สปฺปฏิฆญฺจ อปฺปฏิฆญฺจ ธมฺมํ ปฏิจฺจ นสปฺปฏิโฆ ธมฺโม อุปฺปชฺชติ เหตุปจฺจยาฯ สปฺปฏิฆญฺจ อปฺปฏิฆญฺจ ธมฺมํ ปฏิจฺจ นอปฺปฏิโฆ ธมฺโม อุปฺปชฺชติ เหตุปจฺจยาฯ สปฺปฏิฆญฺจ อปฺปฏิฆญฺจ ธมฺมํ ปฏิจฺจ นสปฺปฏิโฆ จ นอปฺปฏิโฆ จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา นวฯ (สพฺพตฺถ วิตฺถาโรฯ)

11. รูปีทุกํ

1-7. ปฏิจฺจวาราทิ

[13] รูปิํ ธมฺมํ ปฏิจฺจ นรูปี ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา นวฯ (สพฺพตฺถ วิตฺถาโรฯ)

12. โลกิยทุกํ

1-7. ปฏิจฺจวาราทิ

[14] โลกิยํ ธมฺมํ ปฏิจฺจ นโลกุตฺตโร ธมฺโม อุปฺปชฺชติ เหตุปจฺจยาฯ (1)

โลกุตฺตรํ ธมฺมํ ปฏิจฺจ นโลกุตฺตโร ธมฺโม อุปฺปชฺชติ เหตุปจฺจยาฯ โลกุตฺตรํ ธมฺมํ ปฏิจฺจ นโลกิโย ธมฺโม อุปฺปชฺชติ เหตุปจฺจยาฯ (โลกุตฺตรํ ธมฺมํ ปฏิจฺจ นโลกิโย จ นโลกุตฺตโร จ ธมฺมา อุปฺปชฺชนฺติ เหตุปจฺจยาฯ) [อยํ สงฺขฺยา วิจาเรตพฺพา, นโลกิยนโลกุตฺตรธมฺโม นาม นตฺถิ] (3)

โลกิยญฺจ โลกุตฺตรญฺจ ธมฺมํ ปฏิจฺจ นโลกุตฺตโร ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ปญฺจฯ (สพฺพตฺถ ปญฺจฯ)

13. เกนจิวิญฺเญยฺยทุกํ

1-7. ปฏิจฺจวาราทิ

[15] เกนจิ วิญฺเญยฺยํ ธมฺมํ ปฏิจฺจ นเกนจิ วิญฺเญยฺโย ธมฺโม อุปฺปชฺชติ เหตุปจฺจยาฯ เกนจิ วิญฺเญยฺยํ ธมฺมํ ปฏิจฺจ นนเกนจิ วิญฺเญยฺโย ธมฺโม อุปฺปชฺชติ เหตุปจฺจยาฯ เกนจิ วิญฺเญยฺยํ ธมฺมํ ปฏิจฺจ นเกนจิ วิญฺเญยฺโย จ นนเกนจิ วิญฺเญยฺโย จ ธมฺมา อุปฺปชฺชนฺติ เหตุปจฺจยาฯ (3)

นเกนจิ วิญฺเญยฺยํ ธมฺมํ ปฏิจฺจ นนเกนจิ วิญฺเญยฺโย ธมฺโม อุปฺปชฺชติ เหตุปจฺจยา… ตีณิฯ

เกนจิ วิญฺเญยฺยญฺจ นเกนจิ วิญฺเญยฺยญฺจ ธมฺมํ ปฏิจฺจ นเกนจิ วิญฺเญยฺโย ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ) เหตุยา นวฯ (สพฺพตฺถ นวฯ)

จูฬนฺตรทุกํ นิฏฺฐิตํฯ

14. อาสวทุกํ

1-7. ปฏิจฺจวาราทิ

[16] อาสวํ ธมฺมํ ปฏิจฺจ โนอาสโว ธมฺโม อุปฺปชฺชติ เหตุปจฺจยาฯ อาสวํ ธมฺมํ ปฏิจฺจ นโนอาสโว ธมฺโม อุปฺปชฺชติ เหตุปจฺจยาฯ อาสวํ ธมฺมํ ปฏิจฺจ โนอาสโว จ นโนอาสโว จ ธมฺมา อุปฺปชฺชนฺติ เหตุปจฺจยาฯ (3)

โนอาสวํ ธมฺมํ ปฏิจฺจ นโนอาสโว ธมฺโม อุปฺปชฺชติ เหตุปจฺจยาฯ โนอาสวํ ธมฺมํ ปฏิจฺจ โนอาสโว ธมฺโม อุปฺปชฺชติ เหตุปจฺจยาฯ โนอาสวํ ธมฺมํ ปฏิจฺจ โนอาสโว จ นโนอาสโว จ ธมฺมา อุปฺปชฺชนฺติ เหตุปจฺจยาฯ (3)

อาสวญฺจ โนอาสวญฺจ ธมฺมํ ปฏิจฺจ โนอาสโว ธมฺโม อุปฺปชฺชติ เหตุปจฺจยาฯ อาสวญฺจ โนอาสวญฺจ ธมฺมํ ปฏิจฺจ นโนอาสโว ธมฺโม อุปฺปชฺชติ เหตุปจฺจยาฯ อาสวญฺจ โนอาสวญฺจ ธมฺมํ ปฏิจฺจ โนอาสโว จ นโนอาสโว จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ) เหตุยา นวฯ (สพฺพตฺถ นวฯ)

15. สาสวทุกํ

1-7. ปฏิจฺจวาราทิ

[17] สาสวํ ธมฺมํ ปฏิจฺจ นอนาสโว ธมฺโม อุปฺปชฺชติ เหตุปจฺจยาฯ (1)

อนาสวํ ธมฺมํ ปฏิจฺจ นอนาสโว ธมฺโม อุปฺปชฺชติ เหตุปจฺจยาฯ อนาสวํ ธมฺมํ ปฏิจฺจ นสาสโว ธมฺโม อุปฺปชฺชติ เหตุปจฺจยาฯ อนาสวํ ธมฺมํ ปฏิจฺจ นสาสโว จ นอนาสโว จ ธมฺมา อุปฺปชฺชนฺติ เหตุปจฺจยาฯ (3)

สาสวญฺจ อนาสวญฺจ ธมฺมํ ปฏิจฺจ นอนาสโว ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ปญฺจฯ (สพฺพตฺถ วิตฺถาโรฯ)

16. อาสวสมฺปยุตฺตทุกํ