เมนู

[44] นคนฺถญฺเจว นคนฺถวิปฺปยุตฺตญฺจ ธมฺมํ ปฏิจฺจ นคนฺโถ เจว นคนฺถวิปฺปยุตฺโต จ ธมฺโม อุปฺปชฺชติ เหตุปจฺจยาฯ นคนฺถญฺเจว นคนฺถวิปฺปยุตฺตญฺจ ธมฺมํ ปฏิจฺจ นคนฺถวิปฺปยุตฺโต เจว นโน จ คนฺโถ ธมฺโม อุปฺปชฺชติ เหตุปจฺจยาฯ นคนฺถญฺเจว นคนฺถวิปฺปยุตฺตญฺจ ธมฺมํ ปฏิจฺจ นคนฺโถ เจว นคนฺถวิปฺปยุตฺโต จ นคนฺถวิปฺปยุตฺโต เจว นโน จ คนฺโถ จ ธมฺมา อุปฺปชฺชนฺติ เหตุปจฺจยาฯ (3)

นคนฺถวิปฺปยุตฺตญฺเจว นโน จ คนฺถํ ธมฺมํ ปฏิจฺจ นคนฺถวิปฺปยุตฺโต เจว นโน จ คนฺโถ ธมฺโม อุปฺปชฺชติ เหตุปจฺจยาฯ นคนฺถวิปฺปยุตฺตญฺเจว นโน จ คนฺถํ ธมฺมํ ปฏิจฺจ นคนฺโถ เจว นคนฺถวิปฺปยุตฺโต จ ธมฺโม อุปฺปชฺชติ เหตุปจฺจยาฯ นคนฺถวิปฺปยุตฺตญฺเจว นโน จ คนฺถํ ธมฺมํ ปฏิจฺจ นคนฺโถ เจว นคนฺถวิปฺปยุตฺโต จ นคนฺถวิปฺปยุตฺโต เจว นโน จ คนฺโถ จ ธมฺมา อุปฺปชฺชนฺติ เหตุปจฺจยาฯ (3)

นคนฺถญฺเจว นคนฺถวิปฺปยุตฺตญฺจ นคนฺถวิปฺปยุตฺตญฺเจว นโน จ คนฺถญฺจ ธมฺมํ ปฏิจฺจ นคนฺโถ เจว นคนฺถวิปฺปยุตฺโต จ ธมฺโม อุปฺปชฺชติ เหตุปจฺจยาฯ นคนฺถญฺเจว นคนฺถวิปฺปยุตฺตญฺจ นคนฺถวิปฺปยุตฺตญฺเจว นโน จ คนฺถญฺจ ธมฺมํ ปฏิจฺจ นคนฺถวิปฺปยุตฺโต เจว นโน จ คนฺโถ ธมฺโม อุปฺปชฺชติ เหตุปจฺจยาฯ นคนฺถญฺเจว นคนฺถวิปฺปยุตฺตญฺจ นคนฺถวิปฺปยุตฺตญฺเจว นโน จ คนฺถญฺจ ธมฺมํ ปฏิจฺจ นคนฺโถ เจว นคนฺถวิปฺปยุตฺโต จ นคนฺถวิปฺปยุตฺโต เจว นโน จ คนฺโถ จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา นว…เป.… อวิคเต นวฯ (สพฺพตฺถ วิตฺถาโรฯ)

31. คนฺถวิปฺปยุตฺตคนฺถนิยทุกํ

[45] คนฺถวิปฺปยุตฺตํ นคนฺถนิยํ ธมฺมํ ปฏิจฺจ คนฺถวิปฺปยุตฺโต นคนฺถนิโย ธมฺโม อุปฺปชฺชติ เหตุปจฺจยาฯ คนฺถวิปฺปยุตฺตํ นคนฺถนิยํ ธมฺมํ ปฏิจฺจ คนฺถวิปฺปยุตฺโต นอคนฺถนิโย ธมฺโม อุปฺปชฺชติ เหตุปจฺจยาฯ คนฺถวิปฺปยุตฺตํ นคนฺถนิยํ ธมฺมํ ปฏิจฺจ คนฺถวิปฺปยุตฺโต นคนฺถนิโย จ คนฺถวิปฺปยุตฺโต นอคนฺถนิโย จ ธมฺมา อุปฺปชฺชนฺติ เหตุปจฺจยาฯ (3)

คนฺถวิปฺปยุตฺตํ นอคนฺถนิยํ ธมฺมํ ปฏิจฺจ คนฺถวิปฺปยุตฺโต นอคนฺถนิโย ธมฺโม อุปฺปชฺชติ เหตุปจฺจยาฯ (1)

คนฺถวิปฺปยุตฺตํ นคนฺถนิยญฺจ คนฺถวิปฺปยุตฺตํ นอคนฺถนิยญฺจ ธมฺมํ ปฏิจฺจ คนฺถวิปฺปยุตฺโต นอคนฺถนิโย ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ปญฺจ, อารมฺมเณ ทฺเว…เป.… อวิคเต ปญฺจฯ (สพฺพตฺถ วิตฺถาโรฯ)

คนฺถโคจฺฉกํ นิฏฺฐิตํฯ

32-49. โอฆาทิทุกานิ

[46] โนโอฆํ ธมฺมํ ปฏิจฺจ…เป.… โนโยคํ ธมฺมํ ปฏิจฺจ…เป.… (โอฆโคจฺฉกโยคโคจฺฉเกสุ อามสนํ อาสวโคจฺฉเก อามสนสทิสํ)ฯ

[47] โนนีวรณํ ธมฺมํ ปฏิจฺจ…เป.…ฯ (นีวรณโคจฺฉเก อามสนํ สญฺโญชนโคจฺฉเก อามสนสทิสํฯ)

นีวรณโคจฺฉกํ นิฏฺฐิตํฯ

50-54. ปรามาสาทิทุกานิ

[48] โนปรามาสํ ธมฺมํ ปฏิจฺจ โนปรามาโส ธมฺโม อุปฺปชฺชติ เหตุปจฺจยาฯ (สํขิตฺตํฯ)

[49] นปรามฏฺฐํ ธมฺมํ ปฏิจฺจ นปรามฏฺโฐ ธมฺโม อุปฺปชฺชติ เหตุปจฺจยาฯ (สํขิตฺตํฯ)

[50] นปรามาสสมฺปยุตฺตํ ธมฺมํ ปฏิจฺจ นปรามาสสมฺปยุตฺโต ธมฺโม อุปฺปชฺชติ เหตุปจฺจยาฯ

[51] นปรามาสญฺเจว นอปรามฏฺฐญฺจ ธมฺมํ ปฏิจฺจ นปรามาโส เจว นอปรามฏฺโฐ จ ธมฺโม อุปฺปชฺชติ เหตุปจฺจยาฯ นปรามาสญฺเจว นอปรามฏฺฐญฺจ ธมฺมํ ปฏิจฺจ นอปรามฏฺโฐ เจว นโน จ ปรามาโส ธมฺโม อุปฺปชฺชติ เหตุปจฺจยาฯ