โนสญฺโญชนญฺจ นโนสญฺโญชนญฺจ ธมฺมํ ปฏิจฺจ นโนสญฺโญชโน ธมฺโม อุปฺปชฺชติ เหตุปจฺจยาฯ โนสญฺโญชนญฺจ นโนสญฺโญชนญฺจ ธมฺมํ ปฏิจฺจ โนสญฺโญชโน จ นโนสญฺโญชโน จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา นว, อารมฺมเณ นว…เป.… อวิคเต นวฯ (สพฺพตฺถ วิตฺถาโรฯ)

21. สญฺโญชนิยทุกํ

[35] นสญฺโญชนิยํ ธมฺมํ ปฏิจฺจ นสญฺโญชนิโย ธมฺโม อุปฺปชฺชติ เหตุปจฺจยาฯ นสญฺโญชนิยํ ธมฺมํ ปฏิจฺจ นอสญฺโญชนิโย ธมฺโม อุปฺปชฺชติ เหตุปจฺจยาฯ นสญฺโญชนิยํ ธมฺมํ ปฏิจฺจ นสญฺโญชนิโย จ นอสญฺโญชนิโย จ ธมฺมา อุปฺปชฺชนฺติ เหตุปจฺจยาฯ (3)

นอสญฺโญชนิยํ ธมฺมํ ปฏิจฺจ นอสญฺโญชนิโย ธมฺโม อุปฺปชฺชติ เหตุปจฺจยาฯ (1)

นสญฺโญชนิยญฺจ นอสญฺโญชนิยญฺจ ธมฺมํ ปฏิจฺจ นอสญฺโญชนิโย ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ปญฺจ, อารมฺมเณ ทฺเว…เป.… อวิคเต ปญฺจฯ (สพฺพตฺถ วิตฺถาโรฯ)

22. สญฺโญชนสมฺปยุตฺตทุกํ

[36] นสญฺโญชนสมฺปยุตฺตํ ธมฺมํ ปฏิจฺจ นสญฺโญชนสมฺปยุตฺโต ธมฺโม อุปฺปชฺชติ เหตุปจฺจยาฯ นสญฺโญชนสมฺปยุตฺตํ ธมฺมํ ปฏิจฺจ นสญฺโญชนวิปฺปยุตฺโต ธมฺโม อุปฺปชฺชติ เหตุปจฺจยาฯ นสญฺโญชนสมฺปยุตฺตํ ธมฺมํ ปฏิจฺจ นสญฺโญชนสมฺปยุตฺโต จ นสญฺโญชนวิปฺปยุตฺโต จ ธมฺมา อุปฺปชฺชนฺติ เหตุปจฺจยาฯ (3)

นสญฺโญชนวิปฺปยุตฺตํ ธมฺมํ ปฏิจฺจ นสญฺโญชนวิปฺปยุตฺโต ธมฺโม อุปฺปชฺชติ เหตุปจฺจยาฯ นสญฺโญชนวิปฺปยุตฺตํ ธมฺมํ ปฏิจฺจ นสญฺโญชนสมฺปยุตฺโต ธมฺโม อุปฺปชฺชติ เหตุปจฺจยาฯ นสญฺโญชนวิปฺปยุตฺตํ ธมฺมํ ปฏิจฺจ นสญฺโญชนสมฺปยุตฺโต จ นสญฺโญชนวิปฺปยุตฺโต จ ธมฺมา อุปฺปชฺชนฺติ เหตุปจฺจยาฯ (3)

นสญฺโญชนสมฺปยุตฺตญฺจ นสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชนสมฺปยุตฺโต ธมฺโม อุปฺปชฺชติ เหตุปจฺจยาฯ

นสญฺโญชนสมฺปยุตฺตญฺจ นสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชนวิปฺปยุตฺโต ธมฺโม อุปฺปชฺชติ เหตุปจฺจยา ฯ นสญฺโญชนสมฺปยุตฺตญฺจ นสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชนสมฺปยุตฺโต จ นสญฺโญชนวิปฺปยุตฺโต จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา นว, อารมฺมเณ ฉ…เป.… อวิคเต นวฯ (สพฺพตฺถ วิตฺถาโรฯ)

23. สญฺโญชนสญฺโญชนิยทุกํ

[37] นสญฺโญชนญฺเจว นอสญฺโญชนิยญฺจ ธมฺมํ ปฏิจฺจ นสญฺโญชโน เจว นอสญฺโญชนิโย จ ธมฺโม อุปฺปชฺชติ เหตุปจฺจยาฯ นสญฺโญชนญฺเจว นอสญฺโญชนิยญฺจ ธมฺมํ ปฏิจฺจ นอสญฺโญชนิโย เจว นโนอสญฺโญชโน จ ธมฺโม อุปฺปชฺชติ เหตุปจฺจยาฯ นสญฺโญชนญฺเจว นอสญฺโญชนิยญฺจ ธมฺมํ ปฏิจฺจ นสญฺโญชโน เจว นอสญฺโญชนิโย จ นอสญฺโญชนิโย เจว นโน จ สญฺโญชโน จ ธมฺมา อุปฺปชฺชนฺติ เหตุปจฺจยาฯ (3)

นอสญฺโญชนิยญฺเจว นโน จ สญฺโญชนํ ธมฺมํ ปฏิจฺจ นอสญฺโญชนิโย เจว นโน จ สญฺโญชโน ธมฺโม อุปฺปชฺชติ เหตุปจฺจยา… ตีณิฯ

นสญฺโญชนญฺเจว นอสญฺโญชนิยญฺจ นอสญฺโญชนิยญฺเจว นโนสญฺโญชนญฺจ ธมฺมํ ปฏิจฺจ นสญฺโญชโน เจว นอสญฺโญชนิโย จ ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)

เหตุยา นว, อารมฺมเณ นว…เป.… อวิคเต นวฯ (สพฺพตฺถ วิตฺถาโร ฯ)

24. สญฺโญชนสญฺโญชนสมฺปยุตฺตทุกํ

[38] นสญฺโญชนญฺเจว นสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชโน เจว นสญฺโญชนวิปฺปยุตฺโต จ ธมฺโม อุปฺปชฺชติ เหตุปจฺจยาฯ นสญฺโญชนญฺเจว นสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชนวิปฺปยุตฺโต เจว นโนสญฺโญชโน จ ธมฺโม อุปฺปชฺชติ เหตุปจฺจยาฯ นสญฺโญชนญฺเจว นสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชโน เจว นสญฺโญชนวิปฺปยุตฺโต จ นสญฺโญชนวิปฺปยุตฺโต เจว นโน จ สญฺโญชโน จ ธมฺมา อุปฺปชฺชนฺติ เหตุปจฺจยาฯ (3)