มชฺฌิมํ อพฺยากตญฺจ ปณีตํ อพฺยากตญฺจ ธมฺมํ ปฏิจฺจ มชฺฌิโม อพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ปญฺจฯ (สพฺพตฺถ วิตฺถาโรฯ)

15-1. มิจฺฉตฺตตฺติก-กุสลตฺติกํ

1-7. ปฏิจฺจวาราทิ

เหตุปจฺจโย

[118] สมฺมตฺตนิยตํ กุสลํ ธมฺมํ ปฏิจฺจ สมฺมตฺตนิยโต กุสโล ธมฺโม อุปฺปชฺชติ เหตุปจฺจยาฯ (1)

อนิยตํ กุสลํ ธมฺมํ ปฏิจฺจ อนิยโต กุสโล ธมฺโม อุปฺปชฺชติ เหตุปจฺจยาฯ (1) (สพฺพตฺถ ทฺเวฯ สพฺพตฺถ วิตฺถาโรฯ)

[119] มิจฺฉตฺตนิยตํ อกุสลํ ธมฺมํ ปฏิจฺจ มิจฺฉตฺตนิยโต อกุสโล ธมฺโม อุปฺปชฺชติ เหตุปจฺจยาฯ (1)

อนิยตํ อกุสลํ ธมฺมํ ปฏิจฺจ อนิยโต อกุสโล ธมฺโม อุปฺปชฺชติ เหตุปจฺจยาฯ (1) (สพฺพตฺถ ทฺเวฯ สพฺพตฺถ วิตฺถาโรฯ)

อนิยตํ อพฺยากตํ ธมฺมํ ปฏิจฺจ อนิยโต อพฺยากโต ธมฺโม อุปฺปชฺชติ เหตุปจฺจยาฯ (สพฺพตฺถ เอกํฯ)

16-1. มคฺคารมฺมณตฺติก-กุสลตฺติกํ

1-7. ปฏิจฺจวาราทิ

เหตุปจฺจโย

[120] มคฺคารมฺมณํ กุสลํ ธมฺมํ ปฏิจฺจ มคฺคารมฺมโณ กุสโล ธมฺโม อุปฺปชฺชติ เหตุปจฺจยา… ตีณิฯ

มคฺคเหตุกํ กุสลํ ธมฺมํ ปฏิจฺจ มคฺคเหตุโก กุสโล ธมฺโม อุปฺปชฺชติ เหตุปจฺจยา… ตีณิฯ

มคฺคาธิปติํ กุสลํ ธมฺมํ ปฏิจฺจ มคฺคาธิปติ กุสโล ธมฺโม อุปฺปชฺชติ เหตุปจฺจยา… ปญฺจฯ

มคฺคารมฺมณํ กุสลญฺจ มคฺคาธิปติํ กุสลญฺจ ธมฺมํ ปฏิจฺจ มคฺคารมฺมโณ กุสโล ธมฺโม อุปฺปชฺชติ เหตุปจฺจยา… ตีณิฯ

มคฺคเหตุกํ กุสลญฺจ มคฺคาธิปติํ กุสลญฺจ ธมฺมํ ปฏิจฺจ มคฺคเหตุโก กุสโล ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)

เหตุยา สตฺตรส…เป.… อวิคเต สตฺตรสฯ (สํขิตฺตํฯ)

[121] มคฺคารมฺมณํ อพฺยากตํ ธมฺมํ ปฏิจฺจ มคฺคารมฺมโณ อพฺยากโต ธมฺโม อุปฺปชฺชติ เหตุปจฺจยา… ตีณิฯ

มคฺคาธิปติํ อพฺยากตํ ธมฺมํ ปฏิจฺจ มคฺคาธิปติ อพฺยากโต ธมฺโม อุปฺปชฺชติ เหตุปจฺจยา… ตีณิฯ

(สพฺพตฺถ วิตฺถาโรฯ)

17-1. อุปฺปนฺนตฺติก-กุสลตฺติกํ

7. ปญฺหาวาโร

เหตุปจฺจโย

[122] อุปฺปนฺโน กุสโล ธมฺโม อุปฺปนฺนสฺส กุสลสฺส ธมฺมสฺส เหตุปจฺจเยน ปจฺจโยฯ (สพฺพตฺถ เอกํฯ สพฺพตฺถ วิตฺถาโรฯ)

อุปฺปนฺโน อกุสโล ธมฺโม อุปฺปนฺนสฺส อกุสลสฺส ธมฺมสฺส เหตุปจฺจเยน ปจฺจโยฯ (สพฺพตฺถ เอกํฯ สพฺพตฺถ วิตฺถาโรฯ)

อุปฺปนฺโน อพฺยากโต ธมฺโม อุปฺปนฺนสฺส อพฺยากตสฺส ธมฺมสฺส เหตุปจฺจเยน ปจฺจโยฯ (สํขิตฺตํฯ)

เหตุยา เอกํ, อารมฺมเณ ตีณิ…เป.… อุปนิสฺสเย ตีณิ…เป.… อวิคเต เอกํฯ (สพฺพตฺถ วิตฺถาโรฯ)

18-1. อตีตตฺติก-กุสลตฺติกํ

7. ปญฺหาวาโร

เหตุปจฺจโย

[123] ปจฺจุปฺปนฺโน กุสโล ธมฺโม ปจฺจุปฺปนฺนสฺส กุสลสฺส ธมฺมสฺส เหตุปจฺจเยน ปจฺจโยฯ (สพฺพตฺถ เอกํฯ)