[91] เหตุปจฺจยา นอารมฺมเณ ฉ, นอธิปติยา ฉ, นอนนฺตเร ฉ, นสมนนฺตเร ฉ, นอญฺญมญฺเญ ทฺเว, นอุปนิสฺสเย ฉ…เป.… นสมฺปยุตฺเต ทฺเว, นวิปฺปยุตฺเต ตีณิ, โนนตฺถิยา ฉ, โนวิคเต ฉฯ
4. ปจฺจยปจฺจนียานุโลมํ
[92] นเหตุปจฺจยา อารมฺมเณ นว, อธิปติยา ปญฺจ (อนุโลมมาติกา)…เป.… อวิคเต นวฯ
ทสฺสเนนปหาตพฺพเหตุกทุกํ นิฏฺฐิตํฯ
86. ภาวนายปหาตพฺพเหตุกทุกํ
1-6. ปฏิจฺจวาราทิ
[93] ภาวนาย ปหาตพฺพเหตุกํ ธมฺมํ ปฏิจฺจ ภาวนาย ปหาตพฺพเหตุโก ธมฺโม อุปฺปชฺชติ เหตุปจฺจยา – ภาวนาย ปหาตพฺพเหตุกํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ…เป.…ฯ
2-6. สหชาต-ปจฺจย-นิสฺสย-สํสฏฺฐ-สมฺปยุตฺตวาโร
(เอวํ ปฏิจฺจวาโรปิ สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ทสฺสเนน ปหาตพฺพเหตุกทุกสทิสาฯ อุทฺธจฺจสหคโต โมโห วิจิกิจฺฉาสหคตโมหฏฺฐาเน ฐเปตพฺโพฯ)
7. ปญฺหาวาโร
1. ปจฺจยานุโลมํ
1. วิภงฺควาโร
เหตุปจฺจโย
[94] ภาวนาย ปหาตพฺพเหตุโก ธมฺโม ภาวนาย ปหาตพฺพเหตุกสฺส ธมฺมสฺส เหตุปจฺจเยน ปจฺจโย… ฉ…เป.… (ทสฺสเนน ปหาตพฺพเหตุกทุกสทิสา)ฯ
อารมฺมณปจฺจโย
[95] ภาวนาย ปหาตพฺพเหตุโก ธมฺโม ภาวนาย ปหาตพฺพเหตุกสฺส ธมฺมสฺส อารมฺมณปจฺจเยน ปจฺจโย… ตีณิ (อารพฺภ ทสฺสเนน ปหาตพฺพเหตุกทุกสทิสา)ฯ
[96] นภาวนาย ปหาตพฺพเหตุโก ธมฺโม นภาวนาย ปหาตพฺพเหตุกสฺส ธมฺมสฺส อารมฺมณปจฺจเยน ปจฺจโย – ทานํ…เป.… สีลํ…เป.… อุโปสถกมฺมํ กตฺวา ตํ ปจฺจเวกฺขติ อสฺสาเทติ อภินนฺทติ, ตํ อารพฺภ นภาวนาย ปหาตพฺพเหตุโก ราโค อุปฺปชฺชติ, ทิฏฺฐิ…เป.… วิจิกิจฺฉา…เป.… นภาวนาย ปหาตพฺพเหตุกํ โทมนสฺสํ อุปฺปชฺชติ, ปุพฺเพ สุจิณฺณานิ…เป.… ฌานา…เป.… อริยา มคฺคา…เป.… ผลสฺส, อาวชฺชนาย อารมฺมณปจฺจเยน ปจฺจโย; อริยา นภาวนาย ปหาตพฺพเหตุเก ปหีเน กิเลเส…เป.… ปุพฺเพ สมุทาจิณฺเณ…เป.… จกฺขุํ…เป.… วตฺถุํ นภาวนาย ปหาตพฺพเหตุเก ขนฺเธ จ โมหญฺจ อนิจฺจโต…เป.… วิปสฺสติ อสฺสาเทติ อภินนฺทติ, ตํ อารพฺภ นภาวนาย ปหาตพฺพเหตุโก ราโค อุปฺปชฺชติ, ทิฏฺฐิ…เป.… วิจิกิจฺฉา…เป.… นภาวนาย ปหาตพฺพเหตุกํ โทมนสฺสํ อุปฺปชฺชติ; ทิพฺเพน จกฺขุนา รูปํ ปสฺสติ…เป.… อนาคตํสญาณสฺส, อาวชฺชนาย, โมหสฺส จ อารมฺมณปจฺจเยน ปจฺจโยฯ (1)
นภาวนาย ปหาตพฺพเหตุโก ธมฺโม ภาวนาย ปหาตพฺพเหตุกสฺส ธมฺมสฺส อารมฺมณปจฺจเยน ปจฺจโย – ทานํ…เป.… สีลํ…เป.… ฌานํ…เป.… จกฺขุํ…เป.… วตฺถุํ นภาวนาย ปหาตพฺพเหตุเก ขนฺเธ จ โมหญฺจ อสฺสาเทติ อภินนฺทติ, ตํ อารพฺภ ภาวนาย ปหาตพฺพเหตุโก ราโค อุปฺปชฺชติ, อุทฺธจฺจํ…เป.… ภาวนาย ปหาตพฺพเหตุกํ โทมนสฺสํ อุปฺปชฺชติฯ (2)
นภาวนาย ปหาตพฺพเหตุโก ธมฺโม ภาวนาย ปหาตพฺพเหตุกสฺส จ นภาวนาย ปหาตพฺพเหตุกสฺส จ ธมฺมสฺส อารมฺมณปจฺจเยน ปจฺจโย – จกฺขุํ…เป.… วตฺถุํ นภาวนาย ปหาตพฺพเหตุเก ขนฺเธ จ โมหญฺจ อารพฺภ อุทฺธจฺจสหคตา ขนฺธา จ โมโห จ อุปฺปชฺชนฺติ (ฆฏนารมฺมณา ตีณิปิ กาตพฺพา)ฯ (3)