อพฺยากโต นกามาวจโร ธมฺโม อพฺยากตสฺส นกามาวจรสฺส ธมฺมสฺส อารมฺมณปจฺจเยน ปจฺจโยฯ อพฺยากโต นกามาวจโร ธมฺโม กุสลสฺส นกามาวจรสฺส ธมฺมสฺส อารมฺมณปจฺจเยน ปจฺจโยฯ (2)
[34] เหตุยา ทฺเว, อารมฺมเณ จตฺตาริ, อธิปติยา ตีณิ…เป.… อวิคเต ทฺเว (สํขิตฺตํ)ฯ
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
1-94. กุสลตฺติก-รูปาวจรทุกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[35] กุสลํ รูปาวจรํ ธมฺมํ ปฏิจฺจ กุสโล รูปาวจโร ธมฺโม อุปฺปชฺชติ เหตุปจฺจยาฯ (1)
อพฺยากตํ รูปาวจรํ ธมฺมํ ปฏิจฺจ อพฺยากโต รูปาวจโร ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
เหตุยา ทฺเว…เป.… อวิคเต ทฺเว (สํขิตฺตํ)ฯ
(สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)
[36] กุสลํ นรูปาวจรํ ธมฺมํ ปฏิจฺจ กุสโล นรูปาวจโร ธมฺโม อุปฺปชฺชติ เหตุปจฺจยา… ตีณิฯ
อกุสลํ นรูปาวจรํ ธมฺมํ ปฏิจฺจ อกุสโล นรูปาวจโร ธมฺโม อุปฺปชฺชติ เหตุปจฺจยา… ตีณิฯ
อพฺยากตํ นรูปาวจรํ ธมฺมํ ปฏิจฺจ อพฺยากโต นรูปาวจโร ธมฺโม อุปฺปชฺชติ เหตุปจฺจยาฯ (1)
กุสลํ นรูปาวจรญฺจ อพฺยากตํ นรูปาวจรญฺจ ธมฺมํ ปฏิจฺจ อพฺยากโต นรูปาวจโร ธมฺโม อุปฺปชฺชติ เหตุปจฺจยาฯ (1)
อกุสลํ นรูปาวจรญฺจ อพฺยากตํ นรูปาวจรญฺจ ธมฺมํ ปฏิจฺจ อพฺยากโต นรูปาวจโร ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[37] เหตุยา นว, อารมฺมเณ ตีณิ…เป.… อวิคเต นว (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ
[38] กุสโล นรูปาวจโร ธมฺโม กุสลสฺส นรูปาวจรสฺส ธมฺมสฺส เหตุปจฺจเยน ปจฺจโย… ตีณิฯ
อกุสโล นรูปาวจโร ธมฺโม อกุสลสฺส นรูปาวจรสฺส ธมฺมสฺส เหตุปจฺจเยน ปจฺจโย… ตีณิฯ
อพฺยากโต นรูปาวจโร ธมฺโม อพฺยากตสฺส นรูปาวจรสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)
[39] เหตุยา สตฺต, อารมฺมเณ นว…เป.… อวิคเต เตรส (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ
1-95. กุสลตฺติก-อรูปาวจรทุกํ
1-7. ปฏิจฺจวาราทิ
ปจฺจยจตุกฺกํ
[40] กุสลํ อรูปาวจรํ ธมฺมํ ปฏิจฺจ กุสโล อรูปาวจโร ธมฺโม อุปฺปชฺชติ เหตุปจฺจยาฯ (1)
อพฺยากตํ อรูปาวจรํ ธมฺมํ ปฏิจฺจ อพฺยากโต อรูปาวจโร ธมฺโม อุปฺปชฺชติ เหตุปจฺจยาฯ (1)
กุสลํ นอรูปาวจรํ ธมฺมํ ปฏิจฺจ กุสโล นอรูปาวจโร ธมฺโม อุปฺปชฺชติ เหตุปจฺจยา (รูปาวจรทุกสทิสํ)ฯ
1-96. กุสลตฺติก-ปริยาปนฺนทุกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[41] กุสลํ ปริยาปนฺนํ ธมฺมํ ปฏิจฺจ กุสโล ปริยาปนฺโน ธมฺโม อุปฺปชฺชติ เหตุปจฺจยา… ตีณิฯ
อกุสลํ ปริยาปนฺนํ ธมฺมํ ปฏิจฺจ อกุสโล ปริยาปนฺโน ธมฺโม อุปฺปชฺชติ เหตุปจฺจยา… ตีณิฯ
