(สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ วิตฺถาเรตพฺพํฯ)
3. วิปากตฺติกํ
7. ปญฺหาวาโร
ปจฺจยจตุกฺกํ
เหตุ-อารมฺมณปจฺจยา
[23] วิปาโก ธมฺโม นวิปากสฺส ธมฺมสฺส เหตุปจฺจเยน ปจฺจโยฯ วิปาโก ธมฺโม นวิปากธมฺมธมฺมสฺส เหตุปจฺจเยน ปจฺจโยฯ วิปาโก ธมฺโม นเนววิปากนวิปากธมฺมธมฺมสฺส เหตุปจฺจเยน ปจฺจโยฯ วิปาโก ธมฺโม นวิปากธมฺมธมฺมสฺส จ นเนววิปากนวิปากธมฺมธมฺมสฺส จ ธมฺมสฺส เหตุปจฺจเยน ปจฺจโยฯ วิปาโก ธมฺโม นวิปากสฺส จ นวิปากธมฺมธมฺมสฺส จ ธมฺมสฺส เหตุปจฺจเยน ปจฺจโยฯ (5)
[24] วิปาโก ธมฺโม นวิปากสฺส ธมฺมสฺส อารมฺมณปจฺจเยน ปจฺจโยฯ วิปาโก ธมฺโม นวิปากธมฺมธมฺมสฺส อารมฺมณปจฺจเยน ปจฺจโยฯ วิปาโก ธมฺโม นเนววิปากนวิปากธมฺมธมฺมสฺส อารมฺมณปจฺจเยน ปจฺจโยฯ วิปาโก ธมฺโม นวิปากสฺส จ นเนววิปากนวิปากธมฺมธมฺมสฺส จ ธมฺมสฺส อารมฺมณปจฺจเยน ปจฺจโยฯ วิปาโก ธมฺโม นวิปากธมฺมธมฺมสฺส จ นเนววิปากนวิปากธมฺมธมฺมสฺส จ ธมฺมสฺส อารมฺมณปจฺจเยน ปจฺจโยฯ วิปาโก ธมฺโม นวิปากสฺส จ นวิปากธมฺมธมฺมสฺส จ ธมฺมสฺส อารมฺมณปจฺจเยน ปจฺจโยฯ (6)
วิปากธมฺมธมฺโม นวิปากธมฺมธมฺมสฺส อารมฺมณปจฺจเยน ปจฺจโยฯ วิปากธมฺมธมฺโม นวิปากสฺส ธมฺมสฺส อารมฺมณปจฺจเยน ปจฺจโยฯ วิปากธมฺมธมฺโม นเนววิปากนวิปากธมฺมธมฺมสฺส อารมฺมณปจฺจเยน ปจฺจโยฯ วิปากธมฺมธมฺโม นวิปากสฺส จ นเนววิปากนวิปากธมฺมธมฺมสฺส จ ธมฺมสฺส อารมฺมณปจฺจเยน ปจฺจโยฯ วิปากธมฺมธมฺโม นวิปากธมฺมธมฺมสฺส จ นเนววิปากนวิปากธมฺมธมฺมสฺส จ ธมฺมสฺส อารมฺมณปจฺจเยน ปจฺจโยฯ วิปากธมฺมธมฺโม นวิปากสฺส จ นวิปากธมฺมธมฺมสฺส จ ธมฺมสฺส อารมฺมณปจฺจเยน ปจฺจโยฯ (6)
เนววิปากนวิปากธมฺมธมฺโม นเนววิปากนวิปากธมฺมธมฺมสฺส อารมฺมณปจฺจเยน ปจฺจโย…เป.… ฉฯ (สํขิตฺตํฯ)