ฯ นโม ตสฺส ภควโต อรหโต สมฺมาสมฺพุทฺธสฺสฯ วินยปิฏเก ปาราชิกกณฺฑ-อฏฺฐกถา (ปฐโม ภาโค) คนฺถารมฺภกถา กาลํ กโรนฺโต อติทุกฺกรานิ; เขทํ คโต โลกหิตาย นาโถ; นโม มหาการุณิกสฺส ตสฺสฯ อสมฺพุธํ พุทฺธนิเสวิตํ ยํ; ภวาภวํ คจฺฉติ ชีวโลโก; วิทฺธํสิโน ธมฺมวรสฺส ตสฺสฯ คุเณหิ โย สีลสมาธิปญฺญา- วิมุตฺติญาณปฺปภุตีหิ ยุตฺโต; เขตฺตํ ชนานํ กุสลตฺถิกานํ; ตมริยสงฺฆํ สิรสา นมามิฯ อิจฺเจวมจฺจนฺตนมสฺสเนยฺยํ; นมสฺสมาโน รตนตฺตยํ ยํ; ปุญฺญาภิสนฺทํ วิปุลํ อลตฺถํ; ตสฺสานุภาเวน หตนฺตราโยฯ ปติฏฺฐิตํ โหติ สุสณฺฐิตสฺส; ตํ วณฺณยิสฺสํ วินยํ อมิสฺสํ; นิสฺสาย ปุพฺพาจริยานุภาวํฯ กามญฺจ ปุพฺพาจริยาสเภหิ; ญาณมฺพุนิทฺโธตมลาสเวหิ; สทฺธมฺมสํวณฺณนโกวิเทหิฯ สลฺเลขิเย โนสุลภูปเมหิ; มหาวิหารสฺส ธชูปเมหิ; สํวณฺณิโตยํ วินโย นเยหิ; จิตฺเตหิ สมฺพุทฺธวรนฺวเยหิฯ สํวณฺณนา สีหฬทีปเกน; วากฺเยน เอสา ปน สงฺขตตฺตา; ทีปนฺตเร ภิกฺขุชนสฺส ยสฺมาฯ ตสฺมา อิมํ ปาฬินยานุรูปํ; สํวณฺณนํ ทานิ สมารภิสฺสํ; อชฺเฌสนํ พุทฺธสิริวฺหยสฺส; เถรสฺส สมฺมา สมนุสฺสรนฺโตฯ สํวณฺณนํ ตญฺจ สมารภนฺโต; ตสฺสา มหาอฏฺฐกถํ สรีรํ; กตฺวา มหาปจฺจริยํ ตเถว; กุรุนฺทินามาทิสุ วิสฺสุตาสุฯ วินิจฺฉโย อฏฺฐกถาสุ วุตฺโต; โย ยุตฺตมตฺถํ อปริจฺจชนฺโต; ตโตปิ อนฺโตคธเถรวาทํ; สํวณฺณนํ สมฺม สมารภิสฺสํฯ |