เมนู

ทฺเวภิกฺขุวารเอกาทสกาทิกถา

[181] ตโต ปรํ โย ปฏิจฺฉาเทติ, ตสฺมิํ ปฏิปตฺติทสฺสนตฺถํ ‘‘ทฺเว ภิกฺขู’’ติอาทิ วุตฺตํฯ ตตฺถ มิสฺสกนฺติ ถุลฺลจฺจยาทีหิ มิสฺสกํฯ สุทฺธกนฺติ สงฺฆาทิเสสํ วินา ลหุกาปตฺติกฺขนฺธเมวฯ

[184] ตโต ปรํ อวิสุทฺธวิสุทฺธภาวทสฺสนตฺถํ ‘‘อิธ ปน, ภิกฺขเว, ภิกฺขุ สมฺพหุลา สงฺฆาทิเสสา’’ติอาทิ วุตฺตํฯ ตตฺถ พฺยญฺชนโต วา อธิปฺปายโต วา อนุตฺตานํ นาม กิญฺจิ นตฺถิ, ตสฺมา ตญฺจ อิโต ปุพฺเพ อวุตฺตญฺจ สพฺพํ ปาฬิอนุสาเรเนว เวทิตพฺพนฺติฯ

ทฺเวภิกฺขุวารเอกาทสกาทิกถา นิฏฺฐิตาฯ

สมุจฺจยกฺขนฺธกวณฺณนา นิฏฺฐิตาฯ