[37] เหตุยา นว, อารมฺมเณ ตีณิ…เป.… อวิคเต นว (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

[38] กุสโล นรูปาวจโร ธมฺโม กุสลสฺส นรูปาวจรสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล นรูปาวจโร ธมฺโม อกุสลสฺส นรูปาวจรสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต นรูปาวจโร ธมฺโม อพฺยากตสฺส นรูปาวจรสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[39] เหตุยา สตฺต, อารมฺมเณ นว…เป.… อวิคเต เตรส (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

1-95. กุสลตฺติก-อรูปาวจรทุกํ

1-7. ปฏิจฺจวาราทิ

ปจฺจยจตุกฺกํ

[40] กุสลํ อรูปาวจรํ ธมฺมํ ปฏิจฺจ กุสโล อรูปาวจโร ธมฺโม อุปฺปชฺชติ เหตุปจฺจยาฯ (1)

อพฺยากตํ อรูปาวจรํ ธมฺมํ ปฏิจฺจ อพฺยากโต อรูปาวจโร ธมฺโม อุปฺปชฺชติ เหตุปจฺจยาฯ (1)

กุสลํ นอรูปาวจรํ ธมฺมํ ปฏิจฺจ กุสโล นอรูปาวจโร ธมฺโม อุปฺปชฺชติ เหตุปจฺจยา (รูปาวจรทุกสทิสํ)ฯ

1-96. กุสลตฺติก-ปริยาปนฺนทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[41] กุสลํ ปริยาปนฺนํ ธมฺมํ ปฏิจฺจ กุสโล ปริยาปนฺโน ธมฺโม อุปฺปชฺชติ เหตุปจฺจยา… ตีณิฯ

อกุสลํ ปริยาปนฺนํ ธมฺมํ ปฏิจฺจ อกุสโล ปริยาปนฺโน ธมฺโม อุปฺปชฺชติ เหตุปจฺจยา… ตีณิฯ

อพฺยากตํ ปริยาปนฺนํ ธมฺมํ ปฏิจฺจ อพฺยากโต ปริยาปนฺโน ธมฺโม อุปฺปชฺชติ เหตุปจฺจยาฯ (1)

กุสลํ ปริยาปนฺนญฺจ อพฺยากตํ ปริยาปนฺนญฺจ ธมฺมํ ปฏิจฺจ อพฺยากโต ปริยาปนฺโน ธมฺโม อุปฺปชฺชติ เหตุปจฺจยาฯ (1)

อกุสลํ ปริยาปนฺนญฺจ อพฺยากตํ ปริยาปนฺนญฺจ ธมฺมํ ปฏิจฺจ อพฺยากโต ปริยาปนฺโน ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[42] เหตุยา นว, อารมฺมเณ ตีณิ…เป.… วิปาเก เอกํ…เป.… อวิคเต นว (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

[43] กุสโล ปริยาปนฺโน ธมฺโม กุสลสฺส ปริยาปนฺนสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล ปริยาปนฺโน ธมฺโม อกุสลสฺส ปริยาปนฺนสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต ปริยาปนฺโน ธมฺโม อพฺยากตสฺส ปริยาปนฺนสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[44] เหตุยา สตฺต, อารมฺมเณ นว, อธิปติยา นว…เป.… อวิคเต เตรส (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

อปริยาปนฺนปทํ

เหตุ-อารมฺมณปจฺจยา

[45] กุสลํ อปริยาปนฺนํ ธมฺมํ ปฏิจฺจ กุสโล อปริยาปนฺโน ธมฺโม อุปฺปชฺชติ เหตุปจฺจยาฯ (1)

อพฺยากตํ อปริยาปนฺนํ ธมฺมํ ปฏิจฺจ อพฺยากโต อปริยาปนฺโน ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํฯ) (สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

[46] กุสโล อปริยาปนฺโน ธมฺโม กุสลสฺส อปริยาปนฺนสฺส ธมฺมสฺส เหตุปจฺจเยน ปจฺจโยฯ (1)

อพฺยากโต อปริยาปนฺโน ธมฺโม อพฺยากตสฺส อปริยาปนฺนสฺส ธมฺมสฺส เหตุปจฺจเยน ปจฺจโยฯ (1)