เมนู

อุปาทินฺนุปาทานิยญฺจ อนุปาทินฺนุปาทานิยญฺจ ธมฺมํ ปฏิจฺจ นอุปาทินฺนุปาทานิโย จ นอนุปาทินฺนอนุปาทานิโย จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

[27] เหตุยา เอกูนวีส, อารมฺมเณ นว, อธิปติยา เอกาทส…เป.… สหชาเต เอกูนวีสฯ (สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ วิตฺถาเรตพฺพํฯ)

4. อุปาทินฺนตฺติกํ

7. ปญฺหาวาโร

ปจฺจยจตุกฺกํ

เหตุ-อารมฺมณปจฺจยา

[28] อุปาทินฺนุปาทานิโย ธมฺโม นอุปาทินฺนุปาทานิยสฺส ธมฺมสฺส เหตุปจฺจเยน ปจฺจโยฯ อุปาทินฺนุปาทานิโย ธมฺโม นอนุปาทินฺนุปาทานิยสฺส ธมฺมสฺส เหตุปจฺจเยน ปจฺจโย…เป.…ฯ

[29] อุปาทินฺนุปาทานิโย ธมฺโม นอุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโยฯ อุปาทินฺนุปาทานิโย ธมฺโม นอนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโยฯ อุปาทินฺนุปาทานิโย ธมฺโม นอนุปาทินฺนอนุปาทานิยสฺส ธมฺมสฺส อารมฺมณปจฺจเยน ปจฺจโยฯ อุปาทินฺนุปาทานิโย ธมฺโม นอุปาทินฺนุปาทานิยสฺส จ นอนุปาทินฺนอนุปาทานิยสฺส จ ธมฺมสฺส อารมฺมณปจฺจเยน ปจฺจโยฯ อุปาทินฺนุปาทานิโย ธมฺโม นอนุปาทินฺนุปาทานิยสฺส จ นอนุปาทินฺนอนุปาทานิยสฺส จ ธมฺมสฺส อารมฺมณปจฺจเยน ปจฺจโยฯ (5)

อนุปาทินฺนุปาทานิโย ธมฺโม นอนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโยฯ อนุปาทินฺนุปาทานิโย ธมฺโม นอุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโยฯ อนุปาทินฺนุปาทานิโย ธมฺโม นอนุปาทินฺนอนุปาทานิยสฺส ธมฺมสฺส อารมฺมณปจฺจเยน ปจฺจโยฯ