อพฺยากตํ เนวทสฺสเนน นภาวนาย ปหาตพฺพํ ธมฺมํ ปฏิจฺจ อพฺยากโต เนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยาฯ (1)

กุสลํ เนวทสฺสเนน นภาวนาย ปหาตพฺพญฺจ อพฺยากตํ เนวทสฺสเนน นภาวนาย ปหาตพฺพญฺจ ธมฺมํ ปฏิจฺจ อพฺยากโต เนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ปญฺจ, อวิคเต ปญฺจฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

1-8. กุสลตฺติก-ทสฺสนเหตุกตฺติกํ

1-7. ปฏิจฺจวาราทิ

ปจฺจยจตุกฺกํ

[41] อกุสลํ ทสฺสเนน ปหาตพฺพเหตุกํ ธมฺมํ ปฏิจฺจ อกุสโล ทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยาฯ

เหตุยา เอกํ…เป.… อวิคเต เอกํฯ (สํขิตฺตํฯ)

[42] อกุสลํ ภาวนาย ปหาตพฺพเหตุกํ ธมฺมํ ปฏิจฺจ อกุสโล ภาวนาย ปหาตพฺพเหตุโก ธมฺโม อุปฺปชฺชติ เหตุปจฺจยาฯ

เหตุยา เอกํ…เป.… อวิคเต เอกํฯ (สํขิตฺตํฯ)

[43] กุสลํ เนวทสฺสเนน นภาวนาย ปหาตพฺพเหตุกํ ธมฺมํ ปฏิจฺจ กุสโล เนวทสฺสเนน นภาวนาย ปหาตพฺพเหตุโก ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา สตฺต, อารมฺมเณ ทฺเว, อวิคเต สตฺตฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

1-9. กุสลตฺติก-อาจยคามิตฺติกํ

1-7. ปฏิจฺจวาราทิ