นสนิทสฺสนสปฺปฏิฆญฺจ นอนิทสฺสนสปฺปฏิฆญฺจ ธมฺมํ ปฏิจฺจ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา…ฯ ฉฯ (สํขิตฺตํฯ)
[34] เหตุยา ติํส…เป.… อวิคเต ติํสฯ
(ยถา กุสลตฺติเก สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ ปญฺหาวารมฺปิ คณิตํ เอวํ คเณตพฺพํฯ)
ธมฺมปจฺจนีเย ติกปฏฺฐานํ นิฏฺฐิตํฯ
ธมฺมปจฺจนีเย ทุกปฏฺฐานํ
1. เหตุทุกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[1] นเหตุํ ธมฺมํ ปฏิจฺจ นเหตุ ธมฺโม อุปฺปชฺชติ เหตุปจฺจยา – นเหตุํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ ปฏิจฺจ ทฺเว ขนฺธา จิตฺตสมุฏฺฐานญฺจ รูปํ; ปฏิสนฺธิกฺขเณ…เป.… (ยาว มหาภูตา)ฯ นเหตุํ ธมฺมํ ปฏิจฺจ น นเหตุ ธมฺโม อุปฺปชฺชติ เหตุปจฺจยา – นเหตู ขนฺเธ ปฏิจฺจ เหตู; ปฏิสนฺธิกฺขเณ…เป.… นเหตุํ ธมฺมํ ปฏิจฺจ นเหตุ จ น นเหตุ จ ธมฺมา อุปฺปชฺชนฺติ เหตุปจฺจยาฯ (3)
น นเหตุํ ธมฺมํ ปฏิจฺจ น นเหตุ ธมฺโม อุปฺปชฺชติ เหตุปจฺจยาฯ น นเหตุํ ธมฺมํ ปฏิจฺจ นเหตุ ธมฺโม อุปฺปชฺชติ เหตุปจฺจยาฯ น นเหตุํ ธมฺมํ ปฏิจฺจ นเหตุ จ น นเหตุ จ ธมฺมา อุปฺปชฺชนฺติ เหตุปจฺจยาฯ (3)
นเหตุญฺจ น นเหตุญฺจ ธมฺมํ ปฏิจฺจ นเหตุ ธมฺโม อุปฺปชฺชติ เหตุปจฺจยาฯ นเหตุญฺจ น นเหตุญฺจ ธมฺมํ ปฏิจฺจ น นเหตุ ธมฺโม อุปฺปชฺชติ เหตุปจฺจยาฯ นเหตุญฺจ น นเหตุญฺจ ธมฺมํ ปฏิจฺจ นเหตุ จ น นเหตุ จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)
[2] เหตุยา นว, อารมฺมเณ นว…เป.… อวิคเต นวฯ
(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ เอวํ วิตฺถาเรตพฺพํฯ)