เหตุปจฺจโย

[127] อชฺฌตฺตํ กุสลํ ธมฺมํ ปฏิจฺจ อชฺฌตฺโต กุสโล ธมฺโม อุปฺปชฺชติ เหตุปจฺจยาฯ (1)

พหิทฺธา กุสลํ ธมฺมํ ปฏิจฺจ พหิทฺธา กุสโล ธมฺโม อุปฺปชฺชติ เหตุปจฺจยาฯ (1) (สพฺพตฺถ ทฺเว, สพฺพตฺถ วิตฺถาโรฯ)

[128] อชฺฌตฺตํ อกุสลํ ธมฺมํ ปฏิจฺจ อชฺฌตฺโต อกุสโล ธมฺโม อุปฺปชฺชติ เหตุปจฺจยาฯ (1)

พหิทฺธา อกุสลํ ธมฺมํ ปฏิจฺจ พหิทฺธา อกุสโล ธมฺโม อุปฺปชฺชติ เหตุปจฺจยาฯ (1) (สพฺพตฺถ ทฺเว, สพฺพตฺถ วิตฺถาโรฯ)

[129] อชฺฌตฺตํ อพฺยากตํ ธมฺมํ ปฏิจฺจ อชฺฌตฺโต อพฺยากโต ธมฺโม อุปฺปชฺชติ เหตุปจฺจยาฯ (1)

พหิทฺธา อพฺยากตํ ธมฺมํ ปฏิจฺจ พหิทฺธา อพฺยากโต ธมฺโม อุปฺปชฺชติ เหตุปจฺจยาฯ (1) (สพฺพตฺถ ทฺเว, สพฺพตฺถ วิตฺถาโรฯ)

21-1. อชฺฌตฺตารมฺมณตฺติก-กุสลตฺติกํ

1-7. ปฏิจฺจวาราทิ

เหตุปจฺจโย

[130] อชฺฌตฺตารมฺมณํ กุสลํ ธมฺมํ ปฏิจฺจ อชฺฌตฺตารมฺมโณ กุสโล ธมฺโม อุปฺปชฺชติ เหตุปจฺจยาฯ (สพฺพตฺถ ทฺเว, สพฺพตฺถ วิตฺถาโรฯ)

อชฺฌตฺตารมฺมณํ อกุสลํ ธมฺมํ ปฏิจฺจ อชฺฌตฺตารมฺมโณ อกุสโล ธมฺโม อุปฺปชฺชติ เหตุปจฺจยาฯ (สพฺพตฺถ ทฺเว, สพฺพตฺถ วิตฺถาโรฯ)

อชฺฌตฺตารมฺมณํ อพฺยากตํ ธมฺมํ ปฏิจฺจ อชฺฌตฺตารมฺมโณ อพฺยากโต ธมฺโม อุปฺปชฺชติ เหตุปจฺจยาฯ (สพฺพตฺถ ทฺเว, สพฺพตฺถ วิตฺถาโรฯ)

22-1. สนิทสฺสนตฺติก-กุสลตฺติกํ

1-7. ปฏิจฺจวาราทิ

เหตุปจฺจโย

[131] อนิทสฺสนอปฺปฏิฆํ กุสลํ ธมฺมํ ปฏิจฺจ อนิทสฺสนอปฺปฏิโฆ กุสโล ธมฺโม อุปฺปชฺชติ เหตุปจฺจยาฯ (สพฺพตฺถ เอกํฯ)

อนิทสฺสนอปฺปฏิฆํ อกุสลํ ธมฺมํ ปฏิจฺจ อนิทสฺสนอปฺปฏิโฆ อกุสโล ธมฺโม อุปฺปชฺชติ เหตุปจฺจยาฯ (สพฺพตฺถ เอกํฯ)

[132] อนิทสฺสนสปฺปฏิฆํ อพฺยากตํ ธมฺมํ ปฏิจฺจ อนิทสฺสนสปฺปฏิโฆ อพฺยากโต ธมฺโม อุปฺปชฺชติ เหตุปจฺจยา (เอกํ)ฯ อนิทสฺสนสปฺปฏิฆํ อพฺยากตํ ธมฺมํ ปฏิจฺจ สนิทสฺสนสปฺปฏิโฆ อพฺยากโต ธมฺโม อุปฺปชฺชติ เหตุปจฺจยา (ทฺเว)ฯ อนิทสฺสนสปฺปฏิฆํ อพฺยากตํ ธมฺมํ ปฏิจฺจ อนิทสฺสนอปฺปฏิโฆ อพฺยากโต ธมฺโม อุปฺปชฺชติ เหตุปจฺจยา (ตีณิ)ฯ อนิทสฺสนสปฺปฏิฆํ อพฺยากตํ ธมฺมํ ปฏิจฺจ สนิทสฺสนสปฺปฏิโฆ อพฺยากโต จ อนิทสฺสนอปฺปฏิโฆ อพฺยากโต จ ธมฺมา อุปฺปชฺชนฺติ เหตุปจฺจยา (จตฺตาริ)ฯ อนิทสฺสนสปฺปฏิฆํ อพฺยากตํ ธมฺมํ ปฏิจฺจ อนิทสฺสนสปฺปฏิโฆ อพฺยากโต จ อนิทสฺสนอปฺปฏิโฆ อพฺยากโต จ ธมฺมา อุปฺปชฺชนฺติ เหตุปจฺจยา (ปญฺจ)ฯ อนิทสฺสนสปฺปฏิฆํ อพฺยากตํ ธมฺมํ ปฏิจฺจ สนิทสฺสนสปฺปฏิโฆ อพฺยากโต จ อนิทสฺสนสปฺปฏิโฆ อพฺยากโต จ ธมฺมา อุปฺปชฺชนฺติ เหตุปจฺจยา (ฉ)ฯ อนิทสฺสนสปฺปฏิฆํ อพฺยากตํ ธมฺมํ ปฏิจฺจ สนิทสฺสนสปฺปฏิโฆ อพฺยากโต จ อนิทสฺสนสปฺปฏิโฆ อพฺยากโต จ อนิทสฺสนอปฺปฏิโฆ อพฺยากโต จ ธมฺมา อุปฺปชฺชนฺติ เหตุปจฺจยา (สตฺต)ฯ

[133] อนิทสฺสนอปฺปฏิฆํ อพฺยากตํ ธมฺมํ ปฏิจฺจ อนิทสฺสนอปฺปฏิโฆ อพฺยากโต ธมฺโม อุปฺปชฺชติ เหตุปจฺจยา (สตฺต)ฯ อนิทสฺสนอปฺปฏิฆํ อพฺยากตญฺจ อนิทสฺสนสปฺปฏิฆํ อพฺยากตญฺจ ธมฺมํ ปฏิจฺจ สนิทสฺสนสปฺปฏิโฆ อพฺยากโต ธมฺโม อุปฺปชฺชติ เหตุปจฺจยา (สตฺต, สํขิตฺตํ)ฯ

[134] เหตุยา เอกวีส, อวิคเต เอกวีสฯ (สํขิตฺตํฯ)

(สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

ธมฺมานุโลเม ติกติกปฏฺฐานํ นิฏฺฐิตํฯ

ธมฺมานุโลเม ทุกทุกปฏฺฐานํ

1-1. เหตุทุก-สเหตุกทุกํ

สเหตุกปทํ

1-7. ปฏิจฺจวาราทิ

ปจฺจยจตุกฺกํ