เมนู

3. ปญฺญาสุตฺตวณฺณนา

[1133] อามกธญฺญเปยฺยาเล อริเยน ปญฺญาจกฺขุนาติ วิปสฺสนํ อาทิํ กตฺวา โลกิยโลกุตฺตเรน ญาณจกฺขุนาฯ

4. สุราเมรยสุตฺตวณฺณนา

[1134] สุราเมรยมชฺชปฺปมาทฏฺฐานา ปฏิวิรตาติ เอตฺถ สุรา นาม ปิฏฺฐสุรา, โอทนสุรา, ปูวสุรา, กิณฺณปกฺขิตฺตา, สมฺภารสํยุตฺตาติ ปญฺจวิธาฯ เมรยํ นาม ปุปฺผาสโว, ผลาสโวติ, เอวํ วุตฺโต โย โกจิ อาสโวฯ มชฺชนฺติ ตเทว อุภยํ, ยํ วา ปนญฺญมฺปิ สุราสววินิมุตฺตํ มทนียํฯ ยาย เจตนาย ตํ ปิวนฺติ, สา ปมาทสฺส การณตฺตา ปมาทฏฺฐานํ นาม, ตโต ปฏิวิรตาติ อตฺโถฯ

6-7. มตฺเตยฺยสุตฺตาทิวณฺณนา

[1136-37] มตฺเตยฺยาติ มาตุหิตา, มาตริ สมฺมาปฏิปนฺนาติ อตฺโถฯ เปตฺเตยฺยาทีสุ ปิตุหิตา เปตฺเตยฺยาฯ

8-9. สามญฺญสุตฺตาทิวณฺณนา

[1138-39] สมณานํ หิตา สามญฺญาฯ พฺราหฺมณานํ หิตา พฺรหฺมญฺญาฯ เตสุ เตสุ สมฺมา ปฏิปนฺนานํเยเวตํ อธิวจนํฯ

10. ปจายิกสุตฺตวณฺณนา

[1140] กุเล เชฏฺฐาปจายิโนติ กุเล เชฏฺฐานํ อปจายิโน, นีจวุตฺติโนติ อตฺโถฯ

8. ทุติยอามกธญฺญเปยฺยาลวคฺโค