เหตุปจฺจโย

[30] กุสลํ กิเลสวิปฺปยุตฺตํ สํกิเลสิกํ ธมฺมํ ปฏิจฺจ กุสโล กิเลสวิปฺปยุตฺโต สํกิเลสิโก ธมฺโม อุปฺปชฺชติ เหตุปจฺจยาฯ กุสลํ กิเลสวิปฺปยุตฺตํ สํกิเลสิกํ ธมฺมํ ปฏิจฺจ อพฺยากโต กิเลสวิปฺปยุตฺโต สํกิเลสิโก ธมฺโม อุปฺปชฺชติ เหตุปจฺจยาฯ กุสลํ กิเลสวิปฺปยุตฺตํ สํกิเลสิกํ ธมฺมํ ปฏิจฺจ กุสโล กิเลสวิปฺปยุตฺโต สํกิเลสิโก จ อพฺยากโต กิเลสวิปฺปยุตฺโต สํกิเลสิโก จ ธมฺมา อุปฺปชฺชนฺติ เหตุปจฺจยาฯ (3)

อพฺยากตํ กิเลสวิปฺปยุตฺตํ สํกิเลสิกํ ธมฺมํ ปฏิจฺจ อพฺยากโต กิเลสวิปฺปยุตฺโต สํกิเลสิโก ธมฺโม อุปฺปชฺชติ เหตุปจฺจยาฯ (1)

กุสลํ กิเลสวิปฺปยุตฺตํ สํกิเลสิกญฺจ อพฺยากตํ กิเลสวิปฺปยุตฺตํ สํกิเลสิกญฺจ ธมฺมํ ปฏิจฺจ อพฺยากโต กิเลสวิปฺปยุตฺโต สํกิเลสิโก ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[31] เหตุยา ปญฺจ, อารมฺมเณ ทฺเว…เป.… อวิคเต ปญฺจ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

[32] กุสโล กิเลสวิปฺปยุตฺโต สํกิเลสิโก ธมฺโม กุสลสฺส กิเลสวิปฺปยุตฺตสฺส สํกิเลสิกสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต กิเลสวิปฺปยุตฺโต สํกิเลสิโก ธมฺโม อพฺยากตสฺส กิเลสวิปฺปยุตฺตสฺส สํกิเลสิกสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[33] เหตุยา จตฺตาริ, อารมฺมเณ จตฺตาริ…เป.… อวิคเต สตฺต (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

[34] กุสลํ กิเลสวิปฺปยุตฺตํ อสํกิเลสิกํ ธมฺมํ ปฏิจฺจ กุสโล กิเลสวิปฺปยุตฺโต อสํกิเลสิโก ธมฺโม อุปฺปชฺชติ เหตุปจฺจยาฯ

อพฺยากตํ กิเลสวิปฺปยุตฺตํ อสํกิเลสิกํ ธมฺมํ ปฏิจฺจ อพฺยากโต กิเลสวิปฺปยุตฺโต อสํกิเลสิโก ธมฺโม อุปฺปชฺชติ เหตุปจฺจยาฯ

เหตุยา ทฺเว…เป.… อวิคเต ทฺเว (สํขิตฺตํฯ สหชาตวารมฺปิ …เป.… สมฺปยุตฺตวารมฺปิ ปฏิจฺจวารสทิสํ)ฯ

[35] กุสโล กิเลสวิปฺปยุตฺโต อสํกิเลสิโก ธมฺโม กุสลสฺส กิเลสวิปฺปยุตฺตสฺส อสํกิเลสิกสฺส ธมฺมสฺส เหตุปจฺจเยน ปจฺจโยฯ (1)

อพฺยากโต กิเลสวิปฺปยุตฺโต อสํกิเลสิโก ธมฺโม อพฺยากตสฺส กิเลสวิปฺปยุตฺตสฺส อสํกิเลสิกสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[36] เหตุยา ทฺเว, อารมฺมเณ ทฺเว, อธิปติยา ตีณิ, อนนฺตเร ทฺเว…เป.… อุปนิสฺสเย จตฺตาริ…เป.… อวิคเต ทฺเว (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

กุสลตฺติกกิเลสโคจฺฉกํ นิฏฺฐิตํฯ

1-83. กุสลตฺติก-ทสฺสเนนปหาตพฺพทุกํ

1-7. ปฏิจฺจวาราทิ

เหตุปจฺจโย

[1] อกุสลํ ทสฺสเนน ปหาตพฺพํ ธมฺมํ ปฏิจฺจ อกุสโล ทสฺสเนน ปหาตพฺโพ ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[2] กุสลํ นทสฺสเนน ปหาตพฺพํ ธมฺมํ ปฏิจฺจ กุสโล นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิฯ

อกุสลํ นทสฺสเนน ปหาตพฺพํ ธมฺมํ ปฏิจฺจ อกุสโล นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิฯ

อพฺยากตํ นทสฺสเนน ปหาตพฺพํ ธมฺมํ ปฏิจฺจ อพฺยากโต นทสฺสเนน ปหาตพฺโพ ธมฺโม อุปฺปชฺชติ เหตุปจฺจยาฯ (1)