เหตุปจฺจโย

[43] มิจฺฉตฺตนิยตํ ธมฺมํ ปฏิจฺจ นมิจฺฉตฺตนิยโต ธมฺโม อุปฺปชฺชติ เหตุปจฺจยาฯ มิจฺฉตฺตนิยตํ ธมฺมํ ปฏิจฺจ นสมฺมตฺตนิยโต ธมฺโม อุปฺปชฺชติ เหตุปจฺจยา ฯ มิจฺฉตฺตนิยตํ ธมฺมํ ปฏิจฺจ นอนิยโต ธมฺโม อุปฺปชฺชติ เหตุปจฺจยาฯ มิจฺฉตฺตนิยตํ ธมฺมํ ปฏิจฺจ นสมฺมตฺตนิยโต จ นอนิยโต จ ธมฺมา อุปฺปชฺชนฺติ เหตุปจฺจยาฯ มิจฺฉตฺตนิยตํ ธมฺมํ ปฏิจฺจ นมิจฺฉตฺตนิยโต จ นสมฺมตฺตนิยโต จ ธมฺมา อุปฺปชฺชนฺติ เหตุปจฺจยาฯ (5)

สมฺมตฺตนิยตํ ธมฺมํ ปฏิจฺจ นสมฺมตฺตนิยโต ธมฺโม อุปฺปชฺชติ เหตุปจฺจยาฯ สมฺมตฺตนิยตํ ธมฺมํ ปฏิจฺจ นมิจฺฉตฺตนิยโต ธมฺโม อุปฺปชฺชติ เหตุปจฺจยาฯ สมฺมตฺตนิยตํ ธมฺมํ ปฏิจฺจ นอนิยโต ธมฺโม อุปฺปชฺชติ เหตุปจฺจยาฯ สมฺมตฺตนิยตํ ธมฺมํ ปฏิจฺจ นมิจฺฉตฺตนิยโต จ นอนิยโต จ ธมฺมา อุปฺปชฺชนฺติ เหตุปจฺจยาฯ สมฺมตฺตนิยตํ ธมฺมํ ปฏิจฺจ นมิจฺฉตฺตนิยโต จ นสมฺมตฺตนิยโต จ ธมฺมา อุปฺปชฺชนฺติ เหตุปจฺจยาฯ (5)

อนิยตํ ธมฺมํ ปฏิจฺจ นมิจฺฉตฺตนิยโต ธมฺโม อุปฺปชฺชติ เหตุปจฺจยา… ตีณิฯ

มิจฺฉตฺตนิยตญฺจ อนิยตญฺจ ธมฺมํ ปฏิจฺจ นมิจฺฉตฺตนิยโต ธมฺโม อุปฺปชฺชติ เหตุปจฺจยา… ตีณิฯ

สมฺมตฺตนิยตญฺจ อนิยตญฺจ ธมฺมํ ปฏิจฺจ นมิจฺฉตฺตนิยโต ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)

เหตุยา เอกูนวีสฯ (สพฺพตฺถ วิตฺถาเรตพฺพํฯ)

16. มคฺคารมฺมณตฺติกํ

1-7. ปฏิจฺจวาราทิ

[44] มคฺคารมฺมณํ ธมฺมํ ปฏิจฺจ นมคฺคารมฺมโณ ธมฺโม อุปฺปชฺชติ เหตุปจฺจยาฯ มคฺคารมฺมณํ ธมฺมํ ปฏิจฺจ นมคฺคเหตุโก ธมฺโม อุปฺปชฺชติ เหตุปจฺจยาฯ มคฺคารมฺมณํ ธมฺมํ ปฏิจฺจ นมคฺคาธิปติ ธมฺโม อุปฺปชฺชติ เหตุปจฺจยาฯ มคฺคารมฺมณํ ธมฺมํ ปฏิจฺจ นมคฺคารมฺมโณ จ นมคฺคาธิปติ จ ธมฺมา อุปฺปชฺชนฺติ เหตุปจฺจยาฯ มคฺคารมฺมณํ ธมฺมํ ปฏิจฺจ นมคฺคเหตุโก จ นมคฺคาธิปติ จ ธมฺมา อุปฺปชฺชนฺติ เหตุปจฺจยาฯ มคฺคารมฺมณํ ธมฺมํ ปฏิจฺจ นมคฺคารมฺมโณ จ นมคฺคเหตุโก จ ธมฺมา อุปฺปชฺชนฺติ เหตุปจฺจยาฯ มคฺคารมฺมณํ ธมฺมํ ปฏิจฺจ นมคฺคารมฺมโณ จ นมคฺคเหตุโก จ นมคฺคาธิปติ จ ธมฺมา อุปฺปชฺชนฺติ เหตุปจฺจยาฯ (7) (สํขิตฺตํฯ)

เหตุยา ปญฺจติํส…เป.… อวิคเต ปญฺจติํสฯ (สพฺพตฺถ วิตฺถาเรตพฺพํฯ)

17. อุปฺปนฺนตฺติกํ

7. ปญฺหาวาโร

[45] อุปฺปนฺโน ธมฺโม นอนุปฺปนฺนสฺส ธมฺมสฺส เหตุปจฺจเยน ปจฺจโยฯ (สํขิตฺตํฯ)

เหตุยา ตีณิ, อารมฺมเณ นวฯ

18. อตีตตฺติกํ

7. ปญฺหาวาโร

[46] ปจฺจุปฺปนฺโน ธมฺโม นอตีตสฺส ธมฺมสฺส เหตุปจฺจเยน ปจฺจโยฯ (สํขิตฺตํฯ)

เหตุยา ตีณิ, อารมฺมเณ นวฯ

19. อตีตารมฺมณตฺติกํ

1-7. ปฏิจฺจวาราทิ

[47] อตีตารมฺมณํ ธมฺมํ ปฏิจฺจ นอตีตารมฺมโณ ธมฺโม อุปฺปชฺชติ เหตุปจฺจยาฯ อตีตารมฺมณํ ธมฺมํ ปฏิจฺจ นอนาคตารมฺมโณ ธมฺโม อุปฺปชฺชติ เหตุปจฺจยาฯ อตีตารมฺมณํ ธมฺมํ ปฏิจฺจ นปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยาฯ อตีตารมฺมณํ ธมฺมํ ปฏิจฺจ นอตีตารมฺมโณ จ นปจฺจุปฺปนฺนารมฺมโณ จ ธมฺมา อุปฺปชฺชนฺติ เหตุปจฺจยาฯ อตีตารมฺมณํ ธมฺมํ ปฏิจฺจ นอนาคตารมฺมโณ จ นปจฺจุปฺปนฺนารมฺมโณ จ ธมฺมา อุปฺปชฺชนฺติ เหตุปจฺจยาฯ อตีตารมฺมณํ ธมฺมํ ปฏิจฺจ นอตีตารมฺมโณ จ นอนาคตารมฺมโณ จ ธมฺมา อุปฺปชฺชนฺติ เหตุปจฺจยาฯ อตีตารมฺมณํ ธมฺมํ ปฏิจฺจ นอตีตารมฺมโณ จ นอนาคตารมฺมโณ จ นปจฺจุปฺปนฺนารมฺมโณ จ ธมฺมา อุปฺปชฺชนฺติ เหตุปจฺจยาฯ (7) (สํขิตฺตํฯ)

เหตุยา เอกวีส…เป.… อวิคเต เอกวีสฯ

20. อชฺฌตฺตตฺติกํ

1-7. ปฏิจฺจวาราทิ

[48] อชฺฌตฺตํ ธมฺมํ ปฏิจฺจ นพหิทฺธา ธมฺโม อุปฺปชฺชติ เหตุปจฺจยาฯ (1)

พหิทฺธา ธมฺมํ ปฏิจฺจ นอชฺฌตฺโต ธมฺโม อุปฺปชฺชติ เหตุปจฺจยา … เหตุยา ทฺเวฯ (สพฺพตฺถ วิตฺถาโรฯ)

21. อชฺฌตฺตารมฺมณตฺติกํ