อปฺปมาณํ ธมฺมํ ปฏิจฺจ นมหคฺคโต ธมฺโม อุปฺปชฺชติ เหตุปจฺจยาฯ อปฺปมาณํ ธมฺมํ ปฏิจฺจ นมหคฺคโต จ นอปฺปมาโณ จ ธมฺมา อุปฺปชฺชนฺติ เหตุปจฺจยาฯ อปฺปมาณํ ธมฺมํ ปฏิจฺจ นปริตฺโต จ นมหคฺคโต จ ธมฺมา อุปฺปชฺชนฺติ เหตุปจฺจยาฯ (5)

ปริตฺตญฺจ อปฺปมาณญฺจ ธมฺมํ ปฏิจฺจ นมหคฺคโต ธมฺโม อุปฺปชฺชติ เหตุปจฺจยาฯ ปริตฺตญฺจ อปฺปมาณญฺจ ธมฺมํ ปฏิจฺจ นอปฺปมาโณ ธมฺโม อุปฺปชฺชติ เหตุปจฺจยาฯ ปริตฺตญฺจ อปฺปมาณญฺจ ธมฺมํ ปฏิจฺจ นมหคฺคโต จ นอปฺปมาโณ จ ธมฺมา อุปฺปชฺชนฺติ เหตุปจฺจยาฯ (3)

ปริตฺตญฺจ มหคฺคตญฺจ ธมฺมํ ปฏิจฺจ นปริตฺโต ธมฺโม อุปฺปชฺชติ เหตุปจฺจยาฯ ปริตฺตญฺจ มหคฺคตญฺจ ธมฺมํ ปฏิจฺจ นมหคฺคโต ธมฺโม อุปฺปชฺชติ เหตุปจฺจยาฯ ปริตฺตญฺจ มหคฺคตญฺจ ธมฺมํ ปฏิจฺจ นอปฺปมาโณ ธมฺโม อุปฺปชฺชติ เหตุปจฺจยาฯ ปริตฺตญฺจ มหคฺคตญฺจ ธมฺมํ ปฏิจฺจ นปริตฺโต จ นอปฺปมาโณ จ ธมฺมา อุปฺปชฺชนฺติ เหตุปจฺจยาฯ ปริตฺตญฺจ มหคฺคตญฺจ ธมฺมํ ปฏิจฺจ นมหคฺคโต จ นอปฺปมาโณ จ ธมฺมา อุปฺปชฺชนฺติ เหตุปจฺจยาฯ (5) (สํขิตฺตํฯ)

เหตุยา เตวีส, อารมฺมเณ จุทฺทสฯ (สพฺพตฺถ วิตฺถาเรตพฺพํฯ)

13. ปริตฺตารมฺมณตฺติกํ

1-7. ปฏิจฺจวาราทิ

[41] ปริตฺตารมฺมณํ ธมฺมํ ปฏิจฺจ นปริตฺตารมฺมโณ ธมฺโม อุปฺปชฺชติ เหตุปจฺจยา…ฯ

เหตุยา เอกวีส…เป.… อวิคเต เอกวีสฯ

14. หีนตฺติกํ

1-7. ปฏิจฺจวาราทิ

[42] หีนํ ธมฺมํ ปฏิจฺจ นหีโน ธมฺโม อุปฺปชฺชติ เหตุปจฺจยาฯ (สํกิลิฏฺฐสํกิเลสิกตฺติกสทิสํฯ)

เหตุยา เอกูนวีส…เป.… อวิคเต เอกูนวีสฯ

15. มิจฺฉตฺตตฺติกํ

1-7. ปฏิจฺจวาราทิ

1. ปจฺจยานุโลมํ