[118] มคฺคารมฺมโณ อรโณ ธมฺโม มคฺคารมฺมณสฺส อรณสฺส ธมฺมสฺส เหตุปจฺจเยน ปจฺจโย… ตีณิฯ

มคฺคเหตุโก อรโณ ธมฺโม มคฺคเหตุกสฺส อรณสฺส ธมฺมสฺส เหตุปจฺจเยน ปจฺจโย… ตีณิฯ

มคฺคาธิปติ อรโณ ธมฺโม มคฺคาธิปติสฺส อรณสฺส ธมฺมสฺส เหตุปจฺจเยน ปจฺจโย… ปญฺจฯ

มคฺคารมฺมโณ อรโณ จ มคฺคาธิปติ อรโณ จ ธมฺมา มคฺคารมฺมณสฺส อรณสฺส ธมฺมสฺส เหตุปจฺจเยน ปจฺจโย… ตีณิฯ

มคฺคเหตุโก อรโณ จ มคฺคาธิปติ อรโณ จ ธมฺมา มคฺคเหตุกสฺส อรณสฺส ธมฺมสฺส เหตุปจฺจเยน ปจฺจโย… ตีณิ (สํขิตฺตํ)ฯ

[119] เหตุยา สตฺตรส, อารมฺมเณ นว…เป.… อวิคเต สตฺตรส (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

17-100. อุปฺปนฺนตฺติก-สรณทุกํ

7. ปญฺหาวาโร

เหตุ-อารมฺมณปจฺจยา

[120] อุปฺปนฺโน สรโณ ธมฺโม อุปฺปนฺนสฺส สรณสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

เหตุยา เอกํ, อารมฺมเณ ทฺเว, อธิปติยา ทฺเว, สหชาเต อญฺญมญฺเญ นิสฺสเย เอกํ, อุปนิสฺสเย ทฺเว, กมฺเม…เป.… สมฺปยุตฺเต เอกํ…เป.… อวิคเต เอกํ (สํขิตฺตํ)ฯ

[121] อุปฺปนฺโน อรโณ ธมฺโม อุปฺปนฺนสฺส อรณสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

เหตุยา เอกํ, อารมฺมเณ ตีณิ, อธิปติยา ตีณิ…เป.… อุปนิสฺสเย ตีณิ…เป.… อวิคเต เอกํ (สํขิตฺตํ)ฯ

18-100. อตีตตฺติก-สรณทุกํ

7. ปญฺหาวาโร

เหตุปจฺจโย

[122] ปจฺจุปฺปนฺโน สรโณ ธมฺโม ปจฺจุปฺปนฺนสฺส สรณสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

เหตุยา เอกํ, อารมฺมเณ ตีณิ, อธิปติยา ตีณิ…เป.… อุปนิสฺสเย ตีณิ…เป.… อวิคเต เอกํ (สํขิตฺตํ)ฯ

[123] ปจฺจุปฺปนฺโน อรโณ ธมฺโม ปจฺจุปฺปนฺนสฺส อรณสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

เหตุยา เอกํ, อารมฺมเณ ตีณิ…เป.… อวิคเต เอกํ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

19-100. อตีตารมฺมณตฺติก-สรณทุกํ

1-7. ปฏิจฺจวาราทิ

เหตุ-อารมฺมณปจฺจยา

[124] อตีตารมฺมณํ สรณํ ธมฺมํ ปฏิจฺจ อตีตารมฺมโณ สรโณ ธมฺโม อุปฺปชฺชติ เหตุปจฺจยาฯ (1)

อนาคตารมฺมณํ สรณํ ธมฺมํ ปฏิจฺจ อนาคตารมฺมโณ สรโณ ธมฺโม อุปฺปชฺชติ เหตุปจฺจยาฯ (1)

ปจฺจุปฺปนฺนารมฺมณํ สรณํ ธมฺมํ ปฏิจฺจ ปจฺจุปฺปนฺนารมฺมโณ สรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ตีณิ…เป.… อวิคเต ตีณิ (สํขิตฺตํ)ฯ

(สหชาตวารมฺปิ …เป.… ปญฺหาวารมฺปิ สพฺพตฺถ วิตฺถาเรตพฺพํฯ)