นสญฺโญชนสมฺปยุตฺตญฺจ นสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชนวิปฺปยุตฺโต ธมฺโม อุปฺปชฺชติ เหตุปจฺจยา ฯ นสญฺโญชนสมฺปยุตฺตญฺจ นสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชนสมฺปยุตฺโต จ นสญฺโญชนวิปฺปยุตฺโต จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา นว, อารมฺมเณ ฉ…เป.… อวิคเต นวฯ (สพฺพตฺถ วิตฺถาโรฯ)

23. สญฺโญชนสญฺโญชนิยทุกํ

[37] นสญฺโญชนญฺเจว นอสญฺโญชนิยญฺจ ธมฺมํ ปฏิจฺจ นสญฺโญชโน เจว นอสญฺโญชนิโย จ ธมฺโม อุปฺปชฺชติ เหตุปจฺจยาฯ นสญฺโญชนญฺเจว นอสญฺโญชนิยญฺจ ธมฺมํ ปฏิจฺจ นอสญฺโญชนิโย เจว นโนอสญฺโญชโน จ ธมฺโม อุปฺปชฺชติ เหตุปจฺจยาฯ นสญฺโญชนญฺเจว นอสญฺโญชนิยญฺจ ธมฺมํ ปฏิจฺจ นสญฺโญชโน เจว นอสญฺโญชนิโย จ นอสญฺโญชนิโย เจว นโน จ สญฺโญชโน จ ธมฺมา อุปฺปชฺชนฺติ เหตุปจฺจยาฯ (3)

นอสญฺโญชนิยญฺเจว นโน จ สญฺโญชนํ ธมฺมํ ปฏิจฺจ นอสญฺโญชนิโย เจว นโน จ สญฺโญชโน ธมฺโม อุปฺปชฺชติ เหตุปจฺจยา… ตีณิฯ

นสญฺโญชนญฺเจว นอสญฺโญชนิยญฺจ นอสญฺโญชนิยญฺเจว นโนสญฺโญชนญฺจ ธมฺมํ ปฏิจฺจ นสญฺโญชโน เจว นอสญฺโญชนิโย จ ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)

เหตุยา นว, อารมฺมเณ นว…เป.… อวิคเต นวฯ (สพฺพตฺถ วิตฺถาโร ฯ)

24. สญฺโญชนสญฺโญชนสมฺปยุตฺตทุกํ

[38] นสญฺโญชนญฺเจว นสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชโน เจว นสญฺโญชนวิปฺปยุตฺโต จ ธมฺโม อุปฺปชฺชติ เหตุปจฺจยาฯ นสญฺโญชนญฺเจว นสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชนวิปฺปยุตฺโต เจว นโนสญฺโญชโน จ ธมฺโม อุปฺปชฺชติ เหตุปจฺจยาฯ นสญฺโญชนญฺเจว นสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชโน เจว นสญฺโญชนวิปฺปยุตฺโต จ นสญฺโญชนวิปฺปยุตฺโต เจว นโน จ สญฺโญชโน จ ธมฺมา อุปฺปชฺชนฺติ เหตุปจฺจยาฯ (3)

นสญฺโญชนวิปฺปยุตฺตญฺเจว นโน จ สญฺโญชนํ ธมฺมํ ปฏิจฺจ นสญฺโญชนวิปฺปยุตฺโต เจว นโน จ สญฺโญชโน ธมฺโม อุปฺปชฺชติ เหตุปจฺจยาฯ นสญฺโญชนวิปฺปยุตฺตญฺเจว นโน จ สญฺโญชนํ ธมฺมํ ปฏิจฺจ นสญฺโญชโน เจว นสญฺโญชนวิปฺปยุตฺโต จ ธมฺโม อุปฺปชฺชติ เหตุปจฺจยาฯ นสญฺโญชนวิปฺปยุตฺตญฺเจว นโน จ สญฺโญชนํ ธมฺมํ ปฏิจฺจ นสญฺโญชโน เจว นสญฺโญชนวิปฺปยุตฺโต จ นสญฺโญชนวิปฺปยุตฺโต เจว นโน จ สญฺโญชโน จ ธมฺมา อุปฺปชฺชนฺติ เหตุปจฺจยาฯ (3)

นสญฺโญชนญฺเจว นสญฺโญชนวิปฺปยุตฺตญฺจ นสญฺโญชนวิปฺปยุตฺตญฺเจว นโน จ สญฺโญชนญฺจ ธมฺมํ ปฏิจฺจ นสญฺโญชโน เจว นสญฺโญชนวิปฺปยุตฺโต จ ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)

เหตุยา นว…เป.… อวิคเต นวฯ (สพฺพตฺถ วิตฺถาโรฯ)

25. สญฺโญชนวิปฺปยุตฺตสญฺโญชนิยทุกํ

[39] สญฺโญชนวิปฺปยุตฺตํ นสญฺโญชนิยํ ธมฺมํ ปฏิจฺจ สญฺโญชนวิปฺปยุตฺโต นสญฺโญชนิโย ธมฺโม อุปฺปชฺชติ เหตุปจฺจยาฯ สญฺโญชนวิปฺปยุตฺตํ นสญฺโญชนิยํ ธมฺมํ ปฏิจฺจ สญฺโญชนวิปฺปยุตฺโต นอสญฺโญชนิโย ธมฺโม อุปฺปชฺชติ เหตุปจฺจยาฯ สญฺโญชนวิปฺปยุตฺตํ นสญฺโญชนิยํ ธมฺมํ ปฏิจฺจ สญฺโญชนวิปฺปยุตฺโต นสญฺโญชนิโย จ สญฺโญชนวิปฺปยุตฺโต นอสญฺโญชนิโย จ ธมฺมา อุปฺปชฺชนฺติ เหตุปจฺจยาฯ (3)

สญฺโญชนวิปฺปยุตฺตํ นอสญฺโญชนิยํ ธมฺมํ ปฏิจฺจ สญฺโญชนวิปฺปยุตฺโต นอสญฺโญชนิโย ธมฺโม อุปฺปชฺชติ เหตุปจฺจยาฯ (1)

สญฺโญชนวิปฺปยุตฺโต นสญฺโญชนิยญฺจ สญฺโญชนวิปฺปยุตฺตํ นอสญฺโญชนิยญฺจ ธมฺมํ ปฏิจฺจ สญฺโญชนวิปฺปยุตฺโต นอสญฺโญชนิโย ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ปญฺจ…เป.… อวิคเต ปญฺจฯ (สพฺพตฺถ วิตฺถาโรฯ)

สญฺโญชนโคจฺฉกํ นิฏฺฐิตํฯ

26. คนฺถทุกํ