ปจฺจยจตุกฺกํ

[58] อกุสลํ หีนํ ธมฺมํ ปฏิจฺจ อกุสโล หีโน ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา เอกํ…เป.… อวิคเต เอกํฯ (สํขิตฺตํฯ สพฺพตฺถ วิตฺถาโรฯ)

[59] กุสลํ มชฺฌิมํ ธมฺมํ ปฏิจฺจ กุสโล มชฺฌิโม ธมฺโม อุปฺปชฺชติ เหตุปจฺจยาฯ กุสลํ มชฺฌิมํ ธมฺมํ ปฏิจฺจ อพฺยากโต มชฺฌิโม ธมฺโม อุปฺปชฺชติ เหตุปจฺจยาฯ กุสลํ มชฺฌิมํ ธมฺมํ ปฏิจฺจ กุสโล มชฺฌิโม จ อพฺยากโต มชฺฌิโม จ ธมฺมา อุปฺปชฺชนฺติ เหตุปจฺจยาฯ (3)

อพฺยากตํ มชฺฌิมํ ธมฺมํ ปฏิจฺจ อพฺยากโต มชฺฌิโม ธมฺโม อุปฺปชฺชติ เหตุปจฺจยาฯ (1)

กุสลํ มชฺฌิมญฺจ อพฺยากตํ มชฺฌิมญฺจ ธมฺมํ ปฏิจฺจ อพฺยากโต มชฺฌิโม ธมฺโม อุปฺปชฺชติ เหตุปจฺจยาฯ (1)

กุสลํ มชฺฌิมํ ธมฺมํ ปฏิจฺจ กุสโล มชฺฌิโม ธมฺโม อุปฺปชฺชติ อารมฺมณปจฺจยาฯ (1)

อพฺยากตํ มชฺฌิมํ ธมฺมํ ปฏิจฺจ อพฺยากโต มชฺฌิโม ธมฺโม อุปฺปชฺชติ อารมฺมณปจฺจยาฯ (1) (สํขิตฺตํฯ)

เหตุยา ปญฺจ, อารมฺมเณ ทฺเว, อวิคเต ปญฺจฯ (สํขิตฺตํฯ สหชาตวารมฺปิ …เป.… สมฺปยุตฺตวารมฺปิ ปฏิจฺจวารสทิสํฯ)

[60] กุสโล มชฺฌิโม ธมฺโม กุสลสฺส มชฺฌิมสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต มชฺฌิโม ธมฺโม อพฺยากตสฺส มชฺฌิมสฺส ธมฺมสฺส เหตุปจฺจเยน ปจฺจโยฯ (1)

กุสโล มชฺฌิโม ธมฺโม กุสลสฺส มชฺฌิมสฺส ธมฺมสฺส อารมฺมณปจฺจเยน ปจฺจโยฯ กุสโล มชฺฌิโม ธมฺโม อพฺยากตสฺส มชฺฌิมสฺส ธมฺมสฺส อารมฺมณปจฺจเยน ปจฺจโยฯ (2)