เมนู

เหตุปจฺจโย

[35] ปีติสหคตํ ธมฺมํ ปฏิจฺจ นปีติสหคโต ธมฺโม อุปฺปชฺชติ เหตุปจฺจยาฯ ปีติสหคตํ ธมฺมํ ปฏิจฺจ นสุขสหคโต ธมฺโม อุปฺปชฺชติ เหตุปจฺจยาฯ ปีติสหคตํ ธมฺมํ ปฏิจฺจ นอุเปกฺขาสหคโต ธมฺโม อุปฺปชฺชติ เหตุปจฺจยาฯ ปีติสหคตํ ธมฺมํ ปฏิจฺจ นปีติสหคโต จ นอุเปกฺขาสหคโต จ ธมฺมา อุปฺปชฺชนฺติ เหตุปจฺจยาฯ ปีติสหคตํ ธมฺมํ ปฏิจฺจ นสุขสหคโต จ นอุเปกฺขาสหคโต จ ธมฺมา อุปฺปชฺชนฺติ เหตุปจฺจยาฯ ปีติสหคตํ ธมฺมํ ปฏิจฺจ นปีติสหคโต จ นสุขสหคโต จ ธมฺมา อุปฺปชฺชนฺติ เหตุปจฺจยาฯ ปีติสหคตํ ธมฺมํ ปฏิจฺจ นปีติสหคโต จ นสุขสหคโต จ นอุเปกฺขาสหคโต จ ธมฺมา อุปฺปชฺชนฺติ เหตุปจฺจยาฯ (7)

สุขสหคตํ ธมฺมํ ปฏิจฺจ นสุขสหคโต ธมฺโม อุปฺปชฺชติ เหตุปจฺจยา…เป.… สตฺตฯ

อุเปกฺขาสหคตํ ธมฺมํ ปฏิจฺจ นอุเปกฺขาสหคโต ธมฺโม อุปฺปชฺชติ เหตุปจฺจยา…เป.… สตฺตฯ

ปีติสหคตญฺจ สุขสหคตญฺจ ธมฺมํ ปฏิจฺจ นปีติสหคโต ธมฺโม อุปฺปชฺชติ เหตุปจฺจยา…เป.… สตฺตฯ (สํขิตฺตํฯ)

เหตุยา อฏฺฐวีส, อารมฺมเณ จตุวีส…เป.… อวิคเต อฏฺฐวีสฯ

(สหชาตวารมฺปิ…เป.… สมฺปยุตฺตวารมฺปิ ปญฺหาวารมฺปิ สพฺพตฺถ วิตฺถาเรตพฺพํ)ฯ

8. ทสฺสนตฺติกํ

1-7. ปฏิจฺจวาราทิ

1. ปจฺจยานุโลมํ

เหตุปจฺจโย

[36] ทสฺสเนน ปหาตพฺพํ ธมฺมํ ปฏิจฺจ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยาฯ ทสฺสเนน ปหาตพฺพํ ธมฺมํ ปฏิจฺจ นภาวนาย ปหาตพฺโพ ธมฺโม อุปฺปชฺชติ เหตุปจฺจยาฯ ทสฺสเนน ปหาตพฺพํ ธมฺมํ ปฏิจฺจ นเนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยาฯ ทสฺสเนน ปหาตพฺพํ ธมฺมํ ปฏิจฺจ นภาวนาย ปหาตพฺโพ จ นเนวทสฺสเนน นภาวนาย ปหาตพฺโพ จ ธมฺมา อุปฺปชฺชนฺติ เหตุปจฺจยาฯ ทสฺสเนน ปหาตพฺพํ ธมฺมํ ปฏิจฺจ นทสฺสเนน ปหาตพฺโพ จ นภาวนาย ปหาตพฺโพ จ ธมฺมา อุปฺปชฺชนฺติ เหตุปจฺจยาฯ (5)

ภาวนาย ปหาตพฺพํ ธมฺมํ ปฏิจฺจ นภาวนาย ปหาตพฺโพ ธมฺโม อุปฺปชฺชติ เหตุปจฺจยา… ปญฺจฯ

เนวทสฺสเนน นภาวนาย ปหาตพฺพํ ธมฺมํ ปฏิจฺจ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิฯ

ทสฺสเนน ปหาตพฺพญฺจ เนวทสฺสเนน นภาวนาย ปหาตพฺพญฺจ ธมฺมํ ปฏิจฺจ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิฯ

ภาวนาย ปหาตพฺพญฺจ เนวทสฺสเนน นภาวนาย ปหาตพฺพญฺจ ธมฺมํ ปฏิจฺจ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)

เหตุยา เอกูนวีส…เป.… อวิคเต เอกูนวีสฯ (สหชาตวารมฺปิ…เป.… สมฺปยุตฺตวารมฺปิ ปญฺหาวารมฺปิ วิตฺถาเรตพฺพํฯ)

9. ทสฺสนเหตุตฺติกํ

1-7. ปฏิจฺจวาราทิ

[37] ทสฺสเนน ปหาตพฺพเหตุกํ ธมฺมํ ปฏิจฺจ นทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา ฉพฺพีส…เป.… อวิคเต ฉพฺพีสฯ (วิตฺถาเรตพฺพํฯ)

10. อาจยคามิตฺติกํ

1-7. ปฏิจฺจวาราทิ

1. ปจฺจยานุโลมํ

เหตุปจฺจโย

[38] อาจยคามิํ ธมฺมํ ปฏิจฺจ นอาจยคามี ธมฺโม อุปฺปชฺชติ เหตุปจฺจยาฯ อาจยคามิํ ธมฺมํ ปฏิจฺจ นอปจยคามี ธมฺโม อุปฺปชฺชติ เหตุปจฺจยาฯ อาจยคามิํ ธมฺมํ ปฏิจฺจ นเนวาจยคามินาปจยคามี ธมฺโม อุปฺปชฺชติ เหตุปจฺจยาฯ อาจยคามิํ ธมฺมํ ปฏิจฺจ นอปจยคามี จ นเนวาจยคามินาปจยคามี จ ธมฺมา อุปฺปชฺชนฺติ เหตุปจฺจยาฯ อาจยคามิํ ธมฺมํ ปฏิจฺจ นอาจยคามี จ นอปจยคามี จ ธมฺมา อุปฺปชฺชนฺติ เหตุปจฺจยาฯ (5)

อปจยคามิํ ธมฺมํ ปฏิจฺจ นอปจยคามี ธมฺโม อุปฺปชฺชติ เหตุปจฺจยาฯ อปจยคามิํ ธมฺมํ ปฏิจฺจ นอาจยคามี ธมฺโม อุปฺปชฺชติ เหตุปจฺจยาฯ อปจยคามิํ ธมฺมํ ปฏิจฺจ นเนวาจยคามินาปจยคามี ธมฺโม อุปฺปชฺชติ เหตุปจฺจยาฯ อปจยคามิํ ธมฺมํ ปฏิจฺจ นอาจยคามี จ นเนวาจยคามินาปจยคามี จ ธมฺมา อุปฺปชฺชนฺติ เหตุปจฺจยาฯ อปจยคามิํ ธมฺมํ ปฏิจฺจ นอาจยคามี จ นอปจยคามี จ ธมฺมา อุปฺปชฺชนฺติ เหตุปจฺจยาฯ (5)