เมนู

อวิตกฺกํ ธมฺมํ ปจฺจยา สวิตกฺโก จ อวิตกฺโก จ ธมฺมา อุปฺปชฺชนฺติ เหตุปจฺจยา – วิตกฺกํ ปจฺจยา สมฺปยุตฺตกา ขนฺธา จิตฺตสมุฏฺฐานญฺจ รูปํ, วิตกฺกํ ปจฺจยา สมฺปยุตฺตกา ขนฺธา, มหาภูเต ปจฺจยา จิตฺตสมุฏฺฐานํ รูปํ, วตฺถุํ ปจฺจยา สวิตกฺกา ขนฺธา, มหาภูเต ปจฺจยา จิตฺตสมุฏฺฐานํ รูปํ, วตฺถุํ ปจฺจยา วิตกฺโก สมฺปยุตฺตกา จ ขนฺธา; ปฏิสนฺธิกฺขเณ…เป.… (ปฏิสนฺธิยาปิ ปวตฺติสทิสาเยว)ฯ (3)

[111] สวิตกฺกญฺจ อวิตกฺกญฺจ ธมฺมํ ปจฺจยา สวิตกฺโก ธมฺโม อุปฺปชฺชติ เหตุปจฺจยา – สวิตกฺกํ เอกํ ขนฺธญฺจ วิตกฺกญฺจ ปจฺจยา ตโย ขนฺธา…เป.… ทฺเว ขนฺเธ…เป.… สวิตกฺกํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ…เป.… (ปฏิสนฺธิกฺขเณ ทฺเว กาตพฺพา)ฯ (1)

สวิตกฺกญฺจ อวิตกฺกญฺจ ธมฺมํ ปจฺจยา อวิตกฺโก ธมฺโม อุปฺปชฺชติ เหตุปจฺจยา – สวิตกฺเก ขนฺเธ จ วิตกฺกญฺจ ปจฺจยา จิตฺตสมุฏฺฐานํ รูปํ, สวิตกฺเก ขนฺเธ จ วิตกฺกญฺจ มหาภูเต จ ปจฺจยา จิตฺตสมุฏฺฐานํ รูปํ, สวิตกฺเก ขนฺเธ จ วตฺถุญฺจ ปจฺจยา วิตกฺโก; ปฏิสนฺธิกฺขเณ…เป.… (ตีณิ, ปฏิสนฺธิยาปิ)ฯ (2)

สวิตกฺกญฺจ อวิตกฺกญฺจ ธมฺมํ ปจฺจยา สวิตกฺโก จ อวิตกฺโก จ ธมฺมา อุปฺปชฺชนฺติ เหตุปจฺจยา – สวิตกฺกํ เอกํ ขนฺธญฺจ วิตกฺกญฺจ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… สวิตกฺกํ เอกํ ขนฺธญฺจ วิตกฺกญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ…เป.… สวิตกฺเก ขนฺเธ จ วิตกฺกญฺจ มหาภูเต จ ปจฺจยา จิตฺตสมุฏฺฐานํ รูปํ, สวิตกฺกํ เอกํ ขนฺธญฺจ วตฺถุญฺจ ปจฺจยา ตโย ขนฺธา วิตกฺโก จ…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (3)

1. ปจฺจยานุโลมํ

2. สงฺขฺยาวาโร

[112] เหตุยา นว, อารมฺมเณ นว, อธิปติยา นว (สพฺพตฺถ นว), อวิคเต นวฯ

2. ปจฺจยปจฺจนียํ

1. วิภงฺควาโร

[113] สวิตกฺกํ ธมฺมํ ปจฺจยา สวิตกฺโก ธมฺโม อุปฺปชฺชติ นเหตุปจฺจยาฯ (นว ปญฺหา กาตพฺพาฯ ‘‘อเหตุกา’’ติ นิยาเมตพฺพา ตีณิเยวฯ โมโห อุทฺธริตพฺโพ, ยถา ปฏิจฺจวาเร เหตุปจฺจยสทิสาเยว ปญฺหา ปญฺจวิญฺญาณา อติเรกา โมโห วิตกฺกํฯ)

2. ปจฺจยปจฺจนียํ

2. สงฺขฺยาวาโร

[114] นเหตุยา นว, นอารมฺมเณ ตีณิ, นอธิปติยา นว, นอนนฺตเร ตีณิ…เป.… นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นกมฺเม จตฺตาริ, นวิปาเก นว, นอาหาเร เอกํ, นอินฺทฺริเย เอกํ, นฌาเน เอกํ, นมคฺเค นว, นสมฺปยุตฺเต ตีณิ, นวิปฺปยุตฺเต ฉ, โนนตฺถิยา ตีณิ, โนวิคเต ตีณิฯ

4. นิสฺสยวาโร

(เอวํ อิตเร ทฺเว คณนาปิ นิสฺสยวาโรปิ กาตพฺโพฯ)

5. สํสฏฺฐวาโร

1-4. ปจฺจยานุโลมาทิ

เหตุปจฺจโย

[115] สวิตกฺกํ ธมฺมํ สํสฏฺโฐ สวิตกฺโก ธมฺโม อุปฺปชฺชติ เหตุปจฺจยา – สวิตกฺกํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ สวิตกฺกํ ธมฺมํ สํสฏฺโฐ อวิตกฺโก ธมฺโม อุปฺปชฺชติ เหตุปจฺจยา – สวิตกฺเก ขนฺเธ สํสฏฺโฐ วิตกฺโก; ปฏิสนฺธิกฺขเณ…เป.…ฯ สวิตกฺกํ ธมฺมํ สํสฏฺโฐ สวิตกฺโก จ อวิตกฺโก จ ธมฺมา อุปฺปชฺชนฺติ เหตุปจฺจยา – สวิตกฺกํ เอกํ ขนฺธํ สํสฏฺฐา ตโย ขนฺธา วิตกฺโก จ…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (3)

อวิตกฺกํ ธมฺมํ สํสฏฺโฐ อวิตกฺโก ธมฺโม อุปฺปชฺชติ เหตุปจฺจยา – อวิตกฺกํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ อวิตกฺกํ ธมฺมํ สํสฏฺโฐ สวิตกฺโก ธมฺโม อุปฺปชฺชติ เหตุปจฺจยา – วิตกฺกํ สํสฏฺฐา สมฺปยุตฺตกา ขนฺธา; ปฏิสนฺธิกฺขเณ…เป.…ฯ (2)

สวิตกฺกญฺจ อวิตกฺกญฺจ ธมฺมํ สํสฏฺโฐ สวิตกฺโก ธมฺโม อุปฺปชฺชติ เหตุปจฺจยา – สวิตกฺกํ เอกํ ขนฺธญฺจ วิตกฺกญฺจ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (1) (สํขิตฺตํฯ)

เหตุยา ฉ, อารมฺมเณ ฉ, อธิปติยา ฉ (สพฺพตฺถ ฉ) อวิคเต ฉฯ

อนุโลมํฯ