นเหตุวิปฺปยุตฺตํ ธมฺมํ ปฏิจฺจ นเหตุสมฺปยุตฺโต ธมฺโม อุปฺปชฺชติ เหตุปจฺจยา ฯ นเหตุวิปฺปยุตฺตํ ธมฺมํ ปฏิจฺจ นเหตุสมฺปยุตฺโต จ นเหตุวิปฺปยุตฺโต จ ธมฺมา อุปฺปชฺชนฺติ เหตุปจฺจยาฯ (3)
นเหตุสมฺปยุตฺตญฺจ นเหตุวิปฺปยุตฺตญฺจ ธมฺมํ ปฏิจฺจ นเหตุสมฺปยุตฺโต ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)
[10] เหตุยา นว, อารมฺมเณ ฉ…เป.… อวิคเต นวฯ (สหชาตวาเรปิ…เป.… ปญฺหาวาเรปิ สพฺพตฺถ วิตฺถาเรตพฺพํฯ)
4. เหตุสเหตุกทุกํ
1-7. ปฏิจฺจวาราทิ
[11] นเหตุญฺเจว นอเหตุกญฺจ ธมฺมํ ปฏิจฺจ นเหตุ เจว นอเหตุโก จ ธมฺโม อุปฺปชฺชติ เหตุปจฺจยาฯ นเหตุญฺเจว นอเหตุกญฺจ ธมฺมํ ปฏิจฺจ นอเหตุโก เจว น นเหตุ จ ธมฺโม อุปฺปชฺชติ เหตุปจฺจยาฯ นเหตุญฺเจว นอเหตุกญฺจ ธมฺมํ ปฏิจฺจ นเหตุ เจว นอเหตุโก จ นอเหตุโก เจว น นเหตุ จ ธมฺมา อุปฺปชฺชนฺติ เหตุปจฺจยาฯ (3)
นอเหตุกญฺเจว น นเหตุญฺจ ธมฺมํ ปฏิจฺจ นอเหตุโก เจว น นเหตุ จ ธมฺโม อุปฺปชฺชติ เหตุปจฺจยาฯ นอเหตุกญฺเจว น นเหตุญฺจ ธมฺมํ ปฏิจฺจ นเหตุ เจว นอเหตุโก จ ธมฺโม อุปฺปชฺชติ เหตุปจฺจยาฯ นอเหตุกญฺเจว น นเหตุญฺจ ธมฺมํ ปฏิจฺจ นเหตุ เจว นอเหตุโก จ นอเหตุโก เจว น นเหตุ จ ธมฺมา อุปฺปชฺชนฺติ เหตุปจฺจยาฯ (3)
นเหตุญฺเจว นอเหตุกญฺจ นอเหตุกญฺเจว น นเหตุญฺจ ธมฺมํ ปฏิจฺจ นเหตุ เจว นอเหตุโก จ ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)
เหตุยา นว, อารมฺมเณ นว…เป.… อวิคเต นวฯ
(สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)
5. เหตุเหตุสมฺปยุตฺตทุกํ