[1] เหตุํ สเหตุกํ ธมฺมํ ปฏิจฺจ นเหตุ นสเหตุโก ธมฺโม อุปฺปชฺชติ เหตุปจฺจยาฯ นเหตุํ สเหตุกํ ธมฺมํ ปฏิจฺจ นเหตุ นสเหตุโก ธมฺโม อุปฺปชฺชติ เหตุปจฺจยาฯ เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ นเหตุ นสเหตุโก ธมฺโม อุปฺปชฺชติ เหตุปจฺจยาฯ (สํขิตฺตํฯ) เหตุยา ตีณิ, อารมฺมเณ เอกํ…เป.… อวิคเต ปญฺจฯ

[2] นเหตุํ สเหตุกํ ธมฺมํ ปฏิจฺจ นนเหตุ นสเหตุโก ธมฺโม อุปฺปชฺชติ นเหตุปจฺจยา… (สํขิตฺตํฯ) นเหตุยา เอกํ, นอารมฺมเณ ตีณิ…เป.… โนวิคเต ตีณิฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

เหตุ-อารมฺมณปจฺจยา

[3] เหตุ สเหตุโก ธมฺโม นเหตุสฺส นสเหตุกสฺส ธมฺมสฺส เหตุปจฺจเยน ปจฺจโยฯ (1)

เหตุ สเหตุโก ธมฺโม นเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโยฯ

เหตุ สเหตุโก ธมฺโม นนเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโยฯ เหตุ สเหตุโก ธมฺโม นเหตุสฺส นสเหตุกสฺส จ นนเหตุสฺส นสเหตุกสฺส จ ธมฺมสฺส อารมฺมณปจฺจเยน ปจฺจโยฯ (3)

นเหตุ สเหตุโก ธมฺโม นนเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโยฯ นเหตุ สเหตุโก ธมฺโม นเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโยฯ นเหตุ สเหตุโก ธมฺโม นเหตุสฺส นสเหตุกสฺส จ นนเหตุสฺส นสเหตุกสฺส จ ธมฺมสฺส อารมฺมณปจฺจเยน ปจฺจโยฯ (3) (สํขิตฺตํฯ)

เหตุยา เอกํ, อารมฺมเณ ฉ, อธิปติยา ทฺเว…เป.… อวิคเต ปญฺจฯ (ปญฺหาวารํ วิตฺถาเรตพฺพํฯ)

[4] เหตุํ อเหตุกํ ธมฺมํ ปฏิจฺจ นเหตุ นอเหตุโก ธมฺโม อุปฺปชฺชติ เหตุปจฺจยาฯ (1)

นเหตุํ อเหตุกํ ธมฺมํ ปฏิจฺจ นนเหตุ นอเหตุโก ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ) เหตุยา จตฺตาริฯ

1-2. เหตุทุก-เหตุสมฺปยุตฺตทุกํ

[5] เหตุํ เหตุสมฺปยุตฺตํ ธมฺมํ ปฏิจฺจ นเหตุ นเหตุสมฺปยุตฺโต ธมฺโม อุปฺปชฺชติ เหตุปจฺจยา… ตีณิฯ (สเหตุกสทิสํฯ)

เหตุํ เหตุวิปฺปยุตฺตํ ธมฺมํ ปฏิจฺจ นเหตุ นเหตุวิปฺปยุตฺโต ธมฺโม อุปฺปชฺชติ เหตุปจฺจยาฯ (1)

นเหตุํ เหตุวิปฺปยุตฺตํ ธมฺมํ ปฏิจฺจ นนเหตุ นเหตุวิปฺปยุตฺโต ธมฺโม อุปฺปชฺชติ เหตุปจฺจยา… ตีณิฯ เหตุยา จตฺตาริฯ

1-3-5. เหตุทุก-เหตุสเหตุกาทิทุกานิ

[6] เหตุํ เหตุญฺเจว สเหตุกญฺจ ธมฺมํ ปฏิจฺจ นเหตุ นเหตุ เจว นอเหตุโก จ ธมฺโม อุปฺปชฺชติ เหตุปจฺจยาฯ เหตุยา เอกํฯ

นเหตุํ สเหตุกญฺเจว น จ เหตุํ ธมฺมํ ปฏิจฺจ นนเหตุ นอเหตุโก เจว นนเหตุ จ ธมฺโม อุปฺปชฺชติ เหตุปจฺจยาฯ เหตุยา เอกํฯ