เมนู

เหตุปจฺจโย

[1] เหตุํ สเหตุกํ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ เหตุปจฺจยาฯ เหตุํ สเหตุกํ ธมฺมํ ปฏิจฺจ นเหตุ สเหตุโก ธมฺโม อุปฺปชฺชติ เหตุปจฺจยาฯ เหตุํ สเหตุกํ ธมฺมํ ปฏิจฺจ เหตุ สเหตุโก จ นเหตุ สเหตุโก จ ธมฺมา อุปฺปชฺชนฺติ เหตุปจฺจยาฯ (3)

[2] นเหตุํ สเหตุกํ ธมฺมํ ปฏิจฺจ นเหตุ สเหตุโก ธมฺโม อุปฺปชฺชติ เหตุปจฺจยาฯ นเหตุํ สเหตุกํ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ เหตุปจฺจยาฯ นเหตุํ สเหตุกํ ธมฺมํ ปฏิจฺจ เหตุ สเหตุโก จ นเหตุ สเหตุโก จ ธมฺมา อุปฺปชฺชนฺติ เหตุปจฺจยาฯ (3)

[3] เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ เหตุปจฺจยาฯ

เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ นเหตุ สเหตุโก ธมฺโม อุปฺปชฺชติ เหตุปจฺจยา ฯ เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ เหตุ สเหตุโก จ นเหตุ สเหตุโก จ ธมฺมา อุปฺปชฺชนฺติ เหตุปจฺจยาฯ (3)

[4] เหตุยา นว, อารมฺมเณ นว…เป.… อวิคเต นวฯ (สํขิตฺตํฯ)

ปจฺจนียํ

นอธิปติปจฺจโย

[5] เหตุํ สเหตุกํ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ นอธิปติปจฺจยาฯ (สํขิตฺตํฯ)

นอธิปติยา นว, นปุเรชาเต นว, นปจฺฉาชาเต นว, นกมฺเม ตีณิ, นวิปาเก นว, นวิปฺปยุตฺเต นวฯ (สํขิตฺตํฯ)

เหตุปจฺจยา นอธิปติยา นวฯ (สํขิตฺตํฯ)

นอธิปติปจฺจยา เหตุยา นวฯ (สํขิตฺตํฯ)

(สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ ปฏิจฺจวารสทิสํฯ)

เหตุ-อารมฺมณปจฺจยา

[6] เหตุ สเหตุโก ธมฺโม เหตุสฺส สเหตุกสฺส ธมฺมสฺส เหตุปจฺจเยน ปจฺจโยฯ เหตุ สเหตุโก ธมฺโม นเหตุสฺส สเหตุกสฺส ธมฺมสฺส เหตุปจฺจเยน ปจฺจโยฯ เหตุ สเหตุโก ธมฺโม เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส เหตุปจฺจเยน ปจฺจโยฯ (3)

[7] เหตุ สเหตุโก ธมฺโม เหตุสฺส สเหตุกสฺส ธมฺมสฺส อารมฺมณปจฺจเยน ปจฺจโยฯ เหตุ สเหตุโก ธมฺโม นเหตุสฺส สเหตุกสฺส ธมฺมสฺส อารมฺมณปจฺจเยน ปจฺจโยฯ เหตุ สเหตุโก ธมฺโม เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส อารมฺมณปจฺจเยน ปจฺจโยฯ (3)

นเหตุ สเหตุโก ธมฺโม นเหตุสฺส สเหตุกสฺส ธมฺมสฺส อารมฺมณปจฺจเยน ปจฺจโยฯ นเหตุ สเหตุโก ธมฺโม เหตุสฺส สเหตุกสฺส ธมฺมสฺส อารมฺมณปจฺจเยน ปจฺจโยฯ นเหตุ สเหตุโก ธมฺโม เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส อารมฺมณปจฺจเยน ปจฺจโยฯ (3)