ปจฺจยจตุกฺกํ
[13] อพฺยากตํ วิปากํ ธมฺมํ ปฏิจฺจ อพฺยากโต วิปาโก ธมฺโม อุปฺปชฺชติ เหตุปจฺจยาฯ (สํขิตฺตํฯ)
เหตุยา เอกํ, อารมฺมเณ เอกํ…เป.… อวิคเต เอกํฯ (สํขิตฺตํฯ)
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[14] กุสลํ วิปากธมฺมธมฺมํ ปฏิจฺจ กุสโล วิปากธมฺมธมฺโม อุปฺปชฺชติ เหตุปจฺจยาฯ (1)
อกุสลํ วิปากธมฺมธมฺมํ ปฏิจฺจ อกุสโล วิปากธมฺมธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
เหตุยา ทฺเว, อารมฺมเณ ทฺเว…เป.… อวิคเต ทฺเวฯ (สํขิตฺตํฯ)
(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)
[15] กุสโล วิปากธมฺมธมฺโม กุสลสฺส วิปากธมฺมธมฺมสฺส เหตุปจฺจเยน ปจฺจโยฯ (1)
อกุสโล วิปากธมฺมธมฺโม อกุสลสฺส วิปากธมฺมธมฺมสฺส เหตุปจฺจเยน ปจฺจโยฯ (1)
กุสโล วิปากธมฺมธมฺโม กุสลสฺส วิปากธมฺมธมฺมสฺส อารมฺมณปจฺจเยน ปจฺจโยฯ กุสโล วิปากธมฺมธมฺโม อกุสลสฺส วิปากธมฺมธมฺมสฺส อารมฺมณปจฺจเยน ปจฺจโยฯ (2)
อกุสโล วิปากธมฺมธมฺโม อกุสลสฺส วิปากธมฺมธมฺมสฺส อารมฺมณปจฺจเยน ปจฺจโยฯ อกุสโล วิปากธมฺมธมฺโม กุสลสฺส วิปากธมฺมธมฺมสฺส อารมฺมณปจฺจเยน ปจฺจโยฯ (2) (สํขิตฺตํฯ)
[16] เหตุยา ทฺเว, อารมฺมเณ จตฺตาริ, อธิปติยา ตีณิ, อนนฺตเร ทฺเว…เป.… สหชาเต ทฺเว, อุปนิสฺสเย จตฺตาริ…เป.… อวิคเต ทฺเวฯ (สํขิตฺตํฯ ยถา กุสลตฺติเก ปญฺหาวารํ เอวํ วิตฺถาเรตพฺพํฯ)
[17] อพฺยากตํ เนววิปากนวิปากธมฺมธมฺมํ ปฏิจฺจ อพฺยากโต เนววิปากนวิปากธมฺมธมฺโม อุปฺปชฺชติ เหตุปจฺจยาฯ (สํขิตฺตํฯ)
เหตุยา เอกํ, อารมฺมเณ เอกํ…เป.… อวิคเต เอกํฯ (สํขิตฺตํฯ)
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
1-3. กุสลตฺติก-อุปาทินฺนตฺติกํ
1-7. ปฏิจฺจวาราทิ
ปจฺจยจตุกฺกํ
[18] อพฺยากตํ อุปาทินฺนุปาทานิยํ ธมฺมํ ปฏิจฺจ อพฺยากโต อุปาทินฺนุปาทานิโย ธมฺโม อุปฺปชฺชติ เหตุปจฺจยาฯ (สํขิตฺตํฯ)
เหตุยา เอกํ…เป.… อวิคเต เอกํฯ (สํขิตฺตํฯ)
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[19] กุสลํ อนุปาทินฺนุปาทานิยํ ธมฺมํ ปฏิจฺจ กุสโล อนุปาทินฺนุปาทานิโย ธมฺโม อุปฺปชฺชติ เหตุปจฺจยา… ตีณิฯ
อกุสลํ อนุปาทินฺนุปาทานิยํ ธมฺมํ ปฏิจฺจ อกุสโล อนุปาทินฺนุปาทานิโย ธมฺโม อุปฺปชฺชติ เหตุปจฺจยา… ตีณิฯ
อพฺยากตํ อนุปาทินฺนุปาทานิยํ ธมฺมํ ปฏิจฺจ อพฺยากโต อนุปาทินฺนุปาทานิโย ธมฺโม อุปฺปชฺชติ เหตุปจฺจยาฯ (1)
กุสลํ อนุปาทินฺนุปาทานิยญฺจ อพฺยากตํ อนุปาทินฺนุปาทานิยญฺจ ธมฺมํ ปฏิจฺจ อพฺยากโต อนุปาทินฺนุปาทานิโย ธมฺโม อุปฺปชฺชติ เหตุปจฺจยาฯ (1)
อกุสลํ อนุปาทินฺนุปาทานิยญฺจ อพฺยากตํ อนุปาทินฺนุปาทานิยญฺจ ธมฺมํ ปฏิจฺจ อพฺยากโต อนุปาทินฺนุปาทานิโย ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[20] เหตุยา นว, อวิคเต นวฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)
