เมนู

เหตุ-อารมฺมณปจฺจยา

[3] นเหตุ ธมฺโม น นเหตุสฺส ธมฺมสฺส เหตุปจฺจเยน ปจฺจโยฯ น นเหตุ ธมฺโม นเหตุสฺส ธมฺมสฺส เหตุปจฺจเยน ปจฺจโยฯ น นเหตุ ธมฺโม นเหตุสฺส จ น นเหตุสฺส จ ธมฺมสฺส เหตุปจฺจเยน ปจฺจโยฯ (3)

นเหตุ ธมฺโม นเหตุสฺส ธมฺมสฺส อารมฺมณปจฺจเยน ปจฺจโยฯ นเหตุ ธมฺโม น นเหตุสฺส ธมฺมสฺส อารมฺมณปจฺจเยน ปจฺจโยฯ นเหตุ ธมฺโม นเหตุสฺส จ น นเหตุสฺส จ ธมฺมสฺส อารมฺมณปจฺจเยน ปจฺจโยฯ (3)

น นเหตุ ธมฺโม น นเหตุสฺส ธมฺมสฺส อารมฺมณปจฺจเยน ปจฺจโยฯ น นเหตุ ธมฺโม นเหตุสฺส ธมฺมสฺส อารมฺมณปจฺจเยน ปจฺจโยฯ น นเหตุ ธมฺโม นเหตุสฺส จ น นเหตุสฺส จ ธมฺมสฺส อารมฺมณปจฺจเยน ปจฺจโยฯ (3)

นเหตุ จ น นเหตุ จ ธมฺมา นเหตุสฺส ธมฺมสฺส อารมฺมณปจฺจเยน ปจฺจโยฯ นเหตุ จ น นเหตุ จ ธมฺมา น นเหตุสฺส ธมฺมสฺส อารมฺมณปจฺจเยน ปจฺจโยฯ นเหตุ จ น นเหตุ จ ธมฺมา นเหตุสฺส จ น นเหตุสฺส จ ธมฺมสฺส อารมฺมณปจฺจเยน ปจฺจโยฯ (3) (สํขิตฺตํฯ)

[4] เหตุยา ตีณิ, อารมฺมเณ นว…เป.… อวิคเต นวฯ (ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

2. สเหตุกทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[5] นสเหตุกํ ธมฺมํ ปฏิจฺจ นสเหตุโก ธมฺโม อุปฺปชฺชติ เหตุปจฺจยา – วิจิกิจฺฉาสหคตํ อุทฺธจฺจสหคตํ โมหํ ปฏิจฺจ จิตฺตสมุฏฺฐานํ รูปํ, เอกํ มหาภูตํ ปฏิจฺจ ตโย มหาภูตา…เป.… ทฺเว มหาภูเต ปฏิจฺจ ทฺเว มหาภูตา, มหาภูเต ปฏิจฺจ จิตฺตสมุฏฺฐานํ รูปํ กฏตฺตารูปํ อุปาทารูปํฯ นสเหตุกํ ธมฺมํ ปฏิจฺจ นอเหตุโก ธมฺโม อุปฺปชฺชติ เหตุปจฺจยา – วิจิกิจฺฉาสหคตํ อุทฺธจฺจสหคตํ โมหํ ปฏิจฺจ สมฺปยุตฺตกา ขนฺธา; ปฏิสนฺธิกฺขเณ วตฺถุํ ปฏิจฺจ สเหตุกา ขนฺธาฯ นสเหตุกํ ธมฺมํ ปฏิจฺจ นสเหตุโก จ นอเหตุโก จ ธมฺมา อุปฺปชฺชนฺติ เหตุปจฺจยาฯ (3)