นสญฺโญชนวิปฺปยุตฺตญฺเจว นโน จ สญฺโญชนํ ธมฺมํ ปฏิจฺจ นสญฺโญชนวิปฺปยุตฺโต เจว นโน จ สญฺโญชโน ธมฺโม อุปฺปชฺชติ เหตุปจฺจยาฯ นสญฺโญชนวิปฺปยุตฺตญฺเจว นโน จ สญฺโญชนํ ธมฺมํ ปฏิจฺจ นสญฺโญชโน เจว นสญฺโญชนวิปฺปยุตฺโต จ ธมฺโม อุปฺปชฺชติ เหตุปจฺจยาฯ นสญฺโญชนวิปฺปยุตฺตญฺเจว นโน จ สญฺโญชนํ ธมฺมํ ปฏิจฺจ นสญฺโญชโน เจว นสญฺโญชนวิปฺปยุตฺโต จ นสญฺโญชนวิปฺปยุตฺโต เจว นโน จ สญฺโญชโน จ ธมฺมา อุปฺปชฺชนฺติ เหตุปจฺจยาฯ (3)

นสญฺโญชนญฺเจว นสญฺโญชนวิปฺปยุตฺตญฺจ นสญฺโญชนวิปฺปยุตฺตญฺเจว นโน จ สญฺโญชนญฺจ ธมฺมํ ปฏิจฺจ นสญฺโญชโน เจว นสญฺโญชนวิปฺปยุตฺโต จ ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)

เหตุยา นว…เป.… อวิคเต นวฯ (สพฺพตฺถ วิตฺถาโรฯ)

25. สญฺโญชนวิปฺปยุตฺตสญฺโญชนิยทุกํ

[39] สญฺโญชนวิปฺปยุตฺตํ นสญฺโญชนิยํ ธมฺมํ ปฏิจฺจ สญฺโญชนวิปฺปยุตฺโต นสญฺโญชนิโย ธมฺโม อุปฺปชฺชติ เหตุปจฺจยาฯ สญฺโญชนวิปฺปยุตฺตํ นสญฺโญชนิยํ ธมฺมํ ปฏิจฺจ สญฺโญชนวิปฺปยุตฺโต นอสญฺโญชนิโย ธมฺโม อุปฺปชฺชติ เหตุปจฺจยาฯ สญฺโญชนวิปฺปยุตฺตํ นสญฺโญชนิยํ ธมฺมํ ปฏิจฺจ สญฺโญชนวิปฺปยุตฺโต นสญฺโญชนิโย จ สญฺโญชนวิปฺปยุตฺโต นอสญฺโญชนิโย จ ธมฺมา อุปฺปชฺชนฺติ เหตุปจฺจยาฯ (3)

สญฺโญชนวิปฺปยุตฺตํ นอสญฺโญชนิยํ ธมฺมํ ปฏิจฺจ สญฺโญชนวิปฺปยุตฺโต นอสญฺโญชนิโย ธมฺโม อุปฺปชฺชติ เหตุปจฺจยาฯ (1)

สญฺโญชนวิปฺปยุตฺโต นสญฺโญชนิยญฺจ สญฺโญชนวิปฺปยุตฺตํ นอสญฺโญชนิยญฺจ ธมฺมํ ปฏิจฺจ สญฺโญชนวิปฺปยุตฺโต นอสญฺโญชนิโย ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ปญฺจ…เป.… อวิคเต ปญฺจฯ (สพฺพตฺถ วิตฺถาโรฯ)

สญฺโญชนโคจฺฉกํ นิฏฺฐิตํฯ

26. คนฺถทุกํ

[40] โนคนฺถํ ธมฺมํ ปฏิจฺจ โนคนฺโถ ธมฺโม อุปฺปชฺชติ เหตุปจฺจยาฯ โนคนฺถํ ธมฺมํ ปฏิจฺจ นโนคนฺโถ ธมฺโม อุปฺปชฺชติ เหตุปจฺจยาฯ โนคนฺถํ ธมฺมํ ปฏิจฺจ โนคนฺโถ จ นโนคนฺโถ จ ธมฺมา อุปฺปชฺชนฺติ เหตุปจฺจยาฯ (3)

นโนคนฺถํ ธมฺมํ ปฏิจฺจ นโนคนฺโถ ธมฺโม อุปฺปชฺชติ เหตุปจฺจยาฯ นโนคนฺถํ ธมฺมํ ปฏิจฺจ โนคนฺโถ ธมฺโม อุปฺปชฺชติ เหตุปจฺจยาฯ นโนคนฺถํ ธมฺมํ ปฏิจฺจ โนคนฺโถ จ นโนคนฺโถ จ ธมฺมา อุปฺปชฺชนฺติ เหตุปจฺจยาฯ (3)

โนคนฺถญฺจ นโนคนฺถญฺจ ธมฺมํ ปฏิจฺจ โนคนฺโถ ธมฺโม อุปฺปชฺชติ เหตุปจฺจยาฯ โนคนฺถญฺจ นโนคนฺถญฺจ ธมฺมํ ปฏิจฺจ นโนคนฺโถ ธมฺโม อุปฺปชฺชติ เหตุปจฺจยาฯ โนคนฺถญฺจ นโนคนฺถญฺจ ธมฺมํ ปฏิจฺจ โนคนฺโถ จ นโนคนฺโถ จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา นว…เป.… อวิคเต นวฯ (สพฺพตฺถ นวฯ)

27. คนฺถนิยทุกํ

[41] นคนฺถนิยํ ธมฺมํ ปฏิจฺจ นคนฺถนิโย ธมฺโม อุปฺปชฺชติ เหตุปจฺจยาฯ นคนฺถนิยํ ธมฺมํ ปฏิจฺจ นอคนฺถนิโย ธมฺโม อุปฺปชฺชติ เหตุปจฺจยาฯ นคนฺถนิยํ ธมฺมํ ปฏิจฺจ นคนฺถนิโย จ นอคนฺถนิโย จ ธมฺมา อุปฺปชฺชนฺติ เหตุปจฺจยาฯ (3)

นอคนฺถนิยํ ธมฺมํ ปฏิจฺจ นอคนฺถนิโย ธมฺโม อุปฺปชฺชติ เหตุปจฺจยาฯ (1)

นคนฺถนิยญฺจ นอคนฺถนิยญฺจ ธมฺมํ ปฏิจฺจ นอคนฺถนิโย ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ปญฺจ…เป.… อวิคเต ปญฺจฯ (สพฺพตฺถ ปญฺจฯ)

28. คนฺถสมฺปยุตฺตทุกํ

[42] นคนฺถสมฺปยุตฺตํ ธมฺมํ ปฏิจฺจ นคนฺถสมฺปยุตฺโต ธมฺโม อุปฺปชฺชติ เหตุปจฺจยาฯ นคนฺถสมฺปยุตฺตํ ธมฺมํ ปฏิจฺจ นคนฺถวิปฺปยุตฺโต ธมฺโม อุปฺปชฺชติ เหตุปจฺจยาฯ นคนฺถสมฺปยุตฺตํ ธมฺมํ ปฏิจฺจ นคนฺถสมฺปยุตฺโต จ นคนฺถวิปฺปยุตฺโต จ ธมฺมา อุปฺปชฺชนฺติ เหตุปจฺจยาฯ (3)