[5] กุสลํ นเหตุํ ธมฺมํ ปฏิจฺจ นอกุสโล นนเหตุ ธมฺโม อุปฺปชฺชติ เหตุปจฺจยาฯ กุสลํ นเหตุํ ธมฺมํ ปฏิจฺจ นอพฺยากโต นนเหตุ ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา นว, อารมฺมเณ นว…เป.… อวิคเต นวฯ (สพฺพตฺถ นวฯ)

1-2. กุสลตฺติก-สเหตุกทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[6] กุสลํ สเหตุกํ ธมฺมํ ปฏิจฺจ นกุสโล นสเหตุโก ธมฺโม อุปฺปชฺชติ เหตุปจฺจยาฯ กุสลํ สเหตุกํ ธมฺมํ ปฏิจฺจ นอกุสโล นสเหตุโก ธมฺโม อุปฺปชฺชติ เหตุปจฺจยาฯ กุสลํ สเหตุกํ ธมฺมํ ปฏิจฺจ นกุสโล นสเหตุโก จ นอกุสโล นสเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ

อกุสลํ สเหตุกํ ธมฺมํ ปฏิจฺจ นอกุสโล นสเหตุโก ธมฺโม อุปฺปชฺชติ เหตุปจฺจยาฯ อกุสลํ สเหตุกํ ธมฺมํ ปฏิจฺจ นกุสโล นสเหตุโก ธมฺโม อุปฺปชฺชติ เหตุปจฺจยาฯ อกุสลํ สเหตุกํ ธมฺมํ ปฏิจฺจ นกุสโล นสเหตุโก จ นอกุสโล นสเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ

อพฺยากตํ สเหตุกํ ธมฺมํ ปฏิจฺจ นกุสโล นสเหตุโก ธมฺโม อุปฺปชฺชติ เหตุปจฺจยาฯ อพฺยากตํ สเหตุกํ ธมฺมํ ปฏิจฺจ นอกุสโล นสเหตุโก ธมฺโม อุปฺปชฺชติ เหตุปจฺจยาฯ อพฺยากตํ สเหตุกํ ธมฺมํ ปฏิจฺจ นกุสโล นสเหตุโก จ นอกุสโล นสเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ

เหตุยา นว, อารมฺมเณ ตีณิ…เป.… อวิคเต เอกาทสฯ (สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

[7] กุสโล สเหตุโก ธมฺโม นกุสลสฺส นสเหตุกสฺส ธมฺมสฺส เหตุปจฺจเยน ปจฺจโยฯ กุสโล สเหตุโก ธมฺโม นอกุสลสฺส นสเหตุกสฺส ธมฺมสฺส เหตุปจฺจเยน ปจฺจโยฯ กุสโล สเหตุโก ธมฺโม นกุสลสฺส นสเหตุกสฺส จ นอกุสลสฺส นสเหตุกสฺส จ ธมฺมสฺส เหตุปจฺจเยน ปจฺจโยฯ ตีณิฯ

อกุสโล สเหตุโก ธมฺโม นอกุสลสฺส นสเหตุกสฺส ธมฺมสฺส เหตุปจฺจเยน ปจฺจโยฯ อกุสโล สเหตุโก ธมฺโม นกุสลสฺส นสเหตุกสฺส ธมฺมสฺส เหตุปจฺจเยน ปจฺจโยฯ อกุสโล สเหตุโก ธมฺโม นกุสลสฺส นสเหตุกสฺส จ นอกุสลสฺส นสเหตุกสฺส จ ธมฺมสฺส เหตุปจฺจเยน ปจฺจโยฯ ตีณิฯ

อพฺยากโต สเหตุโก ธมฺโม นกุสลสฺส นสเหตุกสฺส ธมฺมสฺส เหตุปจฺจเยน ปจฺจโยฯ อพฺยากโต สเหตุโก ธมฺโม นอกุสลสฺส นสเหตุกสฺส ธมฺมสฺส เหตุปจฺจเยน ปจฺจโยฯ อพฺยากโต สเหตุโก ธมฺโม นกุสลสฺส นสเหตุกสฺส จ นอกุสลสฺส นสเหตุกสฺส จ ธมฺมสฺส เหตุปจฺจเยน ปจฺจโยฯ ตีณิฯ (สํขิตฺตํฯ)

[8] เหตุยา นว, อารมฺมเณ ปนฺนรส…เป.… อวิคเต เอกาทสฯ

[9] อกุสลํ อเหตุกํ ธมฺมํ ปฏิจฺจ นกุสโล นอเหตุโก ธมฺโม อุปฺปชฺชติ เหตุปจฺจยาฯ อกุสลํ อเหตุกํ ธมฺมํ ปฏิจฺจ นอพฺยากโต นอเหตุโก ธมฺโม อุปฺปชฺชติ เหตุปจฺจยาฯ อกุสลํ อเหตุกํ ธมฺมํ ปฏิจฺจ นกุสโล นอเหตุโก จ นอพฺยากโต นอเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ

อพฺยากตํ อเหตุกํ ธมฺมํ ปฏิจฺจ นกุสโล นอเหตุโก ธมฺโม อุปฺปชฺชติ เหตุปจฺจยาฯ อพฺยากตํ อเหตุกํ ธมฺมํ ปฏิจฺจ นอกุสโล นอเหตุโก ธมฺโม อุปฺปชฺชติ เหตุปจฺจยาฯ อพฺยากตํ อเหตุกํ ธมฺมํ ปฏิจฺจ นกุสโล นอเหตุโก จ นอกุสโล นอเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ

เหตุยา ฉ, อารมฺมเณ ฉ…เป.… อวิคเต ฉฯ

1-3. กุสลตฺติก-เหตุสมฺปยุตฺตทุกํ

[10] กุสลํ เหตุสมฺปยุตฺตํ ธมฺมํ ปฏิจฺจ นกุสโล นเหตุสมฺปยุตฺโต ธมฺโม อุปฺปชฺชติ เหตุปจฺจยาฯ (สเหตุกทุกสทิสํฯ)

1-4. กุสลตฺติก-เหตุสเหตุกทุกํ

[11] กุสลํ เหตุญฺเจว สเหตุกญฺจ ธมฺมํ ปฏิจฺจ นอกุสโล นเหตุ เจว นอเหตุโก จ ธมฺโม อุปฺปชฺชติ เหตุปจฺจยาฯ