นสาสวญฺจ นอนาสวญฺจ ธมฺมํ ปฏิจฺจ นอนาสโว ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
เหตุยา ปญฺจ, อารมฺมเณ ทฺเว…เป.… อวิคเต ปญฺจ (สพฺพตฺถ วิตฺถาโร)ฯ
16. อาสวสมฺปยุตฺตทุกํ
1-7. ปฏิจฺจวาราทิ
[30] นอาสวสมฺปยุตฺตํ ธมฺมํ ปฏิจฺจ นอาสวสมฺปยุตฺโต ธมฺโม อุปฺปชฺชติ เหตุปจฺจยาฯ นอาสวสมฺปยุตฺตํ ธมฺมํ ปฏิจฺจ นอาสววิปฺปยุตฺโต ธมฺโม อุปฺปชฺชติ เหตุปจฺจยาฯ นอาสวสมฺปยุตฺตํ ธมฺมํ ปฏิจฺจ นอาสวสมฺปยุตฺโต จ นอาสววิปฺปยุตฺโต จ ธมฺมา อุปฺปชฺชนฺติ เหตุปจฺจยาฯ (3)
นอาสววิปฺปยุตฺตํ ธมฺมํ ปฏิจฺจ นอาสววิปฺปยุตฺโต ธมฺโม อุปฺปชฺชติ เหตุปจฺจยาฯ นอาสววิปฺปยุตฺตํ ธมฺมํ ปฏิจฺจ นอาสวสมฺปยุตฺโต ธมฺโม อุปฺปชฺชติ เหตุปจฺจยาฯ นอาสววิปฺปยุตฺตํ ธมฺมํ ปฏิจฺจ นอาสวสมฺปยุตฺโต จ นอาสววิปฺปยุตฺโต จ ธมฺมา อุปฺปชฺชนฺติ เหตุปจฺจยาฯ (3)
นอาสวสมฺปยุตฺตญฺจ นอาสววิปฺปยุตฺตญฺจ ธมฺมํ ปฏิจฺจ นอาสวสมฺปยุตฺโต ธมฺโม อุปฺปชฺชติ เหตุปจฺจยาฯ นอาสวสมฺปยุตฺตญฺจ นอาสววิปฺปยุตฺตญฺจ ธมฺมํ ปฏิจฺจ นอาสววิปฺปยุตฺโต ธมฺโม อุปฺปชฺชติ เหตุปจฺจยาฯ นอาสวสมฺปยุตฺตญฺจ นอาสววิปฺปยุตฺตญฺจ ธมฺมํ ปฏิจฺจ นอาสวสมฺปยุตฺโต จ นอาสววิปฺปยุตฺโต จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)
เหตุยา นว, อารมฺมเณ ฉ…เป.… อวิคเต นวฯ (สพฺพตฺถ วิตฺถาโรฯ)
17. อาสวสาสวทุกํ
1-7. ปฏิจฺจวาราทิ
[31] นอาสวญฺเจว นอนาสวญฺจ ธมฺมํ ปฏิจฺจ นอาสโว เจว นอนาสโว จ ธมฺโม อุปฺปชฺชติ เหตุปจฺจยาฯ นอาสวญฺเจว นอนาสวญฺจ ธมฺมํ ปฏิจฺจ นอนาสโว เจว นโน จ อาสโว ธมฺโม อุปฺปชฺชติ เหตุปจฺจยาฯ นอาสวญฺเจว นอนาสวญฺจ ธมฺมํ ปฏิจฺจ โนอาสโว เจว นอนาสโว จ นอนาสโว เจว นโน จ อาสโว จ ธมฺมา อุปฺปชฺชนฺติ เหตุปจฺจยาฯ (3)
นอนาสวญฺเจว นโน จ อาสวํ ธมฺมํ ปฏิจฺจ นอนาสโว เจว นโน จ อาสโว ธมฺโม อุปฺปชฺชติ เหตุปจฺจยาฯ นอนาสวญฺเจว นโน จ อาสวํ ธมฺมํ ปฏิจฺจ นอาสโว เจว นอนาสโว จ ธมฺโม อุปฺปชฺชติ เหตุปจฺจยาฯ