นอนาสวญฺเจว นโน จ อาสวํ ธมฺมํ ปฏิจฺจ นอาสโว เจว นอนาสโว จ นอนาสโว เจว นโน จ อาสโว จ ธมฺมา อุปฺปชฺชนฺติ เหตุปจฺจยาฯ (3)

นอาสวญฺเจว นอนาสวญฺจ นอนาสวญฺเจว นโนอาสวญฺจ ธมฺมํ ปฏิจฺจ นอาสโว เจว นอนาสโว จ ธมฺโม อุปฺปชฺชติ เหตุปจฺจยาฯ นอาสวญฺเจว นอนาสวญฺจ นอนาสวญฺเจว นโน จ อาสวํ ธมฺมํ ปฏิจฺจ นอนาสโว เจว นโน จ อาสโว ธมฺโม อุปฺปชฺชติ เหตุปจฺจยาฯ นอาสวญฺเจว นอนาสวญฺจ นอนาสวญฺเจว นโนอาสวญฺจ ธมฺมํ ปฏิจฺจ นอาสโว เจว นอนาสโว จ นอนาสโว เจว นโน จ อาสโว จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา นว, อารมฺมเณ นว…เป.… อวิคเต นว (สพฺพตฺถ วิตฺถาโร)ฯ

18. อาสวอาสวสมฺปยุตฺตทุกํ

1-7. ปฏิจฺจวาราทิ

[32] นอาสวญฺเจว นอาสววิปฺปยุตฺตญฺจ ธมฺมํ ปฏิจฺจ นอาสโว เจว นอาสววิปฺปยุตฺโต จ ธมฺโม อุปฺปชฺชติ เหตุปจฺจยาฯ นอาสวญฺเจว นอาสววิปฺปยุตฺตญฺจ ธมฺมํ ปฏิจฺจ นอาสววิปฺปยุตฺโต เจว นโน จ อาสโว ธมฺโม อุปฺปชฺชติ เหตุปจฺจยาฯ นอาสวญฺเจว นอาสววิปฺปยุตฺตญฺจ ธมฺมํ ปฏิจฺจ นอาสโว เจว นอาสววิปฺปยุตฺโต จ นอาสววิปฺปยุตฺโต เจว นโนอาสโว จ ธมฺมา อุปฺปชฺชนฺติ เหตุปจฺจยาฯ (3)

นอาสววิปฺปยุตฺตญฺเจว นโนอาสวญฺจ ธมฺมํ ปฏิจฺจ นอาสววิปฺปยุตฺโต เจว นโนอาสโว จ ธมฺโม อุปฺปชฺชติ เหตุปจฺจยาฯ นอาสววิปฺปยุตฺตญฺเจว นโนอาสวญฺจ ธมฺมํ ปฏิจฺจ นอาสโว เจว นอาสววิปฺปยุตฺโต จ ธมฺโม อุปฺปชฺชติ เหตุปจฺจยาฯ นอาสววิปฺปยุตฺตญฺเจว นโน จ อาสวํ ธมฺมํ ปฏิจฺจ นอาสโว เจว นอาสววิปฺปยุตฺโต จ นอาสววิปฺปยุตฺโต เจว นโน จ อาสโว จ ธมฺมา อุปฺปชฺชนฺติ เหตุปจฺจยาฯ (3)

นอาสวญฺเจว นอาสววิปฺปยุตฺตญฺจ นอาสววิปฺปยุตฺตญฺเจว นโนอาสวญฺจ ธมฺมํ ปฏิจฺจ นอาสโว เจว นอาสววิปฺปยุตฺโต จ ธมฺโม อุปฺปชฺชติ เหตุปจฺจยาฯ นอาสวญฺเจว นอาสววิปฺปยุตฺตญฺจ นอาสววิปฺปยุตฺตญฺเจว นโน จ อาสวญฺจ ธมฺมํ ปฏิจฺจ นอาสววิปฺปยุตฺโต เจว นโน จ อาสโว ธมฺโม อุปฺปชฺชติ เหตุปจฺจยาฯ

นอาสวญฺเจว นอาสววิปฺปยุตฺตญฺจ นอาสววิปฺปยุตฺตญฺเจว นโน จ อาสวญฺจ ธมฺมํ ปฏิจฺจ นอาสโว เจว นอาสววิปฺปยุตฺโต จ นอาสววิปฺปยุตฺโต เจว นโน จ อาสโว จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา นว, อารมฺมเณ นว…เป.… อวิคเต นวฯ (สพฺพตฺถ วิตฺถาโรฯ)

19. อาสววิปฺปยุตฺตสาสวทุกํ

1-7. ปฏิจฺจวาราทิ

[33] อาสววิปฺปยุตฺตํ นสาสวํ ธมฺมํ ปฏิจฺจ อาสววิปฺปยุตฺโต นสาสโว ธมฺโม อุปฺปชฺชติ เหตุปจฺจยาฯ อาสววิปฺปยุตฺตํ นสาสวํ ธมฺมํ ปฏิจฺจ อาสววิปฺปยุตฺโต นอนาสโว ธมฺโม อุปฺปชฺชติ เหตุปจฺจยาฯ อาสววิปฺปยุตฺตํ นสาสวํ ธมฺมํ ปฏิจฺจ อาสววิปฺปยุตฺโต นสาสโว จ อาสววิปฺปยุตฺโต นอนาสโว จ ธมฺมา อุปฺปชฺชนฺติ เหตุปจฺจยาฯ (3)

อาสววิปฺปยุตฺตํ นอนาสวํ ธมฺมํ ปฏิจฺจ อาสววิปฺปยุตฺโต นอนาสโว ธมฺโม อุปฺปชฺชติ เหตุปจฺจยาฯ (1)

อาสววิปฺปยุตฺตํ นสาสวญฺจ อาสววิปฺปยุตฺตํ นอนาสวญฺจ ธมฺมํ ปฏิจฺจ อาสววิปฺปยุตฺโต นอนาสโว ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา ปญฺจ, อารมฺมเณ ทฺเว…เป.… อวิคเต ปญฺจฯ (สพฺพตฺถ วิตฺถาโรฯ)

อาสวโคจฺฉกํ นิฏฺฐิตํฯ

20. สญฺโญชนทุกํ

[34] โนสญฺโญชนํ ธมฺมํ ปฏิจฺจ โนสญฺโญชโน ธมฺโม อุปฺปชฺชติ เหตุปจฺจยาฯ โนสญฺโญชนํ ธมฺมํ ปฏิจฺจ นโนสญฺโญชโน ธมฺโม อุปฺปชฺชติ เหตุปจฺจยาฯ โนสญฺโญชนํ ธมฺมํ ปฏิจฺจ โนสญฺโญชโน จ นโนสญฺโญชโน จ ธมฺมา อุปฺปชฺชนฺติ เหตุปจฺจยาฯ (3)

นโนสญฺโญชนํ ธมฺมํ ปฏิจฺจ นโนสญฺโญชโน ธมฺโม อุปฺปชฺชติ เหตุปจฺจยาฯ นโนสญฺโญชนํ ธมฺมํ ปฏิจฺจ โนสญฺโญชโน ธมฺโม อุปฺปชฺชติ เหตุปจฺจยาฯ นโนสญฺโญชนํ ธมฺมํ ปฏิจฺจ โนสญฺโญชโน จ นโนสญฺโญชโน จ ธมฺมา อุปฺปชฺชนฺติ เหตุปจฺจยาฯ (3)

โนสญฺโญชนญฺจ นโนสญฺโญชนญฺจ ธมฺมํ ปฏิจฺจ โนสญฺโญชโน ธมฺโม อุปฺปชฺชติ เหตุปจฺจยาฯ