เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ นเหตุ สเหตุโก ธมฺโม อุปฺปชฺชติ เหตุปจฺจยา ฯ เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ เหตุ สเหตุโก จ นเหตุ สเหตุโก จ ธมฺมา อุปฺปชฺชนฺติ เหตุปจฺจยาฯ (3)

[4] เหตุยา นว, อารมฺมเณ นว…เป.… อวิคเต นวฯ (สํขิตฺตํฯ)

ปจฺจนียํ

นอธิปติปจฺจโย

[5] เหตุํ สเหตุกํ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ นอธิปติปจฺจยาฯ (สํขิตฺตํฯ)

นอธิปติยา นว, นปุเรชาเต นว, นปจฺฉาชาเต นว, นกมฺเม ตีณิ, นวิปาเก นว, นวิปฺปยุตฺเต นวฯ (สํขิตฺตํฯ)

เหตุปจฺจยา นอธิปติยา นวฯ (สํขิตฺตํฯ)

นอธิปติปจฺจยา เหตุยา นวฯ (สํขิตฺตํฯ)

(สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ ปฏิจฺจวารสทิสํฯ)

เหตุ-อารมฺมณปจฺจยา

[6] เหตุ สเหตุโก ธมฺโม เหตุสฺส สเหตุกสฺส ธมฺมสฺส เหตุปจฺจเยน ปจฺจโยฯ เหตุ สเหตุโก ธมฺโม นเหตุสฺส สเหตุกสฺส ธมฺมสฺส เหตุปจฺจเยน ปจฺจโยฯ เหตุ สเหตุโก ธมฺโม เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส เหตุปจฺจเยน ปจฺจโยฯ (3)

[7] เหตุ สเหตุโก ธมฺโม เหตุสฺส สเหตุกสฺส ธมฺมสฺส อารมฺมณปจฺจเยน ปจฺจโยฯ เหตุ สเหตุโก ธมฺโม นเหตุสฺส สเหตุกสฺส ธมฺมสฺส อารมฺมณปจฺจเยน ปจฺจโยฯ เหตุ สเหตุโก ธมฺโม เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส อารมฺมณปจฺจเยน ปจฺจโยฯ (3)

นเหตุ สเหตุโก ธมฺโม นเหตุสฺส สเหตุกสฺส ธมฺมสฺส อารมฺมณปจฺจเยน ปจฺจโยฯ นเหตุ สเหตุโก ธมฺโม เหตุสฺส สเหตุกสฺส ธมฺมสฺส อารมฺมณปจฺจเยน ปจฺจโยฯ นเหตุ สเหตุโก ธมฺโม เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส อารมฺมณปจฺจเยน ปจฺจโยฯ (3)

เหตุ สเหตุโก จ นเหตุ สเหตุโก จ ธมฺมา เหตุสฺส สเหตุกสฺส ธมฺมสฺส อารมฺมณปจฺจเยน ปจฺจโยฯ เหตุ สเหตุโก จ นเหตุ สเหตุโก จ ธมฺมา นเหตุสฺส สเหตุกสฺส ธมฺมสฺส อารมฺมณปจฺจเยน ปจฺจโยฯ เหตุ สเหตุโก จ นเหตุ สเหตุโก จ ธมฺมา เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส อารมฺมณปจฺจเยน ปจฺจโยฯ (3) (สํขิตฺตํฯ)

[8] เหตุยา ตีณิ, อารมฺมเณ นว…เป.… อุปนิสฺสเย นว อวิคเต นวฯ (สํขิตฺตํฯ)

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

อเหตุกปทํ

ปจฺจยจตุกฺกํ

[9] เหตุํ อเหตุกํ ธมฺมํ ปฏิจฺจ นเหตุ อเหตุโก ธมฺโม อุปฺปชฺชติ เหตุปจฺจยาฯ (1)

นเหตุํ อเหตุกํ ธมฺมํ ปฏิจฺจ นเหตุ อเหตุโก ธมฺโม อุปฺปชฺชติ เหตุปจฺจยาฯ (1)

เหตุํ อเหตุกญฺจ นเหตุํ อเหตุกญฺจ ธมฺมํ ปฏิจฺจ นเหตุ อเหตุโก ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ตีณิ, อารมฺมเณ เอกํ, อวิคเต ตีณิฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

[10] เหตุ อเหตุโก ธมฺโม นเหตุสฺส อเหตุกสฺส ธมฺมสฺส เหตุปจฺจเยน ปจฺจโยฯ (1)

เหตุ อเหตุโก ธมฺโม เหตุสฺส อเหตุกสฺส ธมฺมสฺส อารมฺมณปจฺจเยน ปจฺจโยฯ เหตุ อเหตุโก ธมฺโม นเหตุสฺส อเหตุกสฺส ธมฺมสฺส อารมฺมณปจฺจเยน ปจฺจโยฯ (2)

นเหตุ อเหตุโก ธมฺโม นเหตุสฺส อเหตุกสฺส ธมฺมสฺส อารมฺมณปจฺจเยน ปจฺจโยฯ นเหตุ อเหตุโก ธมฺโม เหตุสฺส อเหตุกสฺส ธมฺมสฺส อารมฺมณปจฺจเยน ปจฺจโยฯ (2) (สํขิตฺตํฯ)