7. ปญฺหาวาโร
[45] อุปฺปนฺโน ธมฺโม นอนุปฺปนฺนสฺส ธมฺมสฺส เหตุปจฺจเยน ปจฺจโยฯ (สํขิตฺตํฯ)
เหตุยา ตีณิ, อารมฺมเณ นวฯ
18. อตีตตฺติกํ
7. ปญฺหาวาโร
[46] ปจฺจุปฺปนฺโน ธมฺโม นอตีตสฺส ธมฺมสฺส เหตุปจฺจเยน ปจฺจโยฯ (สํขิตฺตํฯ)
เหตุยา ตีณิ, อารมฺมเณ นวฯ
19. อตีตารมฺมณตฺติกํ
1-7. ปฏิจฺจวาราทิ
[47] อตีตารมฺมณํ ธมฺมํ ปฏิจฺจ นอตีตารมฺมโณ ธมฺโม อุปฺปชฺชติ เหตุปจฺจยาฯ อตีตารมฺมณํ ธมฺมํ ปฏิจฺจ นอนาคตารมฺมโณ ธมฺโม อุปฺปชฺชติ เหตุปจฺจยาฯ อตีตารมฺมณํ ธมฺมํ ปฏิจฺจ นปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยาฯ อตีตารมฺมณํ ธมฺมํ ปฏิจฺจ นอตีตารมฺมโณ จ นปจฺจุปฺปนฺนารมฺมโณ จ ธมฺมา อุปฺปชฺชนฺติ เหตุปจฺจยาฯ อตีตารมฺมณํ ธมฺมํ ปฏิจฺจ นอนาคตารมฺมโณ จ นปจฺจุปฺปนฺนารมฺมโณ จ ธมฺมา อุปฺปชฺชนฺติ เหตุปจฺจยาฯ อตีตารมฺมณํ ธมฺมํ ปฏิจฺจ นอตีตารมฺมโณ จ นอนาคตารมฺมโณ จ ธมฺมา อุปฺปชฺชนฺติ เหตุปจฺจยาฯ อตีตารมฺมณํ ธมฺมํ ปฏิจฺจ นอตีตารมฺมโณ จ นอนาคตารมฺมโณ จ นปจฺจุปฺปนฺนารมฺมโณ จ ธมฺมา อุปฺปชฺชนฺติ เหตุปจฺจยาฯ (7) (สํขิตฺตํฯ)
เหตุยา เอกวีส…เป.… อวิคเต เอกวีสฯ
20. อชฺฌตฺตตฺติกํ
1-7. ปฏิจฺจวาราทิ
[48] อชฺฌตฺตํ ธมฺมํ ปฏิจฺจ นพหิทฺธา ธมฺโม อุปฺปชฺชติ เหตุปจฺจยาฯ (1)
พหิทฺธา ธมฺมํ ปฏิจฺจ นอชฺฌตฺโต ธมฺโม อุปฺปชฺชติ เหตุปจฺจยา … เหตุยา ทฺเวฯ (สพฺพตฺถ วิตฺถาโรฯ)
21. อชฺฌตฺตารมฺมณตฺติกํ
1-7. ปฏิจฺจวาราทิ
[49] อชฺฌตฺตารมฺมณํ ธมฺมํ ปฏิจฺจ นอชฺฌตฺตารมฺมโณ ธมฺโม อุปฺปชฺชติ เหตุปจฺจยาฯ
เหตุยา ฉฯ
22. สนิทสฺสนตฺติกํ
1-7. ปฏิจฺจวาราทิ
1. ปจฺจยานุโลมํ
เหตุปจฺจโย
[50] อนิทสฺสนสปฺปฏิฆํ ธมฺมํ ปฏิจฺจ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ อนิทสฺสนสปฺปฏิฆํ ธมฺมํ ปฏิจฺจ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ อนิทสฺสนสปฺปฏิฆํ ธมฺมํ ปฏิจฺจ นอนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ อนิทสฺสนสปฺปฏิฆํ ธมฺมํ ปฏิจฺจ นสนิทสฺสนสปฺปฏิโฆ จ นอนิทสฺสนอปฺปฏิโฆ จ ธมฺมา อุปฺปชฺชนฺติ เหตุปจฺจยาฯ อนิทสฺสนสปฺปฏิฆํ ธมฺมํ ปฏิจฺจ นอนิทสฺสนสปฺปฏิโฆ จ นอนิทสฺสนอปฺปฏิโฆ จ ธมฺมา อุปฺปชฺชนฺติ เหตุปจฺจยาฯ อนิทสฺสนสปฺปฏิฆํ ธมฺมํ ปฏิจฺจ นสนิทสฺสนสปฺปฏิโฆ จ นอนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยาฯ (6)
อนิทสฺสนอปฺปฏิฆํ ธมฺมํ ปฏิจฺจ นอนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา… ฉฯ
อนิทสฺสนสปฺปฏิฆญฺจ อนิทสฺสนอปฺปฏิฆญฺจ ธมฺมํ ปฏิจฺจ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… ฉฯ (สํขิตฺตํฯ)
เหตุยา อฏฺฐารส, อารมฺมเณ ตีณิ…เป.… อวิคเต อฏฺฐารสฯ (สพฺพตฺถ วิตฺถาโรฯ สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํฯ)
