นนเกนจิ วิญฺเญยฺยํ ธมฺมํ ปฏิจฺจ นนเกนจิ วิญฺเญยฺโย ธมฺโม อุปฺปชฺชติ เหตุปจฺจยา… ตีณิฯ

นเกนจิ วิญฺเญยฺยญฺจ นนเกนจิ วิญฺเญยฺยญฺจ ธมฺมํ ปฏิจฺจ นเกนจิ วิญฺเญยฺโย ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)

เหตุยา นว…เป.… อวิคเต นวฯ (สพฺพตฺถ วิตฺถาโรฯ)

จูฬนฺตรทุกํ นิฏฺฐิตํฯ

14. อาสวทุกํ

1-7. ปฏิจฺจวาราทิ

[28] โนอาสวํ ธมฺมํ ปฏิจฺจ โนอาสโว ธมฺโม อุปฺปชฺชติ เหตุปจฺจยาฯ โนอาสวํ ธมฺมํ ปฏิจฺจ นโนอาสโว ธมฺโม อุปฺปชฺชติ เหตุปจฺจยาฯ โนอาสวํ ธมฺมํ ปฏิจฺจ โนอาสโว จ นโนอาสโว จ ธมฺมา อุปฺปชฺชนฺติ เหตุปจฺจยาฯ (3)

นโนอาสวํ ธมฺมํ ปฏิจฺจ นโนอาสโว ธมฺโม อุปฺปชฺชติ เหตุปจฺจยา… ตีณิฯ

โนอาสวญฺจ นโนอาสวญฺจ ธมฺมํ ปฏิจฺจ โนอาสโว ธมฺโม อุปฺปชฺชติ เหตุปจฺจยาฯ โนอาสวญฺจ นโนอาสวญฺจ ธมฺมํ ปฏิจฺจ นโนอาสโว ธมฺโม อุปฺปชฺชติ เหตุปจฺจยาฯ โนอาสวญฺจ นโนอาสวญฺจ ธมฺมํ ปฏิจฺจ โนอาสโว จ นโนอาสโว จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา นว, อารมฺมเณ นว…เป.… อวิคเต นว (สพฺพตฺถ วิตฺถาโร)ฯ

15. สาสวทุกํ

1-7. ปฏิจฺจวาราทิ

[29] นสาสวํ ธมฺมํ ปฏิจฺจ นสาสโว ธมฺโม อุปฺปชฺชติ เหตุปจฺจยา ฯ นสาสวํ ธมฺมํ ปฏิจฺจ นอนาสโว ธมฺโม อุปฺปชฺชติ เหตุปจฺจยาฯ นสาสวํ ธมฺมํ ปฏิจฺจ นสาสโว จ นอนาสโว จ ธมฺมา อุปฺปชฺชนฺติ เหตุปจฺจยาฯ (3)

นอนาสวํ ธมฺมํ ปฏิจฺจ นอนาสโว ธมฺโม อุปฺปชฺชติ เหตุปจฺจยาฯ (1)