฺตวณฺณนา

[146] เตรสเม สมฺมาทิฏฺฐิยาติ ผลสมาปตฺตตฺถาย สมฺมาทิฏฺฐิยาฯ สมฺมาญาเณนาติ ผลญาเณนฯ สมฺมาวิมุตฺติยาติ เสเสหิ ผลสมาปตฺติธมฺเมหิฯ อิเมสุ ตีสุปิ สุตฺเตสุ ขีณาสโวว กถิโตติฯ

โยธาชีววคฺโค จตุตฺโถฯ

(15) 5. มงฺคลวคฺโค

1-9. อกุสลสุตฺตาทิวณฺณนา

[147-155] ปญฺจมสฺส ปฐเม ยถาภตํ นิกฺขิตฺโตติ ยถา อาเนตฺวา ฐปิโตฯ ทุติเย สาวชฺเชนาติ สโทเสนฯ ตติเย วิสเมนาติ สปกฺขลเนนฯ สเมนาติ อปกฺขลเนนฯ จตุตฺเถ อสุจินาติ คูถสทิเสน อปริสุทฺเธน อเมชฺเฌนฯ สุจินาติ ปริสุทฺเธน เมชฺเฌนฯ ปญฺจมาทีนิ อุตฺตานาเนวฯ