เหตุปจฺจโย

[1] นเหตุํ นกุสลํ ธมฺมํ ปฏิจฺจ นเหตุ นกุสโล ธมฺโม อุปฺปชฺชติ เหตุปจฺจยา – นเหตุํ อกุสลํ อพฺยากตํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํฯ นเหตุํ นกุสลํ ธมฺมํ ปฏิจฺจ นนเหตุํ นกุสโล ธมฺโม อุปฺปชฺชติ เหตุปจฺจยา – นเหตู อกุสเล อพฺยากเต ขนฺเธ ปฏิจฺจ เหตูฯ นเหตุํ นกุสลํ ธมฺมํ ปฏิจฺจ นเหตุ นกุสโล จ นนเหตุ นกุสโล จ ธมฺมา อุปฺปชฺชนฺติ เหตุปจฺจยาฯ (3)

นนเหตุํ นกุสลํ ธมฺมํ ปฏิจฺจ นนเหตุ นกุสโล ธมฺโม อุปฺปชฺชติ เหตุปจฺจยาฯ นนเหตุํ นกุสลํ ธมฺมํ ปฏิจฺจ นเหตุ นกุสโล ธมฺโม อุปฺปชฺชติ เหตุปจฺจยาฯ นนเหตุํ นกุสลํ ธมฺมํ ปฏิจฺจ นเหตุ นกุสโล จ นนเหตุ นกุสโล จ ธมฺมา อุปฺปชฺชนฺติ เหตุปจฺจยาฯ (3)

นเหตุํ นกุสลญฺจ นนเหตุํ นกุสลญฺจ ธมฺมํ ปฏิจฺจ นเหตุ นกุสโล ธมฺโม อุปฺปชฺชติ เหตุปจฺจยาฯ นเหตุํ นกุสลญฺจ นนเหตุํ นกุสลญฺจ ธมฺมํ ปฏิจฺจ นนเหตุ นกุสโล ธมฺโม อุปฺปชฺชติ เหตุปจฺจยาฯ นเหตุํ นกุสลญฺจ นนเหตุํ นกุสลญฺจ ธมฺมํ ปฏิจฺจ นเหตุ นกุสโล จ นนเหตุ นกุสโล จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

[2] เหตุยา นว…เป.… อวิคเต นวฯ

นเหตุยา ทฺเวฯ

(สหชาตวาเรปิ…เป.… สมฺปยุตฺตวาเรปิ สพฺพตฺถ วิตฺถาโรฯ)

เหตุ-อารมฺมณปจฺจยา

[3] นนเหตุ นกุสโล ธมฺโม นนเหตุสฺส นกุสลสฺส ธมฺมสฺส เหตุปจฺจเยน ปจฺจโยฯ นนเหตุ นกุสโล ธมฺโม นเหตุสฺส นกุสลสฺส ธมฺมสฺส เหตุปจฺจเยน ปจฺจโยฯ นนเหตุ นกุสโล ธมฺโม นเหตุสฺส นกุสลสฺส จ นนเหตุสฺส นกุสลสฺส จ ธมฺมสฺส เหตุปจฺจเยน ปจฺจโยฯ (3)

นเหตุ นกุสโล ธมฺโม นเหตุสฺส นกุสลสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ)

[4] เหตุยา ตีณิ, อารมฺมเณ นว…เป.… อวิคเต นวฯ (ปญฺหาวารํ เอวํ วิตฺถาเรตพฺพํ)ฯ

[5] นเหตุํ นอกุสลํ ธมฺมํ ปฏิจฺจ นเหตุ นอกุสโล ธมฺโม อุปฺปชฺชติ เหตุปจฺจยา – นเหตุํ กุสลํ อพฺยากตํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… นเหตุํ นอกุสลํ ธมฺมํ ปฏิจฺจ นนเหตุ นอกุสโล ธมฺโม อุปฺปชฺชติ เหตุปจฺจยา – นเหตู กุสเล อพฺยากเต ขนฺเธ ปฏิจฺจ เหตูฯ นเหตุํ นอกุสลํ ธมฺมํ ปฏิจฺจ นเหตุ นอกุสโล จ นนเหตุ นอกุสโล จ ธมฺมา อุปฺปชฺชนฺติ เหตุปจฺจยาฯ (3)

นนเหตุํ นอกุสลํ ธมฺมํ ปฏิจฺจ นนเหตุ นอกุสโล ธมฺโม อุปฺปชฺชติ เหตุปจฺจยาฯ นนเหตุํ นอกุสลํ ธมฺมํ ปฏิจฺจ นเหตุ นอกุสโล ธมฺโม อุปฺปชฺชติ เหตุปจฺจยาฯ นนเหตุํ นอกุสลํ ธมฺมํ ปฏิจฺจ นเหตุ นอกุสโล จ นนเหตุ นอกุสโล จ ธมฺมา อุปฺปชฺชนฺติ เหตุปจฺจยาฯ (3)

นเหตุํ นอกุสลญฺจ นนเหตุํ นอกุสลญฺจ ธมฺมํ ปฏิจฺจ นเหตุ นอกุสโล ธมฺโม อุปฺปชฺชติ เหตุปจฺจยาฯ