[7] นกุสโล ธมฺโม อกุสลสฺส ธมฺมสฺส เหตุปจฺจเยน ปจฺจโยฯ นกุสโล ธมฺโม อพฺยากตสฺส ธมฺมสฺส เหตุปจฺจเยน ปจฺจโยฯ นกุสโล ธมฺโม อกุสลสฺส จ อพฺยากตสฺส จ ธมฺมสฺส เหตุปจฺจเยน ปจฺจโย… ตีณิฯ

นอกุสโล ธมฺโม กุสลสฺส ธมฺมสฺส เหตุปจฺจเยน ปจฺจโย… ตีณิฯ

นอพฺยากโต ธมฺโม อพฺยากตสฺส ธมฺมสฺส เหตุปจฺจเยน ปจฺจโย… ปญฺจฯ

นกุสโล จ นอพฺยากโต จ ธมฺมา อกุสลสฺส ธมฺมสฺส เหตุปจฺจเยน ปจฺจโย… ตีณิฯ

นอกุสโล จ นอพฺยากโต จ ธมฺมา กุสลสฺส ธมฺมสฺส เหตุปจฺจเยน ปจฺจโย… ตีณิฯ

นกุสโล จ นอกุสโล จ ธมฺมา อพฺยากตสฺส ธมฺมสฺส เหตุปจฺจเยน ปจฺจโยฯ เอกํฯ

อารมฺมณปจฺจโย

[8] นกุสโล ธมฺโม กุสลสฺส ธมฺมสฺส อารมฺมณปจฺจเยน ปจฺจโย… ตีณิฯ

นอกุสโล ธมฺโม อกุสลสฺส ธมฺมสฺส อารมฺมณปจฺจเยน ปจฺจโย… ตีณิฯ

นอพฺยากโต ธมฺโม อพฺยากตสฺส ธมฺมสฺส อารมฺมณปจฺจเยน ปจฺจโย… ตีณิฯ

นกุสโล จ นอพฺยากโต จ ธมฺมา กุสลสฺส ธมฺมสฺส อารมฺมณปจฺจเยน ปจฺจโยฯ นกุสโล จ นอพฺยากโต จ ธมฺมา อกุสลสฺส ธมฺมสฺส อารมฺมณปจฺจเยน ปจฺจโยฯ นกุสโล จ นอพฺยากโต จ ธมฺมา อพฺยากตสฺส ธมฺมสฺส อารมฺมณปจฺจเยน ปจฺจโยฯ ตีณิฯ

นอกุสโล จ นอพฺยากโต จ ธมฺมา กุสลสฺส ธมฺมสฺส อารมฺมณปจฺจเยน ปจฺจโยฯ นอกุสโล จ นอพฺยากโต จ ธมฺมา อกุสลสฺส ธมฺมสฺส อารมฺมณปจฺจเยน ปจฺจโยฯ นอกุสโล จ นอพฺยากโต จ ธมฺมา อพฺยากตสฺส ธมฺมสฺส อารมฺมณปจฺจเยน ปจฺจโยฯ ตีณิฯ

นกุสโล จ นอกุสโล จ ธมฺมา กุสลสฺส ธมฺมสฺส อารมฺมณปจฺจเยน ปจฺจโย… ตีณิฯ (สํขิตฺตํฯ)

[9] เหตุยา อฏฺฐารส, อารมฺมเณ อฏฺฐารส, อธิปติยา เตวีส…เป.… อวิคเต ทฺวาวีสฯ (ปญฺหาวารํ วิตฺถาเรตพฺพํฯ)

2. เวทนาตฺติกํ

1-7. ปฏิจฺจวาราทิ

[10] นสุขาย เวทนาย สมฺปยุตฺตํ ธมฺมํ ปฏิจฺจ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นสุขาย เวทนาย สมฺปยุตฺตํ ธมฺมํ ปฏิจฺจ ทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นสุขาย เวทนาย สมฺปยุตฺตํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (3)

นทุกฺขาย เวทนาย สมฺปยุตฺตํ ธมฺมํ ปฏิจฺจ ทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นทุกฺขาย เวทนาย สมฺปยุตฺตํ ธมฺมํ ปฏิจฺจ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นทุกฺขาย เวทนาย สมฺปยุตฺตํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (3)

นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ ทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (3) (สํขิตฺตํฯ) เหตุยา เอกวีส, อธิปติยา เอกวีส…เป.… อวิคเต เอกวีสฯ

3. วิปากตฺติกํ

1-7. ปฏิจฺจวาราทิ

[11] นวิปากํ ธมฺมํ ปฏิจฺจ วิปาโก ธมฺโม อุปฺปชฺชติ เหตุปจฺจยาฯ นวิปากํ ธมฺมํ ปฏิจฺจ วิปากธมฺมธมฺโม อุปฺปชฺชติ เหตุปจฺจยา… ปญฺจฯ

นวิปากธมฺมธมฺมํ ปฏิจฺจ วิปาโก ธมฺโม อุปฺปชฺชติ เหตุปจฺจยาฯ นวิปากธมฺมธมฺมํ ปฏิจฺจ เนววิปากนวิปากธมฺมธมฺโม อุปฺปชฺชติ เหตุปจฺจยา… ตีณิฯ