1-7. ปฏิจฺจวาราทิ
[20] นสนิทสฺสนํ ธมฺมํ ปฏิจฺจ นสนิทสฺสโน ธมฺโม อุปฺปชฺชติ เหตุปจฺจยาฯ นสนิทสฺสนํ ธมฺมํ ปฏิจฺจ นอนิทสฺสโน ธมฺโม อุปฺปชฺชติ เหตุปจฺจยาฯ นสนิทสฺสนํ ธมฺมํ ปฏิจฺจ นสนิทสฺสโน จ นอนิทสฺสโน จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)
เหตุยา ตีณิฯ
10. สปฺปฏิฆทุกํ
1-7. ปฏิจฺจวาราทิ
[21] นสปฺปฏิฆํ ธมฺมํ ปฏิจฺจ นสปฺปฏิโฆ ธมฺโม อุปฺปชฺชติ เหตุปจฺจยา ฯ นสปฺปฏิฆํ ธมฺมํ ปฏิจฺจ นอปฺปฏิโฆ ธมฺโม อุปฺปชฺชติ เหตุปจฺจยาฯ นสปฺปฏิฆํ ธมฺมํ ปฏิจฺจ นสปฺปฏิโฆ จ นอปฺปฏิโฆ จ ธมฺมา อุปฺปชฺชนฺติ เหตุปจฺจยาฯ (3)
นอปฺปฏิฆํ ธมฺมํ ปฏิจฺจ นอปฺปฏิโฆ ธมฺโม อุปฺปชฺชติ เหตุปจฺจยา… ตีณิฯ
นสปฺปฏิฆญฺจ นอปฺปฏิฆญฺจ ธมฺมํ ปฏิจฺจ นสปฺปฏิโฆ ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)
เหตุยา นว, อารมฺมเณ เอกํฯ
(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)
[22] นสปฺปฏิโฆ ธมฺโม นสปฺปฏิฆสฺส ธมฺมสฺส เหตุปจฺจเยน ปจฺจโยฯ นสปฺปฏิโฆ ธมฺโม นอปฺปฏิฆสฺส ธมฺมสฺส เหตุปจฺจเยน ปจฺจโยฯ นสปฺปฏิโฆ ธมฺโม นสปฺปฏิฆสฺส จ นอปฺปฏิฆสฺส จ ธมฺมสฺส เหตุปจฺจเยน ปจฺจโยฯ (3)
นสปฺปฏิโฆ ธมฺโม นสปฺปฏิฆสฺส ธมฺมสฺส อารมฺมณปจฺจเยน ปจฺจโยฯ นอปฺปฏิโฆ ธมฺโม นสปฺปฏิฆสฺส ธมฺมสฺส อารมฺมณปจฺจเยน ปจฺจโยฯ (2) (สํขิตฺตํฯ)
[23] เหตุยา ตีณิ, อารมฺมเณ ทฺเว, อธิปติยา จตฺตาริ…เป.… อวิคเต นวฯ
11. รูปีทุกํ