อนุปาทินฺนุปาทานิโย ธมฺโม นอุปาทินฺนุปาทานิยสฺส จ นอนุปาทินฺนอนุปาทานิยสฺส จ ธมฺมสฺส อารมฺมณปจฺจเยน ปจฺจโยฯ อนุปาทินฺนุปาทานิโย ธมฺโม นอนุปาทินฺนุปาทานิยสฺส จ นอนุปาทินฺนอนุปาทานิยสฺส จ ธมฺมสฺส อารมฺมณปจฺจเยน ปจฺจโยฯ (5)

อนุปาทินฺนอนุปาทานิโย ธมฺโม นอนุปาทินฺนอนุปาทานิยสฺส ธมฺมสฺส อารมฺมณปจฺจเยน ปจฺจโย…เป.… ปญฺจฯ (สํขิตฺตํฯ)

[30] เหตุยา เตรส, อารมฺมเณ ปนฺนรส, อธิปติยา เอกาทสฯ (ปญฺหาวารมฺปิ วิตฺถาเรตพฺพํฯ)

5. สํกิลิฏฺฐตฺติกํ

1-7. ปฏิจฺจวาราทิ

1. ปจฺจยานุโลมํ

เหตุปจฺจโย

[31] สํกิลิฏฺฐสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ สํกิลิฏฺฐสํกิเลสิกํ ธมฺมํ ปฏิจฺจ นอสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ สํกิลิฏฺฐสํกิเลสิกํ ธมฺมํ ปฏิจฺจ นอสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยาฯ สํกิลิฏฺฐสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก จ นอสํกิลิฏฺฐอสํกิเลสิโก จ ธมฺมา อุปฺปชฺชนฺติ เหตุปจฺจยาฯ สํกิลิฏฺฐสํกิเลสิกํ ธมฺมํ ปฏิจฺจ นอสํกิลิฏฺฐสํกิเลสิโก จ นอสํกิลิฏฺฐอสํกิเลสิโก จ ธมฺมา อุปฺปชฺชนฺติ เหตุปจฺจยา ฯ (5)

อสํกิลิฏฺฐสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ อสํกิลิฏฺฐสํกิเลสิกํ ธมฺมํ ปฏิจฺจ นอสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยาฯ อสํกิลิฏฺฐสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก จ นอสํกิลิฏฺฐอสํกิเลสิโก จ ธมฺมา อุปฺปชฺชนฺติ เหตุปจฺจยาฯ (3)

อสํกิลิฏฺฐอสํกิเลสิกํ ธมฺมํ ปฏิจฺจ นอสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยาฯ อสํกิลิฏฺฐอสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ

อสํกิลิฏฺฐอสํกิเลสิกํ ธมฺมํ ปฏิจฺจ นอสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา ฯ อสํกิลิฏฺฐอสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก จ นอสํกิลิฏฺฐอสํกิเลสิโก จ ธมฺมา อุปฺปชฺชนฺติ เหตุปจฺจยาฯ อสํกิลิฏฺฐอสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก จ นอสํกิลิฏฺฐสํกิเลสิโก จ ธมฺมา อุปฺปชฺชนฺติ เหตุปจฺจยาฯ (5)

อสํกิลิฏฺฐสํกิเลสิกญฺจ อสํกิลิฏฺฐอสํกิเลสิกญฺจ ธมฺมํ ปฏิจฺจ นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… ตีณิฯ

สํกิลิฏฺฐสํกิเลสิกญฺจ อสํกิลิฏฺฐสํกิเลสิกญฺจ ธมฺมํ ปฏิจฺจ นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา…เป.… ตีณิ ฯ (สํขิตฺตํฯ)

เหตุยา เอกูนวีส, อารมฺมเณ นว…เป.… อวิคเต เอกูนวีสฯ (สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ วิตฺถาเรตพฺพํฯ ปญฺหาวาเร น สทิสํฯ)

[32] เหตุยา เตรส, อารมฺมเณ ปนฺนรส, อธิปติยา ปนฺนรส, อนนฺตเร โสฬส…เป.… ปุเรชาเต ฉ, ปจฺฉาชาเต นว, อาเสวเน อฏฺฐ, กมฺเม เตรส, วิปาเก อฏฺฐ, อาหาเร เตรส…เป.… มคฺเค เตรส, วิปฺปยุตฺเต ทฺวาทส…เป.… อวิคเต ฉพฺพีสฯ

6. วิตกฺกตฺติกํ

1-7. ปฏิจฺจวาราทิ

1. ปจฺจยานุโลมํ

เหตุปจฺจโย

[33] สวิตกฺกสวิจารํ ธมฺมํ ปฏิจฺจ นสวิตกฺกสวิจาโร ธมฺโม อุปฺปชฺชติ เหตุปจฺจยาฯ สวิตกฺกสวิจารํ ธมฺมํ ปฏิจฺจ นอวิตกฺกวิจารมตฺโต ธมฺโม อุปฺปชฺชติ เหตุปจฺจยาฯ สวิตกฺกสวิจารํ ธมฺมํ ปฏิจฺจ นอวิตกฺกอวิจาโร ธมฺโม อุปฺปชฺชติ เหตุปจฺจยาฯ สวิตกฺกสวิจารํ ธมฺมํ ปฏิจฺจ นสวิตกฺกสวิจาโร จ นอวิตกฺกอวิจาโร จ ธมฺมา อุปฺปชฺชนฺติ เหตุปจฺจยาฯ สวิตกฺกสวิจารํ ธมฺมํ ปฏิจฺจ นอวิตกฺกวิจารมตฺโต จ นอวิตกฺกอวิจาโร จ ธมฺมา อุปฺปชฺชนฺติ เหตุปจฺจยาฯ สวิตกฺกสวิจารํ ธมฺมํ ปฏิจฺจ นสวิตกฺกสวิจาโร จ นอวิตกฺกวิจารมตฺโต จ ธมฺมา อุปฺปชฺชนฺติ เหตุปจฺจยาฯ สวิตกฺกสวิจารํ ธมฺมํ ปฏิจฺจ นสวิตกฺกสวิจาโร จ นอวิตกฺกวิจารมตฺโต จ นอวิตกฺกอวิจาโร จ ธมฺมา อุปฺปชฺชนฺติ เหตุปจฺจยาฯ (7)