[11] เหตุยา เอกํ, อารมฺมเณ จตฺตาริ, อวิคเต จตฺตาริฯ (สํขิตฺตํฯ)

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

1-2. เหตุทุก-เหตุสมฺปยุตฺตทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[12] เหตุํ เหตุสมฺปยุตฺตํ ธมฺมํ ปฏิจฺจ เหตุ เหตุสมฺปยุตฺโต ธมฺโม อุปฺปชฺชติ เหตุปจฺจยาฯ เหตุํ เหตุสมฺปยุตฺตํ ธมฺมํ ปฏิจฺจ นเหตุ เหตุสมฺปยุตฺโต ธมฺโม อุปฺปชฺชติ เหตุปจฺจยาฯ เหตุํ เหตุสมฺปยุตฺตํ ธมฺมํ ปฏิจฺจ เหตุ เหตุสมฺปยุตฺโต จ นเหตุ เหตุสมฺปยุตฺโต จ ธมฺมา อุปฺปชฺชนฺติ เหตุปจฺจยาฯ (3)

นเหตุํ เหตุสมฺปยุตฺตํ ธมฺมํ ปฏิจฺจ นเหตุ เหตุสมฺปยุตฺโต ธมฺโม อุปฺปชฺชติ เหตุปจฺจยา… ตีณิฯ

เหตุํ เหตุสมฺปยุตฺตญฺจ นเหตุํ เหตุสมฺปยุตฺตญฺจ ธมฺมํ ปฏิจฺจ เหตุ เหตุสมฺปยุตฺโต ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)

[13] เหตุยา นว, อารมฺมเณ นว…เป.… อวิคเต นวฯ (สํขิตฺตํฯ)

[14] เหตุ เหตุสมฺปยุตฺโต ธมฺโม เหตุสฺส เหตุสมฺปยุตฺตสฺส ธมฺมสฺส เหตุปจฺจเยน ปจฺจโย… ตีณิฯ (สํขิตฺตํฯ)

เหตุยา ตีณิ…เป.… อวิคเต นวฯ (สํขิตฺตํฯ)

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

[15] เหตุํ เหตุวิปฺปยุตฺตํ ธมฺมํ ปฏิจฺจ นเหตุ เหตุวิปฺปยุตฺโต ธมฺโม อุปฺปชฺชติ เหตุปจฺจยาฯ (1)

นเหตุํ เหตุวิปฺปยุตฺตํ ธมฺมํ ปฏิจฺจ นเหตุ เหตุวิปฺปยุตฺโต ธมฺโม อุปฺปชฺชติ เหตุปจฺจยาฯ (1)

เหตุํ เหตุวิปฺปยุตฺตญฺจ นเหตุํ เหตุวิปฺปยุตฺตญฺจ ธมฺมํ ปฏิจฺจ นเหตุ เหตุวิปฺปยุตฺโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ตีณิ, อารมฺมเณ เอกํ…เป.… อวิคเต ตีณิฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

[16] เหตุ เหตุวิปฺปยุตฺโต ธมฺโม นเหตุสฺส เหตุวิปฺปยุตฺตสฺส ธมฺมสฺส เหตุปจฺจเยน ปจฺจโยฯ (สํขิตฺตํฯ)

เหตุยา เอกํ, อารมฺมเณ จตฺตาริ…เป.… อวิคเต จตฺตาริฯ (สํขิตฺตํฯ)

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

1-3. เหตุทุก-เหตุสเหตุกทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[17] เหตุํ เหตุญฺเจว สเหตุกญฺจ ธมฺมํ ปฏิจฺจ เหตุ เหตุ เจว สเหตุโก ธมฺโม อุปฺปชฺชติ เหตุปจฺจยาฯ (สพฺพตฺถ เอกํฯ)

นเหตุํ สเหตุกญฺเจว น จ เหตุํ ธมฺมํ ปฏิจฺจ นเหตุ สเหตุโก เจว น จ เหตุ ธมฺโม อุปฺปชฺชติ เหตุปจฺจยาฯ (สพฺพตฺถ เอกํฯ)

1-4. เหตุทุก-เหตุเหตุสมฺปยุตฺตทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[18] เหตุํ เหตุญฺเจว เหตุสมฺปยุตฺตญฺจ ธมฺมํ ปฏิจฺจ เหตุ เหตุ เจว เหตุสมฺปยุตฺโต จ ธมฺโม อุปฺปชฺชติ เหตุปจฺจยาฯ (สพฺพตฺถ เอกํฯ)

นเหตุํ เหตุสมฺปยุตฺตญฺเจว น จ เหตุํ ธมฺมํ ปฏิจฺจ นเหตุ เหตุสมฺปยุตฺโต เจว น จ เหตุ ธมฺโม อุปฺปชฺชติ เหตุปจฺจยาฯ (สพฺพตฺถ เอกํฯ)

1-5. เหตุทุก-นเหตุสเหตุกทุกํ

[19] นเหตุํ สเหตุกํ ธมฺมํ ปฏิจฺจ นเหตุ สเหตุโก ธมฺโม อุปฺปชฺชติ เหตุปจฺจยาฯ (สพฺพตฺถ เอกํฯ)