เหตุยา ปญฺจ, อารมฺมเณ ทฺเว, อวิคเต ปญฺจฯ (สํขิตฺตํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

1-6. กุสลตฺติก-ปีติตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[34] กุสลํ ปีติสหคตํ ธมฺมํ ปฏิจฺจ กุสโล ปีติสหคโต ธมฺโม อุปฺปชฺชติ เหตุปจฺจยาฯ (1)

อกุสลํ ปีติสหคตํ ธมฺมํ ปฏิจฺจ อกุสโล ปีติสหคโต ธมฺโม อุปฺปชฺชติ เหตุปจฺจยาฯ (1)

อพฺยากตํ ปีติสหคตํ ธมฺมํ ปฏิจฺจ อพฺยากโต ปีติสหคโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ตีณิ, อารมฺมเณ ตีณิ, อวิคเต ตีณิฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

[35] กุสโล ปีติสหคโต ธมฺโม กุสลสฺส ปีติสหคตสฺส ธมฺมสฺส เหตุปจฺจเยน ปจฺจโยฯ (1)

อกุสโล ปีติสหคโต ธมฺโม อกุสลสฺส ปีติสหคตสฺส ธมฺมสฺส เหตุปจฺจเยน ปจฺจโยฯ (1)

อพฺยากโต ปีติสหคโต ธมฺโม อพฺยากตสฺส ปีติสหคตสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

เหตุยา ตีณิ, อารมฺมเณ นว, อธิปติยา สตฺต, อนนฺตเร ปญฺจ อวิคเต ตีณิฯ (สํขิตฺตํฯ)

(ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

[36] กุสลํ สุขสหคตํ ธมฺมํ ปฏิจฺจ กุสโล สุขสหคโต ธมฺโม อุปฺปชฺชติ เหตุปจฺจยาฯ (1)

อกุสลํ สุขสหคตํ ธมฺมํ ปฏิจฺจ อกุสโล สุขสหคโต ธมฺโม อุปฺปชฺชติ เหตุปจฺจยาฯ (1)