เมนู

เนวทสฺสเนน นภาวนาย ปหาตพฺพํ ธมฺมํ ปฏิจฺจ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิฯ

ทสฺสเนน ปหาตพฺพญฺจ เนวทสฺสเนน นภาวนาย ปหาตพฺพญฺจ ธมฺมํ ปฏิจฺจ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิฯ

ภาวนาย ปหาตพฺพญฺจ เนวทสฺสเนน นภาวนาย ปหาตพฺพญฺจ ธมฺมํ ปฏิจฺจ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)

เหตุยา เอกูนวีส…เป.… อวิคเต เอกูนวีสฯ (สหชาตวารมฺปิ…เป.… สมฺปยุตฺตวารมฺปิ ปญฺหาวารมฺปิ วิตฺถาเรตพฺพํฯ)

9. ทสฺสนเหตุตฺติกํ

1-7. ปฏิจฺจวาราทิ

[37] ทสฺสเนน ปหาตพฺพเหตุกํ ธมฺมํ ปฏิจฺจ นทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา ฉพฺพีส…เป.… อวิคเต ฉพฺพีสฯ (วิตฺถาเรตพฺพํฯ)

10. อาจยคามิตฺติกํ

1-7. ปฏิจฺจวาราทิ

1. ปจฺจยานุโลมํ

เหตุปจฺจโย

[38] อาจยคามิํ ธมฺมํ ปฏิจฺจ นอาจยคามี ธมฺโม อุปฺปชฺชติ เหตุปจฺจยาฯ อาจยคามิํ ธมฺมํ ปฏิจฺจ นอปจยคามี ธมฺโม อุปฺปชฺชติ เหตุปจฺจยาฯ อาจยคามิํ ธมฺมํ ปฏิจฺจ นเนวาจยคามินาปจยคามี ธมฺโม อุปฺปชฺชติ เหตุปจฺจยาฯ อาจยคามิํ ธมฺมํ ปฏิจฺจ นอปจยคามี จ นเนวาจยคามินาปจยคามี จ ธมฺมา อุปฺปชฺชนฺติ เหตุปจฺจยาฯ อาจยคามิํ ธมฺมํ ปฏิจฺจ นอาจยคามี จ นอปจยคามี จ ธมฺมา อุปฺปชฺชนฺติ เหตุปจฺจยาฯ (5)

อปจยคามิํ ธมฺมํ ปฏิจฺจ นอปจยคามี ธมฺโม อุปฺปชฺชติ เหตุปจฺจยาฯ อปจยคามิํ ธมฺมํ ปฏิจฺจ นอาจยคามี ธมฺโม อุปฺปชฺชติ เหตุปจฺจยาฯ อปจยคามิํ ธมฺมํ ปฏิจฺจ นเนวาจยคามินาปจยคามี ธมฺโม อุปฺปชฺชติ เหตุปจฺจยาฯ อปจยคามิํ ธมฺมํ ปฏิจฺจ นอาจยคามี จ นเนวาจยคามินาปจยคามี จ ธมฺมา อุปฺปชฺชนฺติ เหตุปจฺจยาฯ อปจยคามิํ ธมฺมํ ปฏิจฺจ นอาจยคามี จ นอปจยคามี จ ธมฺมา อุปฺปชฺชนฺติ เหตุปจฺจยาฯ (5)

เนวาจยคามินาปจยคามิํ ธมฺมํ ปฏิจฺจ นอาจยคามี ธมฺโม อุปฺปชฺชติ เหตุปจฺจยาฯ เนวาจยคามินาปจยคามิํ ธมฺมํ ปฏิจฺจ นอปจยคามี ธมฺโม อุปฺปชฺชติ เหตุปจฺจยาฯ เนวาจยคามินาปจยคามิํ ธมฺมํ ปฏิจฺจ นอาจยคามี จ นอปจยคามี จ ธมฺมา อุปฺปชฺชนฺติ เหตุปจฺจยาฯ (3)

อาจยคามิญฺจ เนวาจยคามินาปจยคามิญฺจ ธมฺมํ ปฏิจฺจ นอาจยคามี ธมฺโม อุปฺปชฺชติ เหตุปจฺจยาฯ อาจยคามิญฺจ เนวาจยคามินาปจยคามิญฺจ ธมฺมํ ปฏิจฺจ นอปจยคามี ธมฺโม อุปฺปชฺชติ เหตุปจฺจยาฯ อาจยคามิญฺจ เนวาจยคามินาปจยคามิญฺจ ธมฺมํ ปฏิจฺจ นอาจยคามี จ นอปจยคามี จ ธมฺมา อุปฺปชฺชนฺติ เหตุปจฺจยาฯ (3)

อปจยคามิญฺจ เนวาจยคามินาปจยคามิญฺจ ธมฺมํ ปฏิจฺจ นอาจยคามี ธมฺโม อุปฺปชฺชติ เหตุปจฺจยาฯ อปจยคามิญฺจ เนวาจยคามินาปจยคามิญฺจ ธมฺมํ ปฏิจฺจ นอปจยคามี ธมฺโม อุปฺปชฺชติ เหตุปจฺจยาฯ อปจยคามิญฺจ เนวาจยคามินาปจยคามิญฺจ ธมฺมํ ปฏิจฺจ นอาจยคามี จ นอปจยคามี จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา เอกูนวีสฯ (สพฺพตฺถ วิตฺถาโรฯ)

11. เสกฺขตฺติกํ

1-7. ปฏิจฺจวาราทิ

1. ปจฺจยานุโลมํ

เหตุปจฺจโย

[39] เสกฺขํ ธมฺมํ ปฏิจฺจ นเสกฺโข ธมฺโม อุปฺปชฺชติ เหตุปจฺจยาฯ เสกฺขํ ธมฺมํ ปฏิจฺจ นอเสกฺโข ธมฺโม อุปฺปชฺชติ เหตุปจฺจยาฯ เสกฺขํ ธมฺมํ ปฏิจฺจ นเนวเสกฺขนาเสกฺโข ธมฺโม อุปฺปชฺชติ เหตุปจฺจยาฯ เสกฺขํ ธมฺมํ ปฏิจฺจ นอเสกฺโข จ นเนวเสกฺขนาเสกฺโข จ ธมฺมา อุปฺปชฺชนฺติ เหตุปจฺจยาฯ เสกฺขํ ธมฺมํ ปฏิจฺจ นเสกฺโข จ นอเสกฺโข จ ธมฺมา อุปฺปชฺชนฺติ เหตุปจฺจยาฯ (5)

อเสกฺขํ ธมฺมํ ปฏิจฺจ นอเสกฺโข ธมฺโม อุปฺปชฺชติ เหตุปจฺจยาฯ อเสกฺขํ ธมฺมํ ปฏิจฺจ นเสกฺโข ธมฺโม อุปฺปชฺชติ เหตุปจฺจยาฯ อเสกฺขํ ธมฺมํ ปฏิจฺจ นเนวเสกฺขนาเสกฺโข ธมฺโม อุปฺปชฺชติ เหตุปจฺจยาฯ อเสกฺขํ ธมฺมํ ปฏิจฺจ นเสกฺโข จ นเนวเสกฺขนาเสกฺโข จ ธมฺมา อุปฺปชฺชนฺติ เหตุปจฺจยาฯ อเสกฺขํ ธมฺมํ ปฏิจฺจ นเสกฺโข จ นอเสกฺโข จ ธมฺมา อุปฺปชฺชนฺติ เหตุปจฺจยา ฯ (5)