เมนู

[83] นสรณํ นเจตสิกํ ธมฺมํ ปฏิจฺจ อรโณ เจตสิโก ธมฺโม อุปฺปชฺชติ เหตุปจฺจยาฯ นอรณํ นเจตสิกํ ธมฺมํ ปฏิจฺจ สรโณ เจตสิโก ธมฺโม อุปฺปชฺชติ เหตุปจฺจยาฯ เหตุยา ทฺเวฯ

[84] นสรณํ นจิตฺตสมฺปยุตฺตํ ธมฺมํ ปฏิจฺจ อรโณ จิตฺตสมฺปยุตฺโต ธมฺโม อุปฺปชฺชติ เหตุปจฺจยาฯ นอรณํ นจิตฺตสมฺปยุตฺตํ ธมฺมํ ปฏิจฺจ สรโณ จิตฺตสมฺปยุตฺโต ธมฺโม อุปฺปชฺชติ เหตุปจฺจยาฯ เหตุยา ทฺเวฯ

[85] นสรณํ นจิตฺตสํสฏฺฐํ ธมฺมํ ปฏิจฺจ อรโณ จิตฺตสํสฏฺโฐ ธมฺโม อุปฺปชฺชติ เหตุปจฺจยาฯ นอรณํ นจิตฺตสํสฏฺฐํ ธมฺมํ ปฏิจฺจ สรโณ จิตฺตสํสฏฺโฐ ธมฺโม อุปฺปชฺชติ เหตุปจฺจยาฯ เหตุยา ทฺเวฯ

100-83. สรณทุก-ปิฏฺฐิทุกํ

[86] นสรณํ นทสฺสเนน ปหาตพฺพํ ธมฺมํ ปฏิจฺจ สรโณ ทสฺสเนน ปหาตพฺโพ ธมฺโม อุปฺปชฺชติ เหตุปจฺจยาฯ เหตุยา เอกํฯ

นอรณํ นนทสฺสเนน ปหาตพฺพํ ธมฺมํ ปฏิจฺจ อรโณ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยาฯ เหตุยา เอกํฯ (สํขิตฺตํฯ)

[87] นสรณํ นสอุตฺตรํ ธมฺมํ ปฏิจฺจ อรโณ สอุตฺตโร ธมฺโม อุปฺปชฺชติ เหตุปจฺจยาฯ เหตุยา เอกํฯ

(สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ ปฏิจฺจวารสทิสํฯ)

ปญฺหาวาโร

เหตุ-อารมฺมณปจฺจยา

[88] นสรโณ นสอุตฺตโร ธมฺโม อรณสฺส สอุตฺตรสฺส ธมฺมสฺส เหตุปจฺจเยน ปจฺจโยฯ เอกํฯ

นสรโณ นสอุตฺตโร ธมฺโม อรณสฺส สอุตฺตรสฺส ธมฺมสฺส อารมฺมณปจฺจเยน ปจฺจโยฯ เอกํฯ เหตุยา เอกํฯ

ปจฺจนียุทฺธาโร

[89] นสรโณ นสอุตฺตโร ธมฺโม อรณสฺส สอุตฺตรสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโย… (สํขิตฺตํฯ) นเหตุยา เอกํ, นอารมฺมเณ เอกํฯ

เหตุปจฺจยา นอารมฺมเณ เอกํฯ (สํขิตฺตํฯ)

นเหตุปจฺจยา อารมฺมเณ เอกํฯ (สํขิตฺตํฯ)

(ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

อนุตฺตรปทํ

เหตุ-อนนฺตรปจฺจยา

[90] นสรณํ นอนุตฺตรํ ธมฺมํ ปจฺจยา อรโณ อนุตฺตโร ธมฺโม อุปฺปชฺชติ เหตุปจฺจยาฯ เหตุยา เอกํ…เป.… อวิคเต เอกํฯ

[91] นสรโณ นอนุตฺตโร ธมฺโม อรณสฺส อนุตฺตรสฺส ธมฺมสฺส อนนฺตรปจฺจเยน ปจฺจโยฯ อนนฺตเร เอกํ, สมนนฺตเร เอกํ, อุปนิสฺสเย ทฺเว, ปุเรชาเต เอกํ, อาเสวเน เอกํ, วิปฺปยุตฺเต เอกํ, อตฺถิยา เอกํ, นตฺถิยา เอกํ, วิคเต เอกํ, อวิคเต เอกํฯ

ปจฺจนียุทฺธาโร

[92] นสรโณ นอนุตฺตโร ธมฺโม อรณสฺส อนุตฺตรสฺส ธมฺมสฺส อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโยฯ

นอรโณ นอนุตฺตโร ธมฺโม อรณสฺส อนุตฺตรสฺส ธมฺมสฺส อุปนิสฺสยปจฺจเยน ปจฺจโยฯ นเหตุยา ทฺเว, นอารมฺมเณ ทฺเว…เป.… นอุปนิสฺสเย เอกํ, นปุเรชาเต ทฺเว…เป.… โนอวิคเต ทฺเวฯ

อุปนิสฺสยปจฺจยา นเหตุยา ทฺเวฯ (สํขิตฺตํฯ)