นอกุสโล ธมฺโม นอกุสลสฺส ธมฺมสฺส ปุเรชาตปจฺจเยน ปจฺจโยฯ นอกุสโล ธมฺโม นกุสลสฺส ธมฺมสฺส ปุเรชาตปจฺจเยน ปจฺจโย…เป.… นอกุสโล ธมฺโม นกุสลสฺส จ นอกุสลสฺส จ ธมฺมสฺส ปุเรชาตปจฺจเยน ปจฺจโยฯ ฉฯ

นกุสโล จ นอกุสโล จ ธมฺมา นกุสลสฺส ธมฺมสฺส ปุเรชาตปจฺจเยน ปจฺจโยฯ นกุสโล จ นอกุสโล จ ธมฺมา นอกุสลสฺส ธมฺมสฺส ปุเรชาตปจฺจเยน ปจฺจโย…เป.… นกุสโล จ นอกุสโล จ ธมฺมา นกุสลสฺส จ นอกุสลสฺส จ ธมฺมสฺส ปุเรชาตปจฺจเยน ปจฺจโยฯ ฉฯ (สํขิตฺตํฯ)

[10] เหตุยา เอกูนติํส, อารมฺมเณ ฉตฺติํส, อธิปติยา ปญฺจติํส, อนนฺตเร จตุตฺติํส, สมนนฺตเร จตุตฺติํส, สหชาเต เอกูนติํส, อญฺญมญฺเญ จตุวีส, นิสฺสเย จตุตฺติํส, อุปนิสฺสเย ฉตฺติํส, ปุเรชาเต อฏฺฐารส, ปจฺฉาชาเต อฏฺฐารส, อาเสวเน จตุวีส, กมฺเม เอกูนติํส, วิปาเก นว, อาหาเร เอกูนติํส…เป.… อวิคเต จตุตฺติํสฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํฯ)

2. เวทนาตฺติกํ

1-7. ปฏิจฺจวาราทิ

[11] นสุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นสุขาย เวทนาย สมฺปยุตฺตํ ธมฺมํ ปฏิจฺจ นทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นสุขาย เวทนาย สมฺปยุตฺตํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นสุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยาฯ นสุขาย เวทนาย สมฺปยุตฺตํ ธมฺมํ ปฏิจฺจ นทุกฺขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยาฯ นสุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นทุกฺขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยาฯ นสุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นทุกฺขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยาฯ (7)

นทุกฺขาย เวทนาย สมฺปยุตฺตํ ธมฺมํ ปฏิจฺจ นทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา… สตฺตฯ

นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา… สตฺตฯ (สํขิตฺตํฯ)

3. วิปากตฺติกํ

1-7. ปฏิจฺจวาราทิ

[12] นวิปากํ ธมฺมํ ปฏิจฺจ นวิปาโก ธมฺโม อุปฺปชฺชติ เหตุปจฺจยา…เป.…ฯ

นวิปากธมฺมธมฺมํ ปฏิจฺจ นวิปากธมฺมธมฺโม อุปฺปชฺชติ เหตุปจฺจยา…เป.…ฯ

นเนววิปากนวิปากธมฺมธมฺมํ ปฏิจฺจ นเนววิปากนวิปากธมฺมธมฺโม อุปฺปชฺชติ เหตุปจฺจยาฯ (สํขิตฺตํฯ)

4. อุปาทินฺนตฺติกํ

1-7. ปฏิจฺจวาราทิ

[13] นอุปาทินฺนุปาทานิยํ ธมฺมํ ปฏิจฺจ นอุปาทินฺนุปาทานิโย ธมฺโม อุปฺปชฺชติ เหตุปจฺจยา…เป.…ฯ

นอนุปาทินฺนุปาทานิยํ ธมฺมํ ปฏิจฺจ นอนุปาทินฺนุปาทานิโย ธมฺโม อุปฺปชฺชติ เหตุปจฺจยา…เป.…ฯ

นอนุปาทินฺนอนุปาทานิยํ ธมฺมํ ปฏิจฺจ นอนุปาทินฺนอนุปาทานิโย ธมฺโม อุปฺปชฺชติ เหตุปจฺจยาฯ (สํขิตฺตํฯ)

5. สํกิลิฏฺฐตฺติกํ

1-7. ปฏิจฺจวาราทิ

[14] นสํกิลิฏฺฐสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา…เป.…ฯ

นอสํกิลิฏฺฐสํกิเลสิกํ ธมฺมํ ปฏิจฺจ นอสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา…เป.…ฯ

นอสํกิลิฏฺฐอสํกิเลสิกํ ธมฺมํ ปฏิจฺจ นอสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยาฯ (สํขิตฺตํฯ)

6. วิตกฺกตฺติกํ