เมนู

นเหตุํ นสเหตุกญฺจ นเหตุํ นอเหตุกญฺจ ธมฺมํ ปฏิจฺจ นเหตุ นสเหตุโก จ นเหตุ นอเหตุโก จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

[14] เหตุยา นว, อารมฺมเณ จตฺตาริ…เป.… อวิคเต นวฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

อารมฺมณปจฺจโย

[15] นเหตุ นสเหตุโก ธมฺโม นเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโยฯ นเหตุ นสเหตุโก ธมฺโม นเหตุสฺส นอเหตุกสฺส ธมฺมสฺส อารมฺมณปจฺจเยน ปจฺจโยฯ (2)

นเหตุ นอเหตุโก ธมฺโม นเหตุสฺส นอเหตุกสฺส ธมฺมสฺส อารมฺมณปจฺจเยน ปจฺจโยฯ นเหตุ นอเหตุโก ธมฺโม นเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโยฯ (2) (สํขิตฺตํฯ)

[16] อารมฺมเณ จตฺตาริ…เป.… อวิคเต สตฺตฯ

เหตุโคจฺฉกํ นิฏฺฐิตํฯ

7. สปฺปจฺจยทุกํ

1-7. ปฏิจฺจวาราทิ

[17] นอปฺปจฺจยํ ธมฺมํ ปฏิจฺจ นอปฺปจฺจโย ธมฺโม อุปฺปชฺชติ เหตุปจฺจยาฯ

เหตุยา เอกํฯ (สพฺพตฺถ วิตฺถาโรฯ)

[18] นอปฺปจฺจโย ธมฺโม นอปฺปจฺจยสฺส ธมฺมสฺส เหตุปจฺจเยน ปจฺจโยฯ

นสปฺปจฺจโย ธมฺโม นอปฺปจฺจยสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ)

เหตุยา เอกํ, อารมฺมเณ ทฺเวฯ (สพฺพตฺถ วิตฺถาโรฯ)

8. สงฺขตทุกํ

1-7. ปฏิจฺจวาราทิ

[19] นอสงฺขตํ ธมฺมํ ปฏิจฺจ นอสงฺขโต ธมฺโม อุปฺปชฺชติ เหตุปจฺจยาฯ เหตุยา เอกํฯ (สปฺปจฺจยทุกสทิสํฯ)

9. สนิทสฺสนทุกํ