เมนู

ปจฺจยจตุกฺกํ

[44] กุสลํ อาจยคามิํ ธมฺมํ ปฏิจฺจ กุสโล อาจยคามี ธมฺโม อุปฺปชฺชติ เหตุปจฺจยาฯ (1)

อกุสลํ อาจยคามิํ ธมฺมํ ปฏิจฺจ อกุสโล อาจยคามี ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ทฺเว…เป.… อวิคเต ทฺเวฯ (สํขิตฺตํฯ)

(สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

[45] กุสลํ อปจยคามิํ ธมฺมํ ปฏิจฺจ กุสโล อปจยคามี ธมฺโม อุปฺปชฺชติ เหตุปจฺจยาฯ (สํขิตฺตํฯ ปฏิจฺจวาเรปิ…เป.… ปญฺหาวาเรปิ สพฺพตฺถ เอกํฯ)

[46] อพฺยากตํ เนวาจยคามินาปจยคามิํ ธมฺมํ ปฏิจฺจ อพฺยากโต เนวาจยคามินาปจยคามี ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา เอกํ…เป.… อวิคเต เอกํฯ (สํขิตฺตํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

1-10. กุสลตฺติก-เสกฺขตฺติกํ

1-7. ปฏิจฺจวาราทิ

ปจฺจยจตุกฺกํ

[47] กุสลํ เสกฺขํ ธมฺมํ ปฏิจฺจ กุสโล เสกฺโข ธมฺโม อุปฺปชฺชติ เหตุปจฺจยาฯ (1)

อพฺยากตํ เสกฺขํ ธมฺมํ ปฏิจฺจ อพฺยากโต เสกฺโข ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ทฺเว, อวิคเต ทฺเวฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

[48] อพฺยากตํ อเสกฺขํ ธมฺมํ ปฏิจฺจ อพฺยากโต อเสกฺโข ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา เอกํ…เป.… อวิคเต เอกํฯ (สํขิตฺตํฯ)

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[49] กุสลํ เนวเสกฺขนาเสกฺขํ ธมฺมํ ปฏิจฺจ กุสโล เนวเสกฺขนาเสกฺโข ธมฺโม อุปฺปชฺชติ เหตุปจฺจยา… ตีณิฯ

อกุสลํ เนวเสกฺขนาเสกฺขํ ธมฺมํ ปฏิจฺจ อกุสโล เนวเสกฺขนาเสกฺโข ธมฺโม อุปฺปชฺชติ เหตุปจฺจยา… ตีณิฯ

อพฺยากตํ เนวเสกฺขนาเสกฺขํ ธมฺมํ ปฏิจฺจ อพฺยากโต เนวเสกฺขนาเสกฺโข ธมฺโม อุปฺปชฺชติ เหตุปจฺจยา… ตีณิฯ (1)

เหตุยา นว, อวิคเต นวฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

[50] กุสโล เนวเสกฺขนาเสกฺโข ธมฺโม กุสลสฺส เนวเสกฺขนาเสกฺขสฺส ธมฺมสฺส เหตุปจฺจเยน ปจฺจโยฯ (สํขิตฺตํฯ)

เหตุยา สตฺต, อารมฺมเณ นว, อวิคเต เตรสฯ (สํขิตฺตํฯ ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

1-11. กุสลตฺติก-ปริตฺตตฺติกํ

1-7. ปฏิจฺจวาราทิ

ปจฺจยจตุกฺกํ

[51] กุสลํ ปริตฺตํ ธมฺมํ ปฏิจฺจ กุสโล ปริตฺโต ธมฺโม อุปฺปชฺชติ เหตุปจฺจยาฯ กุสลํ ปริตฺตํ ธมฺมํ ปฏิจฺจ อพฺยากโต ปริตฺโต ธมฺโม อุปฺปชฺชติ เหตุปจฺจยาฯ กุสลํ ปริตฺตํ ธมฺมํ ปฏิจฺจ กุสโล ปริตฺโต จ อพฺยากโต ปริตฺโต จ ธมฺมา อุปฺปชฺชนฺติ เหตุปจฺจยาฯ (3)

อกุสลํ ปริตฺตํ ธมฺมํ ปฏิจฺจ อกุสโล ปริตฺโต ธมฺโม อุปฺปชฺชติ เหตุปจฺจยา… ตีณิฯ

อพฺยากตํ ปริตฺตํ ธมฺมํ ปฏิจฺจ อพฺยากโต ปริตฺโต ธมฺโม อุปฺปชฺชติ เหตุปจฺจยาฯ (1)