เมนู

อพฺยากตํ เหตุํ ธมฺมํ ปฏิจฺจ นกุสโล นเหตุ ธมฺโม อุปฺปชฺชติ เหตุปจฺจยาฯ อพฺยากตํ เหตุํ ธมฺมํ ปฏิจฺจ นอกุสโล นเหตุ ธมฺโม อุปฺปชฺชติ เหตุปจฺจยาฯ อพฺยากตํ เหตุํ ธมฺมํ ปฏิจฺจ นกุสโล นเหตุ จ นอกุสโล นเหตุ จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา เตรส, อารมฺมเณ นว…เป.… อวิคเต เตรสฯ

ปจฺจนียํ

นอารมฺมณปจฺจโย

[2] กุสลํ เหตุํ ธมฺมํ ปฏิจฺจ นกุสโล นเหตุ ธมฺโม อุปฺปชฺชติ นอารมฺมณปจฺจยาฯ (สํขิตฺตํฯ)

นอารมฺมเณ นว, นอธิปติยา เตรส…เป.… นวิปฺปยุตฺเต นวฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

เหตุ-อารมฺมณปจฺจยา

[3] กุสโล เหตุ ธมฺโม นกุสลสฺส นเหตุสฺส ธมฺมสฺส เหตุปจฺจเยน ปจฺจโยฯ กุสโล เหตุ ธมฺโม นอกุสลสฺส นเหตุสฺส ธมฺมสฺส เหตุปจฺจเยน ปจฺจโยฯ กุสโล เหตุ ธมฺโม นอพฺยากตสฺส นเหตุสฺส ธมฺมสฺส เหตุปจฺจเยน ปจฺจโยฯ กุสโล เหตุ ธมฺโม นอกุสลสฺส นเหตุสฺส จ นอพฺยากตสฺส นเหตุสฺส จ ธมฺมสฺส เหตุปจฺจเยน ปจฺจโยฯ กุสโล เหตุ ธมฺโม นกุสลสฺส นเหตุสฺส จ นอกุสลสฺส นเหตุสฺส จ ธมฺมสฺส เหตุปจฺจเยน ปจฺจโยฯ (5)

อกุสโล เหตุ ธมฺโม นอกุสลสฺส นเหตุสฺส ธมฺมสฺส เหตุปจฺจเยน ปจฺจโย… ปญฺจฯ

อพฺยากโต เหตุ ธมฺโม นกุสลสฺส นเหตุสฺส ธมฺมสฺส เหตุปจฺจเยน ปจฺจโย… ตีณิฯ

กุสโล เหตุ ธมฺโม นกุสลสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ)

[4] เหตุยา เตรส, อารมฺมเณ อฏฺฐารส…เป.… อวิคเต เตรสฯ (ปญฺหาวารํ วิตฺถาเรตพฺพํฯ)

[5] กุสลํ นเหตุํ ธมฺมํ ปฏิจฺจ นอกุสโล นนเหตุ ธมฺโม อุปฺปชฺชติ เหตุปจฺจยาฯ กุสลํ นเหตุํ ธมฺมํ ปฏิจฺจ นอพฺยากโต นนเหตุ ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา นว, อารมฺมเณ นว…เป.… อวิคเต นวฯ (สพฺพตฺถ นวฯ)

1-2. กุสลตฺติก-สเหตุกทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[6] กุสลํ สเหตุกํ ธมฺมํ ปฏิจฺจ นกุสโล นสเหตุโก ธมฺโม อุปฺปชฺชติ เหตุปจฺจยาฯ กุสลํ สเหตุกํ ธมฺมํ ปฏิจฺจ นอกุสโล นสเหตุโก ธมฺโม อุปฺปชฺชติ เหตุปจฺจยาฯ กุสลํ สเหตุกํ ธมฺมํ ปฏิจฺจ นกุสโล นสเหตุโก จ นอกุสโล นสเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ

อกุสลํ สเหตุกํ ธมฺมํ ปฏิจฺจ นอกุสโล นสเหตุโก ธมฺโม อุปฺปชฺชติ เหตุปจฺจยาฯ อกุสลํ สเหตุกํ ธมฺมํ ปฏิจฺจ นกุสโล นสเหตุโก ธมฺโม อุปฺปชฺชติ เหตุปจฺจยาฯ อกุสลํ สเหตุกํ ธมฺมํ ปฏิจฺจ นกุสโล นสเหตุโก จ นอกุสโล นสเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ

อพฺยากตํ สเหตุกํ ธมฺมํ ปฏิจฺจ นกุสโล นสเหตุโก ธมฺโม อุปฺปชฺชติ เหตุปจฺจยาฯ อพฺยากตํ สเหตุกํ ธมฺมํ ปฏิจฺจ นอกุสโล นสเหตุโก ธมฺโม อุปฺปชฺชติ เหตุปจฺจยาฯ อพฺยากตํ สเหตุกํ ธมฺมํ ปฏิจฺจ นกุสโล นสเหตุโก จ นอกุสโล นสเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ

เหตุยา นว, อารมฺมเณ ตีณิ…เป.… อวิคเต เอกาทสฯ (สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

[7] กุสโล สเหตุโก ธมฺโม นกุสลสฺส นสเหตุกสฺส ธมฺมสฺส เหตุปจฺจเยน ปจฺจโยฯ กุสโล สเหตุโก ธมฺโม นอกุสลสฺส นสเหตุกสฺส ธมฺมสฺส เหตุปจฺจเยน ปจฺจโยฯ กุสโล สเหตุโก ธมฺโม นกุสลสฺส นสเหตุกสฺส จ นอกุสลสฺส นสเหตุกสฺส จ ธมฺมสฺส เหตุปจฺจเยน ปจฺจโยฯ ตีณิฯ