สรณํ โนอาสวํ ธมฺมํ ปฏิจฺจ นอรโณ นโนอาสโว ธมฺโม อุปฺปชฺชติ เหตุปจฺจยาฯ เหตุยา เอกํฯ

[92] อรณํ สาสวํ ธมฺมํ ปจฺจยา นสรโณ นสาสโว ธมฺโม อุปฺปชฺชติ เหตุปจฺจยาฯ

อรณํ อนาสวํ ธมฺมํ ปฏิจฺจ นสรโณ นอนาสโว ธมฺโม อุปฺปชฺชติ เหตุปจฺจยาฯ เหตุยา เอกํฯ (เอเตน อุปาเยน สพฺพตฺถ วิตฺถาเรตพฺพํฯ)

100-55-82. สรณทุก-มหนฺตรทุกาทิ

[93] สรณํ สารมฺมณํ ธมฺมํ ปฏิจฺจ นสรโณ นสารมฺมโณ ธมฺโม อุปฺปชฺชติ เหตุปจฺจยาฯ อรณํ สารมฺมณํ ธมฺมํ ปฏิจฺจ นสรโณ นสารมฺมโณ ธมฺโม อุปฺปชฺชติ เหตุปจฺจยาฯ (สํขิตฺตํฯ)

100-83. สรณทุก-ปิฏฺฐิทุกํ

[94] สรณํ ทสฺสเนน ปหาตพฺพํ ธมฺมํ ปฏิจฺจ นสรโณ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยาฯ เหตุยา เอกํฯ

อรณํ นทสฺสเนน ปหาตพฺพํ ธมฺมํ ปจฺจยา นอรโณ นนทสฺสเนน ปหาตพฺโพ ธมฺโม อุปฺปชฺชติ เหตุปจฺจยาฯ (สํขิตฺตํฯ)

[95] อรณํ สอุตฺตรํ ธมฺมํ ปจฺจยา นสรโณ นสอุตฺตโร ธมฺโม อุปฺปชฺชติ เหตุปจฺจยาฯ

อรณํ อนุตฺตรํ ธมฺมํ ปฏิจฺจ นสรโณ นอนุตฺตโร ธมฺโม อุปฺปชฺชติ เหตุปจฺจยาฯ (สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

ธมฺมานุโลมปจฺจนีเย ทุกทุกปฏฺฐานํ นิฏฺฐิตํฯ

อนุโลมปจฺจนียปฏฺฐานํ นิฏฺฐิตํฯ

ธมฺมปจฺจนียานุโลเม ติกปฏฺฐานํ

1. กุสลตฺติกํ

1-2. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

[1] นกุสลํ ธมฺมํ ปฏิจฺจ อกุสโล ธมฺโม อุปฺปชฺชติ เหตุปจฺจยาฯ อกุสลํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ ปฏิจฺจ ทฺเว ขนฺธา นกุสลํ ธมฺมํ ปฏิจฺจ อพฺยากโต ธมฺโม อุปฺปชฺชติ เหตุปจฺจยาฯ วิปากาพฺยากตํ กิริยาพฺยากตํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… นกุสลํ ธมฺมํ ปฏิจฺจ อกุสโล จ อพฺยากโต จ ธมฺมา อุปฺปชฺชนฺติ เหตุปจฺจยาฯ ตีณิฯ

นอกุสลํ ธมฺมํ ปฏิจฺจ กุสโล ธมฺโม อุปฺปชฺชติ เหตุปจฺจยาฯ นอกุสลํ ธมฺมํ ปฏิจฺจ อพฺยากโต ธมฺโม อุปฺปชฺชติ เหตุปจฺจยาฯ นอกุสลํ ธมฺมํ ปฏิจฺจ กุสโล จ อพฺยากโต จ ธมฺมา อุปฺปชฺชนฺติ เหตุปจฺจยาฯ ตีณิฯ

นอพฺยากตํ ธมฺมํ ปฏิจฺจ อพฺยากโต ธมฺโม อุปฺปชฺชติ เหตุปจฺจยาฯ นอพฺยากตํ ธมฺมํ ปฏิจฺจ กุสโล ธมฺโม อุปฺปชฺชติ เหตุปจฺจยาฯ นอพฺยากตํ ธมฺมํ ปฏิจฺจ อกุสโล ธมฺโม อุปฺปชฺชติ เหตุปจฺจยา ฯ นอพฺยากตํ ธมฺมํ ปฏิจฺจ กุสโล จ อพฺยากโต จ ธมฺมา อุปฺปชฺชนฺติ เหตุปจฺจยาฯ นอพฺยากตํ ธมฺมํ ปฏิจฺจ อกุสโล จ อพฺยากโต จ ธมฺมา อุปฺปชฺชนฺติ เหตุปจฺจยาฯ ปญฺจฯ